Свет
Северна Кореја се заканува со војна
Властите во Пјонгјанг во сабота се заканија со напад врз јужнокорејските звучници и други пропагандни средства кои се поставени долж заедничката граница, предупредувајќи дека соседот ќе го претвори во „море од пламен“, пренесе AFP
Пропагандната војна меѓу двете Кореи траеше повеќе децении но беше прекината во 2004 г. Меѓутоа, откако минатиот месец Јужна Кореја објави дека нејзиниот воен брод „Чхеонан“ бил потопен од северокорејско торпедо, при што загинаа 46 нејзини морнари, одговори со поставување силни звучници преку кои емитува пропагандна програма. Засега емитувањето на програмата против комунистичкиот режим во Северна Кореја не е почнато, но јужнокорејското министерство за обдрана наведе дека ќе почне откако Советот за безбедност при Обединетите нации ќе донесе нова резолуција за санкции на Пјонгјанг.Генерелштабот на севернокорејската армија во петок објавило дека ќе преземе општ напад врз пропагандните станици кои се наоѓаат на 60 километри од границата што е во дострел на севернокорејската артилерија. Иако Пјонгјанг редовно се заканува со вакви напади кои не се случуваат, по нападот со торпедото, не може да се знае до каде може да одат провокациите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Свет
Хамас планира да предаде 33 заложници, некои од нив се мртви
Хамас планира да ги предаде останките на неколку заложници кои се меѓу 33-те за кои се наведува дека ќе бидат ослободени во првата фаза од предложениот договор за прекин на огнот, пишува Њујорк Тајмс.
Во извештајот, во кој се цитирани две лица блиски до преговорите за договорот, се вели дека Хамас ги информирал посредниците дека веќе не се живи сите оние што требаше да бидат ослободени. Се очекуваше во првата фаза да бидат ослободени жени, деца, стари и болни лица, потсетуваат израелските медиуми.
Израел претходно инсистираше да се ослободат само живите заложници во таа фаза и се согласи со помалку од 40-те луѓе што првично ги бараше, со разбирање дека сите што требаше да бидат ослободени се живи. Хамас синоќа соопшти дека го прифатил договорот предложен од посредниците. Израел, пак, оцени дека договорот е многу поинаков од она на што се согласила земјата.
Официјални лица на Хамас рекоа дека првата фаза од договорот ќе вклучи 42-дневно примирје и ќе ослободи 33 израелски заложници во замена за голем број палестински безбедносни затвореници кои се чуваат во израелските затвори.
Кабинетот на израелскиот премиер Бенјамин Нетанјаху оцени дека понудата на Хамас не ги исполнува основните израелски барања, но најави дека ќе испрати преговарачи да продолжат со преговорите со американските, египетските и катарските посредници.
Се верува дека уште 128 заложници се држат во Газа, од околу 250 киднапирани во нападите на палестинските екстремисти предводени од Хамас на 7 октомври минатата година, но не се знае дека сите се живи. За време на еднонеделниот прекин на огнот на крајот на ноември минатата година беа ослободени сто и пет цивили, а пред тоа четворица.
Тројца живи заложници беа ослободени од војниците, а телата на 12 од нив беа пронајдени, вклучувајќи и тројца убиени по грешка од војниците.
Израелската војска ја потврди смртта на 35 заложници кои сè уште ги држи Хамас, повикувајќи се на нови разузнавачки информации од војниците кои дејствуваат во Газа.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.