Свет
Царинските власти уште земаат мито од цигари и лекови
Царинските власти уште се подложни на корупција, а особено кога се увезуваат или извезуваат акцизни стоки најмногу цигари, медицинска опрема и лекови.
Царинските власти уште се подложни на корупција, а особено кога се увезуваат или извезуваат акцизни стоки најмногу цигари, медицинска опрема и лекови. Има многу проблеми што му пречат на бизнисот и мора да бидат решени, пишува во белата книга на странските инвеститори во Македонија, која деновиве му беше дадена на премиерот Владо Бучковски.
Во извештајот од нивните искуства со македонската царинарница пишува дека царинската постапка е премногу сложена и прескапа затоа што одзема многу пари и време и го кочи развојот на фирмите. Општ заклучок на сите инвеститори во Македонија е дека царинската процедура не е транспарентна, нема доволно информации за царинските формалности што остава широк простор за цариниците на бараат поткуп.
„Нам ни треба едноставна, јасна и брза и ефикасна царинска постапка“, пишуваат странските инвеститори во „Белата книга за странските вложувања“.
Во текстот е наведено дека сега има подобрување и намалување на корупцијата во споредба со 2001 и 2002 година. Затоа што со помош на медиумите и отворената линија за пријавување корупција на царина и шверц имало напредок, но сепак уште има корупција поради сложените, долги и нетранспарентни царински постапки што оставаат можност за мито.
За да се подобрат работите и да се приближи Македонија кон ЕУ, странските инвеститори порачуваат да се укинуваат нетарифните трошоци, да се засили соработката на граничните контроли во регионот и да се обучуваат претставниците на фирмите за царинските процедури. Но мора да се менуваат и царинските процедури и постапки и поради тоа да се направи стратегија со опис на квалификации за работното место цариник, по што ќе се вработува квалификуван кадар. Со тоа ќе се реформира царинската администрација и институцијата ќе ги намали трошоците, а воедно и ќе го зголеми квалитетот на своите услуги. Во книгата пишува дека Македонија мора да ги усогласи царинските постапки со правилата на Европската Унија и на Светската трговска организација.
Н. С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сафади: Со бомбардирањето на Рафах, Нетанјаху го загрозува примирјето
Јорданскиот министер за надворешни работи Ајман Сафади го обвини израелскиот премиер Бенјамин Нетанјаху дека го загрозил постигнувањето на договорот за прекин на огнот меѓу Израел и Хамас со бомбардирањето на градот Рафах на југот на Појасот Газа. „Направени се огромни напори за да се постигне договор со кој ќе се ослободат заложниците и ќе се постигне прекин на огнот. Хамас го претстави предлогот.
„Ако Нетанјаху навистина сакаше договор, сериозно ќе преговараше за тоа. Наместо тоа, тој се заканува на договорот со бомбардирање на Рафах“, рече Сафади на социјалната мрежа Икс, а пренесе Ројтерс. Вчера Хамас објави дека го прифатил предлогот за прекин на огнот во Газа предложен од Египет и Катар.
Таа палестинска милитантна група во соопштение наведе дека нејзиниот шеф, Исмаил Ханије ги известил премиерот на Катар, Мухамед Бин Абдулрахман Бин Џасим Ал Тани и шефот на египетската разузнавачка служба Абас Камел дека го прифаќа нивниот предлог.
Набргу по објавувањето на Хамас, „Тајмс оф Израел“ објави изјави од неименувани израелски претставници, кои рекоа дека најавата на Хамас не се зема предвид, бидејќи предлогот со кој се согласи Хамас не ги вклучува условите со кои се согласи Израел.
Израелскиот воен кабинет синоќа едногласно одлучи да ја спроведе планираната операција во градот Рафах во јужниот дел на Појасот Газа, со цел „да се изврши воен притисок врз Хамас“, соопштија од кабинетот на премиерот на Израел Бенјамин Нетанјаху и покрај тоа што Хамас претходно објави дека се согласува со египетско-катарскиот предлог за прекин на огнот, пренесува Танјуг.
Свет
Амбасадорите на ЕУ и САД во Москва нема да присуствуваат на инаугурацијата на Путин
Амбасадорите на Европската Унија и Соединетите Американски Држави во Москва нема да присуствуваат на церемонијата на инаугурација на рускиот претседател Владимир Путин.
Портпаролот на ЕУ Петер Стано рече дека оваа одлука е во согласност со ставот на мнозинството земји-членки на блокот.
„Нашиот амбасадор нема да присуствува, повеќето земји-членки нема да присуствуваат“, рече Стано, а пренесе Ројтерс.
Портпаролот на Стејт департментот Метју Милер изјави дека американскиот амбасадор во Москва нема да присуствува на инаугурацијата на рускиот претседател.
Ројтерс вчера објави дека францускиот амбасадор во Русија ќе присуствува на инаугурацијата, за разлика од Германија која нема да испрати свој претставник.
Неименуван извор за агенцијата изјавил дека Париз претходно го осудил „контекстот на репресијата во кој се одржаа изборите, лишувајќи ги гласачите од вистински избор“, како и организирањето избори на украинските територии „окупирани“ од Русија, за кои Франција смета дека има прекршување на меѓународното право и повелбата на Обединетите нации.
Германија најави дека нема да испрати свој претставник на инаугурацијата на Путин.
Балтичките земји, кои веќе немаат дипломатски претставници во Москва, исто така категорично ја отфрлија можноста да присуствуваат на инаугурацијата на Путин.
Денеска ќе се одржи инаугурацијата на рускиот претседател Владимир Путин, со што и официјално ќе започне неговиот петти шестгодишен мандат.
Путин на претседателските избори во март освои 87,28 отсто од гласовите.
Свет
Автобус излета од патот и се преврте во Перу: најмалку 10 загинати меѓу нив и шестмесечно бебе
Најмалку 10 лица загинаа кога патнички автобус излетал од патот и се превртел во областа Пуно во јужниот дел на Перу, јавија локалните медиуми.
Меѓуградскиот автобус се движел на релација Пуно-Куско кога се случила несреќата, јави државната новинска агенција Андина.
Во автобусот имало 24 патници, а меѓу жртвите има и шестмесечно бебе, соопшти полицијата.
Државната телевизија Перу Нотицијас објави дека повредените, од кои некои се со сериозни повреди, биле пренесени во блиските болници.
Причината за несреќата ќе биде позната по истрагата.