Млад Американец обвинет за кражба на милион бројки на кредитни картички е осуден во четврток на 20 години затвор пред сојузниот суд во Бостон во сојузната држава Масачусетс

Дваесет и осумгодишниот Албер Гонзалес, син на емигрантско кубанско семејство од Флорида, ланскиот септември ја призна вината, а според договорот со обвинителството доби казна затвор меѓу 17 и 25 години.Гонзалес беше обвинет за заговор, информатичка измама и крадење идентитетот, а во петок повторно треба да се појави пред судот за други случаи на кражби во синџир-ресторани во Њу Џерси. Тој од 2006 г. украл 130 милиони бројки на кредитни картички. „Станува збор за најголемиот пример на информатичко пиратство во американската историја“, изјавила судијката Пети Сарис. Таа директно обраќајќи му се на Гонзалес рекла дека иако се покајал и вратил милион долари кои ги сокрил во градината на неговите родители, мора со високата казна да упати порака.Пред објавувањето на пресудата Гонзалес рекол дека признава дека е виновен.„Љубопитноста и заробеноста со информатиката ме натераа да ги измамам родителите и да ја користам нивната куќа“, изјавил барајќи прошка.ОД почетокот на 2006 г. тој и неколку негови соработници смислиле софистициран начин да влезат во мрежата на големите продавници и финансиски институции за да ги украдат банкарските податоци на нивни клиенти. Потоа овие податоци биле испраќани на сервери во неколку американски сојузни држави, но и во Холандија, Украина и во Латвија, и пронашле начин како да ги сокријат трагите во информатичките системи во кои успеале неовластено да влезат. Вкупната штетата што ја предизвикал Гонзалес и соработниците се проценуваше на околу 400 милиони долари.Гонзалес се согласил да ја надополни штетата на жртвите со заплена на неговиот имот кој е вреден околу 2,7 милиони долари, колку што се проценети станот во Мајами, „бмв“-то, дијамант купен во „Тифани“ и повеќе часовници „Ролекс“. Врати и милион доалри во готовина кој ги закопал во дворот на родителите.