Македонија
ИВЗ повика муслиманите да не подлегнат на манипуалциите
Муслиманите да не потпаѓаат под влијание на поединци или групи, кои се раководат од лични интереси а не во функција на развој на исламот, апелираше една седмица пред големито муслимански празник Рамаза, Исламската верска заедница во Македонија
Муслиманските верници во Македонија не треба да дозволат да бидат манипулирани од луѓе чија цел е да спроведуваат туѓи агенди со цел да извршат вознемирување и раскол меѓу припадниците на исламот“, порачуваат преку соопштение муфтиите од Исламската верска заедница, испратено во пресрет на празникот Рамазан Бајрам.„Ние сме убедени дека единството на муслиманите во Република Македонија е нераскинливо, веруваме дека самите муслимани со своето однесување, својата работа и со своите ибадети ќе го потврдат токму тоа во текот на овој Рамазани Шериф“, стои во соопштението ИВЗ.Муфтиите ги повикуваат верниците во мир, благосостојба и со упатени дневни молитви и молби да ги поминат деновите на Рамазан што треба да започнат од 11. август.Пораката од ИВЗ следи по неодамнешните превирања, кога оџата од Иса Бег џамијата, Рамадан Рамадани, беше распуштен од функцијата. Рамадани беше обвинет дека шири радикален Ислам, на што тој возврати со иницијатива за смена на поглаварот на ИВЗ, Сулејман Реџепи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.