Свет
Обама може да ја напушти Ирска пoрано поради вулканскиот облак
Американскиот претседател Барак Обама може да го скуси престојот во Ирска и да одлета за Велика Британија порано од планираното поради опасноста од затворање на воздушниот простор што се должи на појавата на нов облак од вулканска пепел од Исланд, јавува ирската телевизија RTE
„Многу е веројатно дека Барак Обама ќе ја напушти Ирска денеска навечер наместо утре наутро, Се разработува планот за обезбедување на заминување на претседателот на аеродромот во Даблин околу 19.30 по локално време (20,30 часот по македонско време)“, пренесе ирската телевизија. Засега нема информации дали Обама полетал за Лондон.Првично беше предвидено дека американскиoт претседател и неговата сопруга откако ќе преноќат во Ирска една вечер, а во вторник наутро ќе заминат за Лондон во неговата тридневна официјална посета на Велика Британија. Но, сега овие планови се на преиспитување поради заканата за затворање на воздушниот простор над Ирска и Велика Британија. Претходнo можноста за пореметувања во воздушниот сообраќај во вторник веќе ја најавија британските и ирски воздухопловни власти имајќи ги предвид последиците од ерупцијата на исландскиот вулкамн Гримсвотн.Гренланд делумно го затвори својот воздушен простор во попладневните часови во понеделникот поради ерупцијата на вулканот Гримсвотн на Исланд, јави AFP повикувајќи се на претставник на управата на воздушниот сообраќај на Данска „Naviair“ Хеле Когсбел .Чадот од вулканот Гримсвотн на југо-исток од Исланд, кој започна еруптира во саботата, во неделата достигна височина од 20 километри. Воздушниот простор над Исланд беше привремено затворен а сите домашни летови откажани. Трансатлантските летови до Исланд се пренасочуваат кон другите, неисландски аеродроми. Претходно, метеоролошките служби на Исланд објавија дека ветрот ја носи вулканската пепел кон Гренланд. Според Хеле Когсбел кој ги застапува интересите на данската урпава за воздушен сообраќај „Naviair“, воздушниот простор ќе биде затворена во 14.00 по локално време (14.00 часот по македонско време).„Станува збор за воздушниот простор на височина до шест илјади метри северно од Кулусук, југо-источно од островот Констабл Поинт (Constable Point) каде воздушниот сообраќај ќе биде забранет поради ширењето на облакот од пепел од ерупцијата на исландски вулкан кон Гренланд“, изјави Когсбел.Преходно беше објавено дека ако ерупцијата го задржи сегашниот интензитет, во вторник вулканската пепел би можела да го достигне северот на Шкотска, а од четврток или петок пепелта да дојде до Франција, Шпанија и Велика Британија. Како што пренесува AFP повикувајќи се на државниот оператор со норвешките аеродроми „Avinor“, поради ерупција Гримсвотн има мали проблеми во авиосообраќајот. Како што е најавено, во понеделник ќе бидат прекинати летовите меѓу континентална Норвешка и архипелагот Свалбард. „Облакот со пепел ќе биде над водите меѓу континентална Норвешка и Свалбард. Денешните летови до Свалбард и од него ќе бидат откажани. Постои извесна оапсност дека западниот дел на Норвешка ќе биде зафатен од облакот, но сепак е премногу рано тоа да се каже со сигурност..“, го цитира агенцијата претставникот на „Avinor“, Ове Нарвесен. Имајќи го предвид она што се случи над Европа кога еруптирашѓе исто така исландскиот вулкан Еијафјатлаијокудл , на европскиот континет веќе започнаа превентивните подготовки. Така, државниот секретар за транспорт на Франција, Тиери Мариани во понеделникот изјави дека ако облакот од пепел од вулканската ерупција во Исланд достигне до Европа, летовите на небото над регионот ќе бидат откажани. „Со точност може само да се каже дека доколку во текот на денот облакот од вулканска пепел дојде до Европа, летовите ќе бидат откажани. Доколку пепелта нема да претставува опасност, ние ќе ги подигнеме авионите. Доколку, пак, облакот од пепел претставува опасност, авионтие нема да полетаат“, ги цитира AFP (Agence France-Presse) зборови Тиери Мариани.Вулканот Гримсвотен во областа Ватнајоекула, во југо-источен Исланд, се активираше во саботата. Тој е најактивниот исландски вулкан кој во периодот мешу 1922 и 2004 година деветпати еруптирал.Ерупцијата на исландскиот вулкан Еијафјатлаијокудл во април 2010 година, предизвика хаос во авионскито сообраќај на целата територија на Европа. Вулканот кој не беше активен од 19-от век проработе на 20 март и веќе на 14 април 2010 г. почна да се исфрли на голема височина огромно количество пепел. Поради проширување на вулканскиот облак над европскиот континент, службите за безбедност во авиосообраќајот одлучија да го затвори воздушниот простор над многу области. Воздушниот сообраќај над Европа беше буквално парализирани и во чекалниците на аеродромите беа заглавени десетици илјадници патници од целиот свет кои очекуваа промена во насока на ветерот. Вулканската ерупција заврши на 23 мај а најмногу од сè страдаше туризмот. Зедничките загуби на европските туристички компании се проценуваат на 2,3 милијарди долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
48 лица загинаа во страшна несреќа во Кина, Кинезите го слават херојскиот потег на камионџијата
Кинезите го слават возачот на камион кој го паркирал своето возило преку автопат за да спречи повеќе возила да не се стркалаат по падината по уривањето на автопат. Најмалку 48 лица загинаа во несреќата на југот на земјата.
Ванг Ксијангнан во средата возел по автопат во провинцијата Гуангдонг кога забележал неколку возила кои се движат во спротивна насока на автопатот со четири ленти. Набрзо еден колега возач го известил дека автопатот пропаднал.
Поранешниот војник Ванг брзо го позиционирал својот камион да го блокира автопатот, ефикасно запирајќи десетици возила да продолжат кон амбисот. Во меѓувреме, неговата сопруга излегла од камионот за да ги предупреди другите возачи за ситуацијата, јавуваат кинеските медиуми.
„Не размислував премногу. Само сакав да ги запрам возилата“, изјави Ванг за кинеската новинска агенција. Храбрите постапки на Ванг не само што добија пофалби од Кинезите на социјалните мрежи, туку и признанија од Кинеската фондација за развој на работниците.
Фондацијата во петокот објави дека му доделила на Ванг 10.000 јуани (1.414 долари) во соработка со една автомобилска компанија. Добротворниот проект поврзан со технолошкиот гигант Алибаба, исто така, му даде на Ванг еднаков износ. Ванг изјави за весникот дека парите ќе ги донира на семејствата на жртвите од колапсот.
Локалните медиуми, исто така, објавија дека уште еден маж клекнал за да ги спречи автомобилите да продолжат по автопатот. Несреќата се случила по цел месец обилни дождови во Гуангдонг. Некои од 23-те возила кои паднаа во длабоката провалија се запалија, по што се издигнаа густи облаци од чад.
Во саботата, градската влада на Меиџоу во Гуангдонг објави дека властите ќе спроведат проверки на автопатите, железниците и патиштата во планинските области. Тим предводен од гувернерот на провинцијата ги истражува причините за падот.
Свет
Садик Кан по трет пат стана градоначалник на Лондон
Градоначалникот на Лондон, Садик Кан победи на изборите во главниот град по трет пат, победувајќи ја Сузан Хол од британската Конзервативна партија.
Кан, кој е од Лабуристичката партија, победи во девет од 14-те изборни единици во Лондон.
Тој обезбеди 1.088.225 гласови, додека за Хол гласале 812.397 гласачи, пренесува „Стандард“.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024