Регион
Мигрантите го блокираа главниот автопат во Грција
Мигрантите со мали деца го блокираа во средата автопатот во Грција барајќи слободен премин кон Македонија, што им е оневозможено со новите гранични контроли коишто го воведоа земјите на ткн балканска рута со што се создаде „тесно грло“ на грчката територија.
„Сакаме да минеме“, извикувале цели семејства откако полицијата го запрела нивниот конвој во централна Грција, пренесуваат медиумите. Кај ова место Темпе, како и на други во Грција, властите ги заострија контролите за протокот на мигрантите кои по балканската рута се упатуваат кон северот на Европа.
Репортерите на Reuters јавуваат дека стотици имигранти натискани на бензинските пумпи и мотелите долж 530 километри долгиот автопат кој ја поврзува грчката престолнина Атина со границата со Македонија. Македонските власти повремено ја отвораат границата и пропуштаат по стотици лица, во согласност со мерките коишто ги преземаат земјите посеверно од неа за да го контролираат и намалат големиот прилив мигранти.
Грчките власти се огорчени од мерките коишто ги воведоа земјите на ткн балканска рута. „Тоа е скандалозно. Пет директори на полиции може да ја отфрлат одлуката на премиерот на Европската унија“, изјави во Атина министерот за миграции Јанис Музалас.
Австрија, Македонија, Словенија, Србија и Хрватска договорија минатата седмица на состанокот во Загреб мерки за заострени контроли на своите граници. Австрискиот министер за надворешни работи Себастијан Курц ги отфрли во средата критиките на сметка на неговата земја која воведе дневни квоти за мигрантите и порача дека Грција мора да стори повеќе за да го намали приливот. Повеќе од милион мигранти минатата година минале низ Грција, многумина од нив бегајќи од војните во Сирија, Ирак и во Авганистан.
„Кога постои тесно грло, шишето може да пукне, а кога станува збор за контролирано движење на поединци.. пукнатото шише може да заврши со неконтролиран, илегален прилив. Одлуката балканските земји да го запрат приливот само ќе предизвика експлозија, а нема да ја намали илегалната миграција“, предупреди Музалас.
Висок функционер на агенцијата за бегалци на Обединетите нации (УНХЦР) предупредува дека новите ограничувања можеби се спротивни на законите за заштита на бегалците. „Тие (законите) веројатно се противречни на европските прописи и норми, а сигурно се и спротивни на основните закони за заштита на бегалците“, изјави за новинарите во Атина, челникот на УНХЦР, Филипо Гранди.
Грчкиот премиер Алексис Ципрас ѝ го пренел „длабокото незадоволство“ на германската канцеларка Ангела Меркел, зашто што земјите членки на Европската унија не го исполниле своите ветувања објави во средата неговиот кабинет. Во меѓувреме, грчката полиција наред да се запре довозот од бегалците до границата со Македонија. Некои автобуси полицијата ги запирала на пат и наредила да стојат во место до новите налози./крај/мф/сн
Извор: Reuters/AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.