Свет
Четири цивили загинати во бомбашки напад во Авганистан
Бомбаш-самоубиец нападна преполн пазар во оддалеченото гратче Наџил Каил во источен Авганистан, при што загинаа четири, а ранети се најмалку 14 цивили
Бомбаш-самоубиец нападна преполн пазар во оддалеченото гратче Наџил Каил во источен Авганистан, при што загинаа четири, а ранети се најмалку 14 цивилиГувернерот на провинцијата Алишинг, каде што се наоѓа гратчето, Фајзанула Патан, изјави дека засега не е познато ниту кои се напаѓачите, ниту, пак, која била нивната цел. Бран на талибански самоубиствени напади уследи по најавата на милитантите дека започнува нивната пролетна офанзива кон крајот на минатиот месец. Во неделата, шест припадници на авганистанските безбедносни сили беа убиени кога талибаните нападнаа канцеларија на сообраќајната полиција. Во саботата шест студенти по медицина беа убиени од бомбаш-самоубиец кој нападна шатор за ручање во силно обезбедената воена болница во Кабул. Најчести жртви на нападите на талибаните се авганистанските цивили. Минатата година беше најсмртоносна за цивилите од почетокот на конфликтот пред 10 години, со 2.777 убиени цивили, што е за 15 проценти повеќе отколку во 2009 година. /крај/Aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.
Свет
Израел е подготвен да прифати ослободување на помалку од 40 заложници, пишуваат медиуми
Израел е подготвен да го ублажи барањето од Хамас и да ослободи 40 заложници во замена за привремен прекин на огнот во Појасот Газа, откако палестинската милитантна група ја одби понудата подготвена од преговарачите од Катар, Египет и САД, пишува The Times of Israel повикувајќи се на израелски портали.
Воениот кабинет на Израел сега е подготвен да прифати ослободување на само 20 заложници во првата фаза од договорот под услов жените, мажите над 50 години и тешко болните да бидат ослободени, а кабинетот во четвртокот го овласти преговарачкиот тим на Израел да разговара за повеќе флексибилен пристап со египетската делегација, која денеска во Тел Авив ќе има дополнителни разговори, објави израелската веб-страница Инет.
Неименуван висок израелски функционер подоцна изјави за веб-страницата дека Израел всушност се согласил да ослободи 33 заложници, а веб-страницата наведе дека Хамас инсистирал бројот на ослободените заложници да биде приближно 20.
Претходниот предлог вклучуваше ослободување на 40 заложници во тие категории, но Хамас рече дека нема толку многу жени, мажи над 50 години и тешко болни кои се уште се живи.