Свет
Гадафи го повика народот на демонстрации против новите власти
Сменетиот либиски водач Моамер Гадафи, кој се наоѓа во бегство, ги повика сонародниците во милионски број да излезат на демонстрации против новите власти.
Сменетиот либиски водач Моамер Гадафи, кој се наоѓа во бегство, ги повика сонародниците во милионски број да излезат на демонстрации против новите власти.Говорната порака на Гадафи ја емитуваше телевизијата Ал-Рај, со седиште во Сирија.„Го повикувам либискиот народ, мажите и жените, да излезат на улиците и плоштадите во сите градови и во милионски број да демонстрираат“, се вели во пораката на Гадафи.Тој оцени дека Преодниот национален совет, кој од крајот на август ја води државата, нема никаков легитимитет, бидејќи не е избран од страна на Либијците и не се интересира за либискиот народ.„Ви порачувам да не се плашите од никого. Вие сте народ и и’ припаѓате на оваа почва. Сторете се’ вашиот глас да се слушне против соработниците на НАТО“, истакна Гадафи, алудирајќи на Преодниот национален совет.Гадафи се наоѓа во бегство од 23 август, а неговата последна порака беше емитувана на 20 септември, кога им порача на граѓаните да не веруваат во извештаите дека е сменет режимот. /крај/х/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж со нож нападнал луѓе во центарот на Осло, полицијата веднаш го уапсила
Норвешката полиција соопшти дека уапсила маж кој избодел едно лице со два ножа и нападнал неколку лица во центарот на Осло.
Инцидентот се случил пред местото на метрото кога расправија излегла од контрола и неименуван маж на возраст од триесет години избодел еден маж во раката и нападнал уште неколку луѓе во близина.
Полицаецот потоа го извадил пиштолот и му наредил на напаѓачот да ги спушти ножевите, пренесува Ројтерс.
Полицијата смета дека нападот не бил мотивиран од тероризам.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.