Македонија
Одбележани 101 година од раѓањето на Мајка Тереза
На спомен плочата на плоштадот „Македонија“ со положување на цвеќе и палење свеќи беа одбележани 101 година од раѓањето на блажената Мајка Тереза.
На спомен плочата на плоштадот „Македонија“ со положување на цвеќе и палење свеќи беа одбележани 101 година од раѓањето на блажената Мајка Тереза. Најпозната хуманистка во светот, Гонџа Агнеса Бојаџиу е родена во Скопје на 26-ти август 1910 година. Почина на 5-ти септември 1998, а во 1979 во Осло ја доби Нобеловата награда за мир. „Денеска е голем ден, убав ден. Ден на раѓањето на Мајка Тереза, на Гонџа Бојаџиу која пред 101 година се роди, на овој свет дојде токму на ова место во Скопје. Овде во непосредна близина била нејзината родна куќа кадешто живееше 18 години. Го заврши основното и средното образование, а 1928 година замина за далечната Индија, по божјите патишта за да им служи на луѓето, на оние кои се молат за Господ, за здравје, за мирољубие, за хуманост, за солидарност“ изјави Стојан Тренчевски, претседател на здружението „Мајка Тереза“. По тој повод беа објавени и добитниците на наградите на статуетките Мајка Тереза и почесните посланија за 2011 година. Посланија за хуманост ќе добијат: филозофски факултет на УКИМ „Св Кирил и Методиј“ Институтот на социјална политика и работа Мајка Тереза. Тоа е научна образовна институција во родниот град на Гонџа Бојаџиу, каде се образуваат кадри посветени на хуманоста, солидарноста и добрината и е одбранет првиот докторат во светот посветен на благородната мисија на единствената нобеловка родена во Скопје, Мајка Тереза. Народниот омбудсман на Република Македонија Иџет Мамети и д-р Антонио Георгиевски кардиолог и автор на книги. Статуетки ќе добијат: Дејан Зафиров, мисионер на хуманоста, државниот правобранител Оливера Китановска, народните уметници Драган Мијалковски, Димитар Мице Димитров, Бени Шакири, специјалното училиште „Иднина“ и новинарката, хроничар на ангелот Тоше Проески, Валентина Горгиевска. Наградите ќе им бидат врачени од градоначалникот на град Скопје, Коце Трајановски на денот на упокојувањето на Гонџа Бојаџиу на 5-ти септември, во спомен куќата на Мајка Тереза.Вечерва по поводот 101 година од раѓањето на Мајка Тереза ќе биде прикажана изложба со фотографии од архивата на ватиканскиот весник „L’ osservatore Romano“ во Спомен куќа на Мајка Тереза и премиера на видео запис од церемонијата на доделувањето на Нобеловата награда за мир на Мајка Тереза во 1979 година. /крај/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кацарска: Судот ја покажува хуманата страна, над 30 вработени денес даруваат крв по повод 60 години Уставен суд
Со дарување крв вработените во Уставниот суд слават 60 години постоење на судската установа. Претседателката на Уставниот суд Добрила Кацарска вели дека крводарителската акција е само една од акциите кои ќе ги спроведат за одбележувањето на јубилејот.
„Уставниот суд на Република Северна Македонија оваа година слави значаен јубилеј. Тоа е 60 години од постоење на судот. Веќе беше најавено дека во текот на целата година во Судот ќе се преземаат најразлични активности токму заради одбележување на овој значаен јубилеј. Самите вработени дадоа идеја една од акциите кои ќе се спроведуваат во Судот да биде и крводарителската акција, што значи Судот ја покажува и онаа хумана страна. Повеќе од половина од вработените се пријавија за давање крв, што значи од вкупно 60 вработени повеќе од 30 денес се согласни да дадат крв“, рече претседателката Кацарска.
Крводарителската акција е под мотото „Биди хуман спаси живот“, а ја реализира Црвениот крст на Македонија.
Македонија
Арсовска во увид на изградбата на подземната инфраструктура на новиот булевар Хрватска
Град Скопје продолжува со реализација на првата фаза на големиот проект за изградба на подземната инфраструктура на новиот булевар Хрватска, која опфаќа и нова водоводна мрежа која произлегува од градската програма за работа.
Градоначалничката на Град Скопје, Данела Арсовска, заедно со екипи од ЈП Водовод и канализација Скопје и Секторот за планирање и уредување при Град Скопје, денес извршија увид во реализацијата на овој капитален инфраструктурен проект.
Во оваа фаза од изградбата на водоводната мрежа која се движи на трасата по новопроектираниот булевар Хрватска и заради формирање на прстенеста циркулациона мрежа и создавање на подобри хидраулички услови во градската водоводна мрежа предвидено е поврзување на двата магистрални доводи на вода Рашче со профил од Ф1600 и постоечкиот цевковод со профил од Ф700 на булевар Александар Mакедонски.
Со почеток на реализација на предвидениот магистрален цевковод со профил од Ф700 милиметри, по новопредвиден булевар Хрватска во првата фаза, започнати се градежните активности на поврзување на булевар Александар Македонски кај Естекада. Вкупната предвидена должина на магистралниот цевковод по булеварот Хрватска изнесува 2,8 километри. Реализацијата на овој дел од водоводната мрежа е предуслов за подобрување на водоснабдувањето на целата територија на општина Гази Баба.
Македонија
„Биди хуман- спаси живот”: крводарителска акција во Уставниот суд денеска по повод 60 години oд постоењето
Уставниот суд денеска организира крводарителска акција под мотото „Биди хуман- спаси живот” која ќе се одржи во периодот од 9 до 14 часот во просториите на Судот.
Акцијата за дарување на крв се реализира во соработка со Црвен крст на Република Северна Македонија, на иницијатива на Уставниот суд, по повод 60 години од своето постоење.
Организирањето на оваа хумана активност е иницијатива на вработените од Судот и досега се пријавени над 30 дарители од Уставниот суд, меѓу кои и судии и советници од стручната служба.
Преку оваа крводарителска акција Уставниот суд изразува солидарност и хуманост и истовремено се придружува на апелите на Црвен крст за подигнување на свеста за донирањето на крв и мотивирање на поголем број на луѓе за доброволно дарување.