Свет
Путин: На Украина и се случи неуставен државен удар
Рускиот претседател, Владимир Путин, во вторникот изјави дека во Украина е извршен неуставен државен удар и вооружено преземање на власта, која никој не ја оспори.
На првата конференција за новинари откако беше разрешен украинскиот претседател, Путин истакнал дека Виктор Јанукович ги исполнил сите услови предвидени во договорот од 21-ви февруари склучен со претставниците на опозицијата и дека ја предал целата власт. Јанукович, според него, и понатаму е легитимен претседател на Украина, но истакнал дека сега во земјата нема власт, пренесува Ројтерс.
„Украинскиот народ сакаше промени, но не смеат да се охрабруваат со „незаконски промени”, рекол Путин.
Тој порачал дека Русија ќе му даде финансиска помош на украинскиот регион Крим и додал дека се надева оти нема да мора да употреби сила врз Украина.
Путин потсетил дека воените конфликти во Авганистан, Ирак и Либија биле пример за противзаконитост, со оглед на резолуцијата на Советот за безбедност на ОН.
Тој додал и дека руските војници не истрелале ниту еден куршум на Крим. Сите акции кои Русија ги презела се од хуманитарен карактер.
Коментирајќи ги заканите од САД и ЕУ за можни санкции кон Русија, Путин истакнал дека последиците од таквите мерки ќе бидат мултилатерални.
На крај истакнал дека не се обидува Крим да го отцепи од Украина и да го припои кон Русија./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Борел: Западен Балкан има историска можност да ја поврзе својата иднина со ЕУ
Високиот претставник за надворешна и безбедносна политика на ЕУ, Жосеп Борел, по повод 20-годишнината од најголемото проширување на ЕУ, изјави дека работата за повторно обединување на Европа не е завршена и порача дека Западен Балкан има историска можност цврсто да ја врзат својата иднина со Европската унија.
„Западен Балкан, Турција, Украина, Молдавија и Грузија имаат историска можност цврсто да ја врзат својата иднина со ЕУ. Проширувањето на ЕУ е трансформативна политика која ја подобрува безбедноста, правдата и демократијата, истовремено подигнувајќи го животниот стандард на Европејците“, се вели во соопштението на Борел.
Тој додаде дека ЕУ и земјите кандидати соработуваат на полето на безбедноста и одбраната со цел подобро да се соочат со повеќе геополитички предизвици заедно. Борел изјави дека од идните земји-членки се бара да ги зајакнат своите демократски институции и да ги поддржат човековите права и основните слободи, додека ЕУ работи на нејзината реформа и денес се подготвува за „Унијата на утрешниот ден“.
Тој подвлече дека целта не е само за поголема ЕУ, туку и за посилна, „способна да ги зачува и проектира нашите заеднички вредности низ целиот свет“.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.