Македонија
Цветниот пазар на нова локација до крајот на јули

Цветниот пазар треба да се дислоцира на новата локација спроти зградата на „Нова Македонија“ до крајот на јули, најави денеска градоначалникот на Скопје Коце Трајановски
Цветниот пазар треба да се дислоцира на новата локација спроти зградата на „Нова Македонија“ до крајот на јули, најави денеска градоначалникот на Скопје Коце ТрајановскиСпоред Трајановски, дотогаш се очекува да биде извршена трансформација на ова државно земјиште каде треба да биде лоциран новиот пазар, а во меѓувреме да бидат изградени куќарките во кои ќе бидат сместени цвеќарниците.Фирмата „Кам Фуд“, која пред две години го купи земјиштето на локацијата на која сега е сместен Цветниот пазар, пред неколку дена почна да го заградува земјиштето со лимени тараби. На ова реагираа сопствениците на цвеќарниците, плашејќи се дека со тоа ќе им се намали обемот на работа и побараа од сопственикот на земјиштето да не почнува никакви градежни активности на локацијата, додека не бидат преселени на новата локација.„Разговараме со инвеститорот којшто треба да гради на постоечкиот Цветен пазар да причека додека не бидат завршени овие куќички. Ќе ја чекаме одлуката на Владата за доделување на земјиштето и сето тоа треба да биде завршено во јули, кога Цветниот пазар ќе биде преместен на новата локација “, рече Трајановски. Извршени се сите подготвителни работи, како довод на електрична енергија, фиксна телефонија, водоводна мрежа. Проблемот е настанат поради тоа што Јавното претпријатие „Паркови и зеленило“, кое е во еден вид партнерство со закупците на цвеќарниците, кое треба да го гради новиот цветниот пазар, сé уште ја нема добиено дозволата за градба.На новиот цветен пазар треба да се постават 16 куќарки во два реда. Ќе чинат по околу 3.500 евра, а корисниците ќе ги плаќаат на рати. Овде веќе се извршени сите подготвителни работи, како довод на електрична енергија, фиксна телефонија и водоводна мрежа. крај/к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мобилните царински тимови со 199 случаи на заплени во 2025 – Трикратно зголемен број на откриени прекршочни и кривични дела

Трикратно е зголемен бројот на заплени од мобилните царински тимови, при Одделението за оперативни работи на Секторот за контрола и истраги, во првите седум месеци од годинава. Вкупно од први јануари заклучно со 31 јули, спроведени се над пет илјади контроли, при што откриени се 199 прекршочни и кривични дела, извести Царинската управа.
Во овој период мобилните царински тимови запленија околу 100 илјади евра девизи, 455 штеки цигари, a откриени се и 27 случаи на повреда на право од интелектуална сопственост, при што запленети се над 26 илјади парчиња стока со потпис на заштитени трговски марки. Во борбата со сериозен криминал, меѓу најзначајните случаи е заплената на 188,6 килограми марихуана – заедничка акција со царинските службеници на граничен премин Богородица. Воедно, на влез во државата мобилните царински тимови спречиja обиди за криумчарење на 21 илегален мигрант.
Само во текот на изминатите денови, при контроли на стока пријавена за увозно царинење во царинска испостава Скопје 4 запленети се над 600 парчиња облека која не била пријавена со царинските документи. Воедно, при контроли на граничен премин Богородица, запленети се 27 штеки цигари без акцизни маркички, скриени во резервна гума на автомобил. Претходно, мобилен царински тим спречи обид за криумчарење 14 семки од канабис и 0,5 грама масло од канабис, како и обид за криумчарење на златен накит вреден 1,3 милиони денари, се наведува во соопштението на Царинската управа.
Од таму истакнуваат дека мобилните тимови остануваат еден од клучните механизми за заштита на финансиските интереси и безбедноста на државата.
Македонија
Герасимовски: Концерт на Јанг Дади на 27 август во Паркот на франкофонијата, ги поканувам сите скопјани на добра музика

На 27 август, Центар ќе пулсира во ритамот на добрата музика. Општина Центар, во рамки на проектот „На одмор сум, во Центар сум“, организира концерт на еден од најактуелните македонски изведувачи Јанг Дади што ќе се одржи во Паркот на франкофонијата, со почеток од 19:00 часот.
Градоначалникот Горан Герасимовски ги поканува сите центарци и скопјани коишто се останати во градот да дојдат и да уживаат во вечер исполнета со позитивна енергија, музика и забава под отворено небо.
„Ги поканувам сите скопјани, млади, семејства, пријатели и сите љубители на музиката да дојдат во Паркот на Франкофонијата и заеднички да уживаме во песните на Јанг Дади. Исто така, Стела и Сани ќе ги забавуваат најмладите, ајде сите заедно да уживаме во вечер исполнета со енергија, смеа и добар ритам. Културата е најубавиот начин да го зближиме градот и затоа ве поканувам да бидеме дел од оваа летна приказна. Ве чекам во среда, на 27 август на музика што поврзува“, вели Герасимовски.
Македонија
Нова дигитална платформа за поврзување на МВР и „Службен весник“ за побрзо објавување изгубени лични документи и вадење нови

Министерството за внатрешни работи продолжува со дигитализацијата на процесите и услугите за граѓаните кои треба да резултираат со побрзи и поефикасни услуги и заштеда на времето на граѓаните кога имаат потреба од услугите на МВР.
„Во таа насока со цел зголемување на ефикасноста и брзата размена на податоци меѓу институциите, Секторот за информатичка технологија при МВР изработи веб решение за размена на податоци за објавување на изгубени или украдени документи кои треба да бидат објавени во Службен весник.
Со ова решение, досегашната практика на размена на податоци помеѓу МВР и Службен весник по пат на електронска пошта се укинува и врз основа на потпишаниот договор помеѓу МВР и Службен Весник, преминува на националната платформа за интероперабилност.
Со овој унапреден начин на работа, Службен Весник на дневно ниво автоматски ќе ги презема пријавените изгубени или украдени документи, со цел нивно објавување за неважечки документи. По нивното објавување, МВР на ист начин, преку националната платформа за интероперабилност, автоматски ги презема објавените неважечки документи од страна на Службен весник и ги ажурира во интерниот систем, со цел граѓаните побрзо да извадат нов документ“, соопшти МВР.