Македонија
Пауновски: Ускратено ми е правото на соодветна одбрана
Неправилност во постапката, селекција на доказите и на сведоците се главните аргументи со кои поранешниот министер за одбрана Љубен Пауновски ќе докажува дека досудената затворска казна против него е невалидна.
Неправилност во постапката, селекција на доказите и на сведоците се главните аргументи со кои поранешниот министер за одбрана Љубен Пауновски ќе докажува дека досудената затворска казна против него е невалидна. Пауновски цитираше став на министерот за правда, Михајло Маневски, според кој, постапката што се водела против него е невалидна, поради неможноста одбраната да презентира докази во судскиот процес, ненаправеното вештачење на фирмата преку која одела набавката и поради селективност во изборот на сведоците. Пауновски тврди дека фирмата „ХС Компани“ преку која се вршела набавката на храна за АРМ, воопшто не била во сопственост на негови роднини, туку на извесен Зоран Симоновски, за кој тврди дека од 2001-ва се наоѓа во САД. Прашува зошто на неколку наврати му се одбивани претставки до Републичкиот Судски Совет. „На сите мои претставки до РСС, каде три години е член министерот Маневски добивав одговор дека тие не се надлежни за мојот случај“, изјави Пауновски во понеделник на прес-конференција пред Министерството за правда. Тврди дека е жртва на хајка и дека не е единствен таков случај. „Доколку сите онеправдани на ваков начин излезат на мирен протест пред Министерството за правда, сообраќајот ќе биде блокиран до Бит-Пазар“, вели Пауновски. Како дополнителен аргумент, поранешниот министер за одбрана презентираше документи, според кои, фирмата „ХС Компани“ не била во сопственост на негови роднини и дека набавените прехрамбени артикли за потребите на АРМ биле хемиско – бактериолошко исправни. Неговиот адвокат Драган Коровешовски најави барање за повторување на постапката. „Се надеваме дека судот правилно ќе постапи во овој случај и ќе даде можност тие прашања да бидат разгледани и се надеваме дека во една законска и фер постапка случајот повторно ќе биде отворен“, вели Коровешовски. Ексминистерот Пауновски беше осуден на три и пол годишна казна затвор за злоупотреби, односно поради тоа што дозволил фирма зад која стоеле неговиот дедо и баџанак да се изврши набавки на храна за потребите на АРМ. Зад него застана и Хелсиншкиот комитет за заштита на човековите права. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.