Свет
Даночните затајувачи се уште скриени од јавноста
Не е познато дали воопшто ќе има јавна листа на 100-те најголеми плаќачи и неплаќачи на даноци
Не е познато дали воопшто ќе има јавна листа на 100-те најголеми плаќачи и неплаќачи на даноци
НИНА НИНЕСКА-ФИДАНОСКА
Сў уште не се знае дали граѓаните воопшто ќе имаат шанси јавно да ги видат имињата на даночните затајувачи иако неодамна Управата за јавни приходи го најавуваше тоа на големи врати. Луѓето и фирмите што прикриваат данок и живеат во луксуз на штета на државата и на сите кои редовно ги намируваме сите давачки, можеби повторно ќе бидат скриени од јавноста и ќе располагаат удобно со своите пари сў додека судовите, по многу години судски постапки, не пресечат дали се виновни за даночно затајување.
Власта ветуваше дека оваа 2005 година јавноста сигурно ќе биде почестена со транспарентна листа на стоте најголеми даночни затајувачи, како и стоте најголеми и најредовни плаќачи на даноцитееи, која ќе биде достапна за увид на секого што би посакал да има таква информација. Оваа новина уште во јануари на прес-конференција ја најави лично директорката на УЈП, Петра Митева, која нагласи дека Управата ќе може да работи многу потранспарентно отколку досега, што ќе Ј биде овозможено со новите закони за управа за јавни приходи и за даночна постапка, кои се очекува да бидат донесени наскоро. †И јас би сакала повеќе да не зборуваме во ракавици за оние што ги кршат законите, туку да можеме, конечно, јавно да ги соопштимееи, тогаш беше оптимист Митева.
Но, според најновите информации, сў уште е под голем прашалник дали со новиот Закон за управа за јавни приходи, кој во моментов е во фаза на изработка, ќе се дозволи да се “симнат ракавиците” кога се зборува за оние што ја изигруваат државата.
Имено, според нашите сознанија, постојат две опции за новиот закон. Првата е тој да не содржи транспарентност во поглед на даночните плаќачи и неплаќачи, а втората варијанта, сепак, е да се дозволи нивно објавување. Во УЈП велат дека сў уште се размислува која алтернатива да се прифати. Доколку предлагачите се одлучат за нетранспарентната, тогаш оваа институција, исто како и досега, нема да смее да ги кажува имињата на компаниите или лицата што прикриваат данок сў додека за нивното дело целосно не биде завршена судската постапка. Во спротивно, тие компании ќе можат да ја тужат Управата.
Ова значи дека онака како што сега стојат работите во догледно време не можеме да се надеваме на “црна книга на затајувачи и бела книга на плаќачи”, како што се најавуваше и очекуваше.
Зошто изготвувачите на законот од Министерството за финансии се повлекуваат од идејата за поголема транспарентност, па во игра ја внесуваат сегашната ригорозна опција, се наведува една причина, а таа е дека речиси сите европски закони не содржеле таква можност за јавно прикажување на неплаќачите пред судската постапка. На пример, во Велика Британија немало шанси да се обелоденат имињата на фирмите кои биле фатени на затајување, туку само кога случајот ќе го преземело обвинителството.
Сепак, има и држави каде што законски е дозволена таква транспарентност, каков што бил случајот со Шведска. Власта сў уште не е начисто дали ќе го прифати шведскиот модел или, пак, оној на повеќето други европски држави.
експертите, за Македонија, како држава во која се смета дека даночната евазија изнесува најмалку 40 отсто, воведувањето јавно жигосување за неплаќачите би било многу добар чекор во битката против даночното затајување. Имено, ваквата јавна листа би помогнала оние што би биле пофалени за тоа што редовно плаќаат, да се почувствуваат горди и да бидат стимулирани да продолжат со таа практика, а оние што прикриваат данок и со тоа прават финансиски криминал, да се засрамат пред целата јавност, а потоа и да си ја добијат заслужената судска казна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина ќе влезе во НАТО кога ќе ја победи Русија во војната
Претседателот на Украина, Володимир Зеленски, е убеден дека Украина ќе се приклучи на Северноатлантскиот договор по победата во војната со Русија.
Зеленски ова го изјави за време на заедничката средба со офицери кои минуваат курсеви за професионално воено образование според стандардите на НАТО, со учество на генералниот секретар на Алијансата, Јенс Столтенберг, пренесе Униан.
Според мое лично мислење, во НАТО ќе бидеме само кога ќе победиме“, нагласи Зеленски. Претседателот на Украина додаде дека одлуката за пристапување на Украина во Алијансата е донесена со едногласен консензус на сите земји членки на Алијансата.
„А мнозинството е политичко прашање, за да може Украина политички да биде прифатена во Алијансата, потребна е победа“, додаде Зеленски. Тој изјави дека една од причините за војната на Русија против Украина е фактот што Украина порано не била примена во НАТО.
„Пред многу години имаше и соодветен скептицизам кај некои членки, а Русија работеше многу напорно со нашите сегашни партнери, тие водеа дијалог. Таа направи се за да ја спречи Украина да биде примена не само во НАТО, туку и во Европската унија, така што Украина едноставно не се развиваше и не беше отсечена од влијанието на Руската Федерација. Затоа, за да се оттргне од ова влијание, неопходно е да се заштити нејзината независност со победа“, нагласи Зеленски.
Свет
(Видео) Момче почина по нападот во Лондон: Бесен манијак со меч сечел луѓе на улица, дете им подлегна на повредите
Тринаесетгодишно момче загина, а уште четворица се повредени по напад што се случи во североисточен Лондон во близина на метро станица.
Пет лица биле итно префрлени во болница по инцидентот кога маж прво удрил во куќа со возило, а потоа со меч ги повредил минувачите и полицајците кои се обиделе да го задржат.
„Повредените лица бараат лекарска интервенција, но веруваме дека нивните повреди не се опасни по живот“, соопштија од полицијата.
Според главниот надзорник Стјуарт Бел, 36-годишниот маж кој беше уапсен утринава бил приведен нешто пред 7 часот наутро, 22 минути откако полицијата го примила првиот повик.
Тој моментално е во притвор.
„Би сакал во овој момент да потврдам дека не веруваме дека постои закана за пошироката јавност и не бараме други поединци“, додаде Супт Бел.
„Се чини дека инцидентот не е поврзан со никаков терористички акт“, рече тој.
🚨🇬🇧BREAKING: STABBING INCIDENT IN LONDON.
In London, an individual wielding a sword has attacked homes, injuring two police officers and two residents.
Authorities have preliminarily stated that the incident does not seem to be a terrorist attack.
And of course since the… pic.twitter.com/GQXgHPTFbc
— Suppressed News. (@SuppressedNws) April 30, 2024
Пред нападот, маж во жолта качулка удрил со својот автомобил во куќа, а потоа излегол од возилото и почнал да мавта со самурајски меч.
На видеата направени од случајни минувачи, тој може да се види како шета од куќа до куќа.
Се се случило околу 7 часот утринава, а на терен се голем број полицајци.
Метро станицата Хаинолт беше веднаш затворена.
Свет
Почна европска истрага против Фејсбук и Инстаграм
Европската Комисија покрена истрага против социјалните мрежи Фејсбук и Инстаграм, во сопственост на технолошкиот гигант Мета, поради сомнежи дека не ги почитуваат своите обврски во борбата против дезинформациите. Овие обврски произлегуваат од Законот за дигитални услуги.
„Оваа Комисија создаде средства за заштита на европските граѓани од насочени дезинформации и манипулации од трети земји и ако се сомневаме дека има прекршување на правилата, ние постапуваме“, рече претседателката на Европската комисија Урсула фон дер Лајен.
Таа додаде дека борбата против дезинформациите е особено важна за време на изборната кампања.
Комисијата ќе ја фокусира својата истрага на сомневањата дека Мета не ги исполнува своите обврски според Законот за дигитални услуги поврзани со ширење на погрешни реклами, кампањи за дезинформации и координирано лажно однесување во ЕУ.