Црна хроника
Во сообраќајка загина двегодишно дете
Двегодишно дете загина, а петгодишно е повредено, во сообраќајка што се случила во селото Рашче, во неделата, пред пладне, јави полицијата.
Двегодишно дете загина, а петгодишно е повредено, во сообраќајка што се случила во селото Рашче, во неделата, пред пладне, јави полицијата.
Имено, во неделата, околу 11.40 часот во село Рашче, скопско, се случила сообраќајна незгода помеѓу возило „Форд транзит“ управувано од М.И.(57) и патничко возило „Опел Корса“ управувано од Б.С.(28) од село Рашче.
Во незгодата починало двегодишно дете кое било сопатник во возилото „Опел Корса“.
Во Ургентниот центар Скопје се пренесени возачот Б.С. и друго петогодишно дете каде им е укажана лекарска помош по што Б.С. е пуштен на домашно лекување, а детето е задржано на понатамошно лекување.
Извршен е увид на местото на настанот и се преземаат мерки за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Мала Речица, пронајдена дрога
Вчера во 18.45 часот во Тетово, полициски службеници од Отсекот за недозволена трговија со дрога и оружје при СВР Тетово го лишиле од слобода А.Т.(35) од с.Мала Речица, тетовско.
При претрес во домот кој го користи под наем, извршен со судска наредба, биле пронајдени и одземени саксии со насади од растението канабис, шишиња со течност и други предмети поврзани со делото.
Лицето било задржано во полициска станица и по целосно документирање на случајот, против него ќе биде поднесена соодветна пријава.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.