Регион
Дачиќ до Советот за безбедност на ОН: Британците го рушат мирот на Балканот
![](https://makfax.com.mk/wp-content/uploads/2016/11/141011.jpg)
Србија ги повикува членките на Советот за безбедност на ОН да не гласаат за британската резолуција за Сребреница, поради тоа што смета дека нејзиното усвојување би било штетно и би можело да го дестабилизира регионот, се наведува во писмото кое шефот на српската дипломатија Ивица Дачиќ во понеделникот го испратил до Советот за безбедност, пренесуваат српските медиуми.
Србија ги повикува членките на Советот за безбедност на ОН да не гласаат за британската резолуција за Сребреница, поради тоа што смета дека нејзиното усвојување би било штетно и би можело да го дестабилизира регионот, се наведува во писмото кое шефот на српската дипломатија Ивица Дачиќ во понеделникот го испратил до Советот за безбедност, пренесуваат српските медиуми.
Во писмото се наведува дека усвојувањето на британската резолуција за Сребреница е непотребно, штетно и би предизвикало несогледливи и долготрајни негативни последици по процесот на стабилизација на Босна и Херцеговина, но и на целиот западен Балкан, пишува „Новости“.
Дачиќ нагласува дека западен Балкан се соочува со нови безбедносни предизвици, ризици и закани на кои лидерите на народите во регионот треба да најдат нови одговори.
„Меѓутоа, нацртот на оваа резолуција која е лошо осмислена и темпирана, со минатото се бави на начин кој не му помага на регионот во соочувањето со потребите на сегашноста и иднината и нејќе да придонесе процесот на соработка и помирување да се охрабри, засили, олесни и забрза“, навел Дачиќ.
Српскиот министер укажал на тоа дека најдобро за ова сведочат страстите во регионот кои беа предизвикани од најавата за „поднесување на една ваква неизбалансирана резолуција, направена без транспарентни консултации со сите заинтересирани страни“.
Дачиќ во своето писмо нагласува дека Србија им оддава почит на сите жртви на судирите на просторите на поранешна Југославија и дека е цврсто уверена во тоа дека сеќавањата и активностите чија цел е минатото да не се заборави, треба да бидат во фунција на помирување и промоција на регионалната соработка и добрососедството./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Завршено сослушувањето на новите сведоци во истрагата за убиството на малата Данка
![](https://makfax.com.mk/wp-content/uploads/2024/03/devojche-1.jpg)
Денеска, заврши сослушувањето на новите сведоци во истрагата за убиството на двегодишното девојче Данка Илиќ кога на прашања пред Вишото јавно обвинителство во Заечар, покрај брачниот пар Трајковиќ од Бањско Поле, одговараше Далибор Јовиќ.
Пред обвинителот вкупно три часа зборуваа тројца сведоци, а цело време беа присутни осомничениот и родителите на убиеното девојче.
Имено, веднаш по излегувањето од рочиштето, Јовиќ на насобраните новинари им порача дека не смее да каже ништо за да не ја загрози истрагата.
„За целта на истрагата не смееме да кажеме што му кажавме на јавниот обвинител. Останувам на мојот исказ што го дадов во полиција“, нагласи Јовиќ пред медиумите пред зградата на Обвинителството во Заечар.
Јовиќ рече и дека првпат се среќава лице в лице со осомничените за убиството на Данка, Срѓан Јанковиќ и Дејан Драгијевиќ, но дека и претходно бил сослушан во полициска станица.
„Пред неколку месеци веќе бев сослушан во полициска станица, а сега го кажав истото како и тогаш, џогирав, но ништо конкретно не видов“, изјави овој сведок.
Покрај него, сослушана е и брачната двојка Трајковиќ, кои истакнаа дека сè уште стојат зад зборовите што ги кажале претходно кога станува збор за страшното злосторство.
Тие во еден глас, како што пренесуваат српските медиуми, кажале дека остануваат на првичните изјави – дека во тој момент биле зад куќата и дека ништо ниту виделе ниту слушнале.
Регион
Експлозија во Загреб, разбојници разнеле банкомат
![](https://makfax.com.mk/wp-content/uploads/2024/07/hgfh-1.jpg)
Непознати разбојници разнеле банкомат во загрепски Бузин. Полицијата го блокирала патот.
„Утрово, поминував покрај бензинската пумпа и видов дежурна полиција во близина на банкоматот. Некој го разнел во текот на ноќта“, изјавил жител на Загреб за „24 сата.хр“.
Станува збор за банкомат што се наоѓа во непосредна близина на бензинската пумпа на аголот на авенијата Вечеслава Хољевац и улицата Бани.
Полицијата веднаш излегла на терен со четири возила.
Отпадоци имало насекаде, а засега нема информации колку пари успеале да украдат.
Регион
Група туристи од Црна Гора заглавени на аеродромот на Сицилија: се активира вулканот Етна, издадено црвено ниво на предупредување
![](https://makfax.com.mk/wp-content/uploads/2024/07/gfgd.jpg)
Група туристи од Црна Гора не се вратија од Сицилија како што беше планирано бидејќи летовите беа прекинати во четвртокот поради активирање еден од најголемите кратери на вулканот Етна.
Граѓанин на Црна Гора, кој бил на краток одмор на Сицилија, се пријавил на подгоричкиот портал ЦдМ и пријавил дека спиеле на аеродром и чекаат информација кога повторно ќе бидат возможни летовите. За новиот лет, рече тој, ќе треба да купат нови билети.
Според него, „Рајанер“ нема летови до недела, а „Визер“ утре има лет за Тирана.
Италијанската цивилна заштита објави црвено ниво на предупредување и предалармна оперативна фаза за вулканот поради ерупцијата на Етна, пишува „Палермо Република“, пренесува порталот „Подгорица“.