Македонија
Здравството пред нови предизвици
Министерството за здравство даде отчет пред јавноста за првата година од работата во состав на Владата
„Чувствувам обврска и потреба, заедно со тимот на најблиските соработници и раководители на јавноста да и’ дадам краток, но суштински пресек на најзначајните проекти и активности на кои беше посветено Министерството“, рече министерот Бујар Османи, потсетувајќи за сериозноста на процесот на реформите на здравството.Актуелната појава на свинскиот грип во повеќе наврати беше тема за која од министерот се бараа конкретни мерки и извештаи пред јавноста.„Досега успешно се справуваме со појавата на новиот грип од типот А, при што здравствениот систем покажа знаење за глобални предизвици кои имаат сериозен потенцијал за загрозување на здравјето на нашите граѓани“, повтори Османи. Во минатава година Министерството беше концентрирано на 20 проекти, за кои велат дека некои веќе даваат конкретни резултати, а дел од нив треба да се случат во блиска иднина. Од тие проекти можат да се издвојат: трансформацијата на Градската болница во Ургентен центар и Воената во општа болница, изградбата на 17 нови амбуланти во руралните подрачја, третата смена на матичните лекари, враќањето на детските стоматолози, бесплатните задолжителни вакцини, здравствено осигурување за сите граѓани, дополнување на позитивната листа на лекови. За претстојните резултати на оние проекти што се се’ уште во развојна фаза ќе го споменеме проектот за воведување електронска здравствена картичка. „Здравствениот систем е динамична материја која треба постојано да се развива за да може да одговори на се’ поголемите потреби и предизвици што ги диктира современиот начин на живот“, вели Османи, кој на крајот на своето излагање ја повтори агендата „Подобро здравје за сите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски за барањето на Ковачев ВМРО-ДПМНЕ да се исклучи од ЕНП: Тоа би била добра првоаприлска шега
Премиерот Христијан Мицкоски денеска од Штип го искоментира барањето на европратеникот од ГЕРБ, Андреј Ковачев да се исклучи партијата ВМРО-ДПМНЕ од Европската народна партија.
„Не е април. Тоа би била добра првоаприлска шега“, рече Мицкоски.
„Ја информиравме Европската народна партија за однесувањето на ВМРО-ДПМНЕ и ќе побараме да се иницира процедура за исклучување на таа партија од ЕНП“, изјави за БНТ европратеникот од ГЕРБ, Андреј Ковачев.
Македонија
„Ревизија: Иднината е сега“ – меѓународна конференција за актуелните случувања и како подобро да се подготвиме за иднината
На 16 и 17 септември 2024 година во Струга се одржа уште една успешна Годишна меѓународна конференција под наслов „Ревизија: Иднината е сега“ (Audit: The Future is Now).
Конференцијата ја организираа Институтот на овластени ревизори на РСМ (ИОРРСМ) и Здружението на внатрешни ревизори на Република Северна Македонија (ЗВРРСМ), со поддршка од Институтот за внатрешни ревизори на Црна Гора. На настанот учествуваа реномирани предавачи, панелисти и гости од земјата и од странство кои произлегуваат од друштва за ревизии, банки, осигурителни компании, регулаторни тела, инвестициски и пензиски фондови, како и институти за внатрешна ревизија од регионот.
Поради големата заинтересираност, меѓународните учесници кои не можеа физички да присуствуваат го следеа настанот онлајн. Учесниците беа од различни земји: Црна Гора, Србија, Хрватска, Албанија, Косово, Латвија, Полска и Естонија.
Конференцијата беше отворена со поздравни говори од страна на претседателката на Здружението на внатрешни ревизори на РСМ, Билјана Секуловска, и претседателот на Институтот на овластени ревизори на РСМ, Ненад Тортевски.
„Ревизија: Иднината е сега“ откри нови хоризонти и перспективи за актуелните случувања и како подобро да се подготвиме за иднината. Опфатени беа различни теми, како:
• сигурносна безбедност и вештачката интелигенција,
• ревизијата на културата,
• дали етиката е благослов или проклетство,
• како да го препознаеме нашиот потенцијал и да се брендираме себеси,
• како да се справиме со новите генерации на работното место,
• стратегијата на внатрешната ревизија согласно глобалните нови стандарди,
• значењето на животното осигурување,
• алатки за подобрување на ефикасноста на ревизијата,
• корпоративното известување за одржливост,
• и ESG (Екологија, Социјална одговорност и Управување) како модел за одржливо и одговорно работење на компаниите, земајќи ги предвид краткорочните и долгорочните ефекти.
Според најавите од ЗВРРСМ и ИОРРСМ, на настанот присуствувале 250 учесници, меѓу кои претставници од Министерство за финансии и регулаторни тела.
Учесниците изјавија дека конференцијата била многу успешна, а програмата за двата дена била исклучително интересна, одржувајќи ја публиката ангажирана во текот на целиот настан.
Настанот беше подржан од следниве спонзори: Алкалоид, Жито Лукс, ASEE, PCES, Прва Живот АД Скопје, Стопанска Банка АД Скопје, Кожувчанка и Тиквеш.
Скопје
В понеделник дел од Центар без вода
ЈП Водовод и Канализација известуваат дека в понеделник поради санирање на дефект од страна на странка – фирма на улицата Франклин Рузвелт бр.60 во населба Центар без вода ќе останат корисниците на улицата Франклин Рузвелт лоцирани на потегот од улица Орце Николов до булеварот Партизански Одреди.
Водоснабдувањето ќе биде прекикнато во периодот од 09.00 часот па се до отстранување на дефектот.