Свет
Пад на кредитирањето во еврозоната и покрај мерките на ЕЦБ
Кредитите на домаќинствата и компаниите во еврозоната повторно се намалени во мај и тоа со поголемо темпо од претходниот месец, покажуваат податоците на Европската централна банка (ЕЦБ), која неодамна презеде низа мерки за да го промени таквиот тренд.
Кредитите во приватниот сектор во еврозоната се намалија во мај за два отсто во однос на истиот месец лани, извести во понеделникот ЕЦБ. Во април паднаа за 1,8 отсто.
Понудата на пари, искажана преку показателот М3, порасна пак на годишно ниво за еден отсто, нешто посилно во однос на април кога е зголемена за 0,7 отсто.
Европската централна банка неодамна ги снижи клучните каматни стапки на ново рекордно ниво од 0,15 отсто, а воведе и негативна камата за депозити на банките од 0,1 отсто и ја прошири листата на имот што го прифаќа како колатерал за кредити за да го поттикне кредитирање особено на малите и средни претпријатија во еврозоната.
Денешните податоци покажуваат дека мерките засега не ја исполниле посакуваната цел за проток на кредити кон реланиот сектор.
Од банката оценуваат дека веројатно кон крајот на годината ќе се знае дали мерките ја постигнале посакуваната цел, најавувајќи по потреба и нови мерки. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.