Спорт
Мајами може без Вејд и Џејмс
Четири средби се одиграа во НБА лигата, а само Мајами успеа да победи на теренот на противникот. „Жешките“ без двете најголеми звезди, Леброн Џејмс и Двејн Вејд, по три продолженија победија во Атланта, со 116:109
Четири средби се одиграа во НБА лигата, а само Мајами успеа да победи на теренот на противникот. „Жешките“ без двете најголеми звезди, Леброн Џејмс и Двејн Вејд, по три продолженија победија во Атланта, со 116:109. Крис Бош, во отсуство на Вејд и Џејмс го предводеше Мајами до победата, крилниот центар беше тој кој во последната секунда од регуларниот дел, со тројка го однесе својот тим во продолжение. Бош мечот го заврши со 33 поени, 14 скока, 5 асистенции и 7 загубени топки. Бош извонредна поддршка доби од Марио Чалмерс кој мечот го заврши со 29 поени, 7 скока и 8 асистенции. Атланта ја предводеше Џо Џонсон со 20 поени, додека Џош Смит имаше учинок од 17 поени и 13 скока. Сан Антонио, во дербито на Тексас, го победи актуелниот првак Далас со 93:71. Без повредениот Ману Џинобили, „Спарси“ ги предводеше Мет Бонер со 17 поени, Риџард Џеферсон постигна 16, а Гери Нил 12 поени. Во екипата на Далас, чии кошаркари од поле шутираа со 35 отсто, само Џејсон Тери (12) и Делонте Вест (10) имаа двоцифрен учинок. Дирк Новицки имаше лоша вечер, постигна само 6 поени. Портланд против Лејкерси ја потврди добрата форма, победувајќи со 107:96. За „езерџиите“ ова беше трет пораз на гостински терен, во исто толку натпревари сезонава, а екипата за прв пат од 2003 година не постигна тројка на еден натпревар. Ламаркус Олдриџ со 28 поени и 10 скокови беше најзабележителен кај Портланд, додека Џералд Валас со 31 беше најефикасен. Коби Брајант вообичаено беше најефикасен кај Лејкерси, Ендрју Бајнан реализира 21, а Пау Гасол 19 поени, додека остатокот од тимот уфрли само 26 кошеви. Маркус Тортон постигна 27, Тарик Еванс 26 поени, а Сакраменто забележа победа над Милвоки од 103:100. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тројца кандидати за наследник на Левандовски
Пред челниците на Барселона е тешка задача, да најдат замена за Роберт Левандовски.
Полскиот напаѓач има 36 години, но и покрај тоа сеуште е еден од најдобрите на својата позаиција.
Сезонава во воведните пет лигашки кола веќе постигна четири гола и има две асистенции, но годините полека го „газат“.
Левандовски има договор до летото 2026 година и прашање е кој ќе го пополни неговото место.
Според локалниот „Спорт“, на листата на кандидати во моментов има три имиња. Најголем меѓу нив е Ерлинг Халанд.
Доколку се покаже дека ѕвездата на Манчестер Сити е недостапна за Барса, тие ќе се насочат кон Виктор Јокерес или Бенџамин Шешко.
Споменатите напаѓачи имаат голем вредност на пазарот, што значи дека Барселона мора да ги реши финансиските проблеми во кои се наоѓа во моментов, па дури потоа да размислува за евентуалниот трансфер.
Спорт
(Видео) Голманот на Бока Јуниорс тргна да се тепа со навивачите
Голманот на Бока Јуниорс, Серхио Ромеро, по поразот на домашен терен во Супер класико, влезе меѓу навиваѓите и имаше жестока расправија со нив.
Откако судијата означи крај на натпреварот, искусниот голман влезе на трибината. Настана хаос бидејќи некои навивачи го нападнаа додека други се обидуваа да ја смират ситуацијата.
Фудбалерите на Ривер Плата славеа во дуелот со Бока Јуниорс на гостински терен со 1:0, а единствениот гол на натпреварот го постигна Мануел Ланцини во 20. минута.
Бока можеше да дојде до еден бод, но голот на Милтон Хименез во седмата минута од судиското надополнување беше поништен поради играње со рака.
RIVER LE ROMPIÓ EL ORTO A BOCA EN SU CANCHA Y LOS HINCHAS SE PUTERON CON ROMERO JAJAJAJAJAJAJAAJAAJAJAJSJAJAJAJAJAJA
LES ARRUINAMOS LA VIDA Y LES ARMAMOS OTRO CABARET, HERMOSO
pic.twitter.com/d1KcfJJghT— SpiderCarp 🤟🏻🕷️ (@SpiderCarp23) September 21, 2024
Се појави видео на кое се гледа како голманот Ромеро, откако го кон него и соиграчите се упатени серија навреди влегува на трибината.
Додека дел од навивачите се обидуваа да го нападнат голманот, други се обидуваа да ја смират ситуацијата. Благодарение на интервенцијата на играчите и редарите, спречен беше поголем инцидент.
Este tipo no puede volverse a poner el buzo de arquero de Boca. pic.twitter.com/pVyTGjyJPY
— Nico Ambrogi ⭐️ 74 ⭐️ (@Nicoambrogi) September 22, 2024
Спорт
Спектакл на преполниот Вембли: Дубоа го нокаутираше Џошуа (ВИДЕО)
Британскиот боксер Даниел Дубоа ја задржа светската титула во ИБФ.
Пред 96.000 луѓе на стадионот „Вембли“ во Лондон, Дубоа со нокаут во петтата рунда го победи сонародникот и голем фаворит Ентони Џошуа.
Дубоа ја контролираше целата борба и неколку пати го собори противникот, чија кариера британските медиуми ја прогласија практично за завршена по „најубедливиот пораз во кариерата“. Ова беше негов четврти пораз во 32 борби, додека Дубоа има 22 победи (21 со нокаут) и два порази.
DANIEL DUBOIS HAS KNOCKED OUT ANTHONY JOSHUA!!! WHAT A PERFORMANCE!#JoshuaDubois #Boxingpic.twitter.com/By8gbt42rT
— Championship Rounds (@ChampRDS) September 21, 2024