Свет
На фирмата не и се допадна моето стручно мислење
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-8968.jpeg)
Фирмите кои сакаат да ги внесат медитеранските полжави во државава, побараа стручно мислење од мене. Мислењето го напишав на писмено, а и телефонски ги известив за мојот личен став околу ова прашање, но очигледно нив не им се допадна содржината на текстот и одбија да го примат писмото.
Фирмите кои сакаат да ги внесат медитеранските полжави во државава, побараа стручно мислење од мене. Мислењето го напишав на писмено, а и телефонски ги известив за мојот личен став околу ова прашање, но очигледно нив не им се допадна содржината на текстот и одбија да го примат писмото. Во моето стручно мислење што на фирмата “Андоно компани” им беше доставено и писмено стои :
Фармското одгледување на животни од било кој вид, па во случајов и на полжави, претставува одгледување на голем број животни на мал простор, со бројни штетни последици за животните, за околината и, најпосле, за самиот човек. Тоа е, по правило, насочено кон профит и не води сметка за барањата на соодветниот вид животни и изразувањето на битовите карактеристики на видот: слобода на движењето, избор на храна, начинот на размножување итн. Ако видот е алохтон, т.е. не е домашен, прашањето се усложнува уште повеќе, бидејќи интродукцијата на секој нов вид во нова средина е нагол зафат во еколошкиот ред и поставеност на постојните биоценози и, во секој случај, има последици по нив. Во која мера, тоа зависи од видот, бројноста, средината, влијанието на човекот и др.
Секое масовно чување животни на ограничен простор, во број и количества што далеку ја надминуваат природната застапеност, подразбира и неискажливо страдање и малтретирање на животните како созданија во природата и неотуѓив дел од целината на природниот живот и, во крајна линија, е престап против природниот закон. Тие мораат да трпат недостојно транспортирање, да јадат храна во повеќекратно поголеми износи од потребната и без можност за нејзин целосен избор, заедно со разни додатоци во дадената храна, кои што често им се непотребни и штетни, а се насочени само кон нивен брз пораст и поголем профит за човекот, а сето тоа само за недолжните животни најпосле живи да се фрлат во врела вода и да се изедат за доброто на непцето на луѓето со еден збор: нехумано. Секој кој прави такво нешто, си повикува иста или слична судбина кон себе.
Одлуката на секој поединец во врска со одгледувањето животни му се остава нему како негово право. Ова мислење може да му помогне притоа.
Проф. д-р Мирче Наумовски
Факултет за земјоделски науки и храна
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Пет лица загинаа во напад со беспилотно летало во руската област Курск, меѓу нив и деца
![](https://makfax.com.mk/wp-content/uploads/2017/09/jak-130-rusko-solsko-letalo-2.jpg)
Пет лица загинаа во напад со беспилотно летало во руската област Курск во близина на границата со Украина, објави регионалниот гувернер Алексеј Смирнов на Телеграм.
„Меѓу жртвите има и две деца. Удрена е куќа во селото Городиште во Рилската околија. Двајца други членови на семејството, од кое се жртвите, се во тешка состојба“, додаде Смирнов.
Претходно руското Министерство за одбрана соопшти дека се уништени шест украински беспилотни летала над неколку руски региони, вклучувајќи ги Тверската, Белгородската и Брјанската област, како и над Крим.
Сообраќајот по Кримскиот мост бил во прекин околу еден час рано утринава и сега вкупно околу 600 автомобили се собрани од двете страни на мостот
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.