Свет
Бавна проверка на имототна шефот на државата
Сите досегашни докази што јас, како инвеститор на
станбено-деловниот комплекс „Тифани“, ги понудив до антикорупциската комисија,
до УЈП и до МВР недвосмислено покажуваат дека Јасна Црвенковска, сопругата на
претседателот на државата Бранко Црвенковски, е дел од купопродажниот договор
за простор во тој комплекс.
АНКЕТЕН
ЛИСТ НА БРАНКО ЦРВЕНКОВСКИ
Сите досегашни докази што јас, како инвеститор на
станбено-деловниот комплекс „Тифани“, ги понудив до антикорупциската комисија,
до УЈП и до МВР недвосмислено покажуваат дека Јасна Црвенковска, сопругата на
претседателот на државата Бранко Црвенковски, е дел од купопродажниот договор
за простор во тој комплекс. Тој дел од имотот на семејството Црвенковски го
нема никаде во анкетниот лист на шефот на државата, ниту во анкетниот лист
додека тој бил премиер. На 15 март Љупчо Палевски ја поднесе пријавата до
антикорупциската комисија со дел од документацијата во случајот непријавен имот
на семејството Црвенковски. На 5 април се доставени сите оригинални документи,
како и дел од неговите преписки со четворката од „Семос“, купувачи на
просторот, меѓу кои е и Јасна Црвенковска. Објаснувањето на Црвенковски дека
парите за авансот за купување на просторот во „Тифани“ не се на неговата
сопруга и поради тоа не бил обврзан тоа да го пријави во анкетниот лист
едноставно „не држи вода“, вели Палевски. Содружниците од „Семос“, меѓу кои и
сопругата на претседателот Бранко Црвенковски во неколку наврати и писмено
побарале од Палевски да им ги врати парите што тие ги уплатиле како аванс за
простор во оваа зграда. Договорот не се реализирал и тие си го барале авансот
назад. Ова е спротивно на тврдењето на претседателот Црвенковски дека неговата
сопруга нема побарувања од Палевски и дека за просторот во „Тифани“ не биле
уплатени нејзини пари и покрај тоа што нејзиниот потпис стои на неколку
документи.
„Бараме да воспоставиме заложно право врз ваша сопственост, поточно врз вашите
акции во РЖ ‘Фаморд’ и ‘Силекс банка’. Заложното право го бараме за да го
обезбедиме нашето побарување, кое го имаме врз основа на договорот за
купопродажба на станбено-деловен простор во објектот ‘Тифани’“ – пишува во
преписката меѓу содружниците од „Семос“ и Палевски од 13 ноември лани. На
преписката повторно стои и името на сопругата на претседателот.
Ниту како премиер, ниту како претседател на државата Црвенковски во анкетниот
лист не го пријавил авансот од 160.000 евра што неговата сопруга и содружниците
од „Семос“ го уплатиле со намера да купат простор во „Тифани“. Уплатата е
направена во јули 2002 година. Две години подоцна Црвенковски беше избран за
претседател на државата. Според Законот за спречување корупција, избран или
именуван функционер е должен во рок од 30 дена да пополни анкетен лист за
движниот и за недвижниот имот со кој располагаат тој и неговиот брачен другар,
родителите, децата, браќа или сестри со кои функционерот заедно живее. И откако
стана претседател, кабинетот на Црвенковски соопшти дека нема промени во неговата
имотна состојба од тоа што го пријавил порано како премиер. Авансното уплаќање
за „Тифани“ го нема никаде во неговиот анкетен лист. Договор за просторот не
бил склучен и поради тоа претседателот не бил должен да го пријави авансот во
анкетниот лист, соопшти тогаш кабинетот на Бранко Црвенковски. А за уплатените
пари, Црвенковски тврди дека неговата сопруга не уплатила никаков аванс, туку
дека тоа го сторил некој друг, па оттаму, тој по консултацијата со експерти
заклучил дека нема потреба да се изјаснува за ова во анкетниот лист.
Потписите на Црвенковска на сите овие документи, според Палевски, се доказ дека
сопругата на шефот на државата всушност во правниот промет внела пари што во
официјалните документи за имотот на семејството ги нема.
– Во секој случај, Црвенковски овие пари морал да ги наведе во анкетниот лист.
Прикривањето на потеклото на несразмерно стекнат имот е кривично дело – изјави
Палевски.
Договорот за просторот во „Тифани“ е склучен само два месеци пред изборите на
15 септември 2002 година, кога Црвенковски се врати на премиерската функција.
Четворицата партнери во „Семос“ уплаќаат 50 илјади евра во кеш како аванс за
купување деловен простор од 550 квадратни метри на првиот кат, локал и гаражи
во деловно-станбената зграда „Тифани“. Авансот гласи на имињата, а не на
фирмата „Семос“. Платиле Јасмина Црвенковска, Илија Секуловски, Герасим Ванчев
и Сашко Наумов. Тоа било авансно плаќање или дел од вредноста на просторот
(447.000 евра).
Поради неисполнувања на обврските и на купувачот (доцнење со плаќањето) и на
продавачот (доцнење со изградбата), купопродажниот договор се доведува во
прашање.
Во меѓувреме, истиот тој простор Палевски и го продава на Управата за јавни
приходи, во периодот кога директорка беше Петра Митева. За ревизорите токму
овој договор на УЈП бил спорен. Деловниот простор е завршен, но УЈП се уште не
ги зела клучевите за да го всели поради нерешени имотни прашања.
Но, анкетниот лист на Црвенковски останал ист и во 2002 година, и во 2004
година, кога дотогашниот премиер Црвенковски е избран за претседател на
Република Македонија.
По објавувањето на интервјуто на Палевски во февруари во „Време“, овој
поранешен сопартиец на Црвенковски, документ по документ го отвора досието за
анкетниот лист на шефот на државата. Последен таков документ е писмото на
купувачите на просторот од 3 март 2006 година во кое тие од Палевски бараат
договорот да не се раскинува. „Недвижниот имот што сте ни го продале нас и за
кој уплативме благовремено дел од купопродажната цена како авансно плаќање, сте
го продале на трети лица“. Од ова писмо се гледа дека Црвенковска, Секуловски,
Ванчев и Наумов се гледаат како сопственици на имотот и дека се против
раскинување на договорот.
„Од правен аспект не е важно кој ги дал парите, важно е кој се потпишал.
Претседателот дефинитивно требало да го пријави овој аванс“, велат експерти од
Правниот факултет.
– Не држи образложението на претседателот Бранко Црвенковски дека неговата
сопруга не дала пари за авансот со кој содружници од фирмата „Семос“ сакале да
купат простор во зградата „Тифани“. Потписот на Црвенковска стои на договорот
со инвеститорот Палевски – велат професори по управно право од факултетот.
И според поранешни членови на антикорупциската комисија, функционерите се
должни да пријават секаква промена во анкетниот лист, без разлика дали е заем,
долг или аванс.
А.Д.
Црвенковски
вели дека нема побарување, Црвенковска упорно си ги бара парите од Палевски
И во последното интервју Бранко Црвенковски беше прашан за купувањето на деловен
простор на неговата сопруга во зградата „Тифани“. Можете ли директно и прецизно
да одговорите колку вистина има во тие обвинувања, гласеше прашањето на „Шпиц“.
– Можам да одговорам и директно и прецизно: Нема никаква вистина во тие
обвинувања. Мојата сопруга не уплатила никакви средства и во согласност со тоа
не постои ниту побарување од нејзина страна што јас би можел да го евидентирам
во имотниот лист – одговори Црвенковски.
За разлика од него, во неколку писмени дописа до Палевски, неговата сопруга се
повикува на побарувањата од неа и од нејзините содружници за просторот во
„Тифани“ и бара од него конечен договор за обврските од дадениот аванс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Смртоносни поплави во Индија: има загинати, околу 100 лица се водат како исчезнати
Ненадејна поплава што предизвика порој од кал погоди населено место во хималајскиот регион во северна Индија, каде што четири лица загинаа, а околу 100 се водат како исчезнати, објавија денес локалните власти.
„Ситуацијата е сериозна. Добивме извештаи за четири смртни случаи и околу 100 исчезнати. Се молиме за нивна безбедност“, изјави државниот министер за одбрана Санџај Сет.
Видео снимките што ги објавија индиските медиуми покажуваат порои од кал и вода како ги носат станбените згради во Дарали, туристичка дестинација во индиската држава Утаракханд.
Индиската армија соопшти дека 150 војници на лице место помогнале во спасувањето на околу 20 преживеани од лизгањето на земјиштето.
Индиската метеоролошка служба издаде претходно предупредување поради обилните дождови во Утаракханд.
Смртоносните поплави и лизгање на земјиштето се чести за време на сезоната на монсуни во Индија од јуни до септември. Експертите велат дека климатските промени го зголемуваат нивниот интензитет и фреквенција.
Фото: принтскрин
Свет
„Блумберг“: Русија ја разгледува можноста од прекин на воздушните напади како отстапка кон Трамп
Кремљ размислува за привремено запирање на својата кампања за напади со долг дострел во Украина како потенцијална отстапка кон американскиот претседател Доналд Трамп, објави „Блумберг“, повикувајќи се на неименувани извори запознаени со дискусиите.
Остануваат уште три дена до крајниот рок на Трамп на 29 јули за Русија да ја заврши војната во Украина.
Воздушното примирје е една опција
Според „Блумберг“, руските претставници ги разгледуваат можните опции пред доаѓањето на американскиот претставник Стив Виткоф во Москва оваа недела.
Една од нив вклучува ограничено „воздушно примирје“, пауза во нападите со беспилотни летала и ракети, но само ако Украина се согласи да учествува.
Портпаролот на Кремљ, Дмитриј Песков, ја потврди важноста на средбите со Виткоф, но одби да коментира за конкретни предлози, според медиумот.
Трамп на 3 август потврди дека Виткоф може да отпатува во Русија на 6 или 7 август.
„На Трамп му е потребен некаков „подарок“, некаква отстапка од Русија“, изјави за „Блумберг“ Сергеј Марков, политички аналитичар близок до Кремљ. „Воздушен прекин на огнот би можел да биде таков подарок“.
Идејата за „воздушен прекин на огнот“ беше дискутирана и со Путин од страна на белорускиот претседател Александар Лукашенко на 1 август. Рускиот претседател не коментираше јавно за ова прашање. Лукашенко ја покрена истата идеја и во јуни, за време на необичен состанок со претставникот на Трамп за Украина, Кит Келог, во Белорусија.
Келлог треба да се сретне со украинскиот претседател Володимир Зеленски во Киев оваа недела.
Зеленски денес објави дека имал „продуктивни“ телефонски разговори со Трамп, во кои разговарале, меѓу другото, за санкциите и неодамнешните руски воздушни напади врз украинските градови.
Фото: принтскрин
Свет
„Трагедијата можеше да се спречи“: објавен конечниот извештај за имплозијата на подморницата „Титан“
„OceanGate“, чија подморница „Титан“ имплодираше за време на експедицијата кон остатоците од Титаник во 2023 година, имаше „критично недоволни безбедносни практики“ и „токсична работна култура“, се заклучува во официјален извештај на американската крајбрежна стража објавен по двегодишна истрага.
Конечниот извештај за „OceanGate“ беше објавен од страна на американската крајбрежна стража и нејзиниот Одбор за поморски истраги (MBI). Станува збор за компанијата (OceanGate) која е одговорна за подморницата „Титан“, која имплодираше пред две години за време на нуркање кон остатоците од Титаник, при што загинаа сите пет лица.
Во извештајот од 335 страници, објавен во вторникот, се вели дека „OceanGate“ не ги следела инженерските протоколи за безбедност, тестирање и одржување на бродовите. Документот ги истакнува сериозните проблеми во начинот на работење на компанијата, нејзината работна култура и предупредува на потребата од построг регулаторен надзор на „подморници со екипаж и бродови со нов дизајн“.
„Неколку години пред инцидентот, „OceanGate“ користеше тактики на заплашување, дозволи за научни операции и поволна корпоративна репутација за да избегне регулаторен надзор“, се вели во извештајот, пишуваат медиумите.
Понатаму се вели дека компанијата „стратешки создаде и искористи регулаторна конфузија“ успеала да го управува „Титан“ целосно надвор од воспоставените протоколи за длабоко море, што историски придонеле за безбедноста на комерцијалните подморници.
„Трагедијата можеше да се спречи“
„Оваа морска несреќа и загубата на пет животи можеа да се спречат. Двегодишната истрага идентификуваше повеќе фактори што доведоа до трагедијата, давајќи вредни лекции за спречување на идни несреќи. Потребен е посилен надзор и јасни опции за операторите што истражуваат нови концепти надвор од постојната регулаторна рамка“, рече Џејсон Нојбауер, претседател на МБИ на „Титан“.
Критично погрешна безбедносна култура
Во извештајот се наведува дека „примарните фактори што предизвикуваат“ трагедија биле несоодветното справување со инженерските проблеми и недостатокот на разбирање за тоа како трупот би реагирале во „по природа опасна средина“.
И покрај инцидентите што го нарушија интегритетот на трупот,„ OceanGate“ продолжи да го користи „Titan“. MBI, исто така, ја истакнува „критично погрешната“ безбедносна култура и оперативните практики на компанијата.
„Во срцето на овие пропусти беа очигледните несовпаѓања помеѓу пишаните безбедносни протоколи и вистинската пракса“, се вели во извештајот.
Исто така, се истакнува дека напорите на раководителите на „OceanGate“ да го претстават „Titan“ како „неуништлив“ создале „лажно чувство на безбедност“ кај патниците и регулаторите.
Американската крајбрежна стража, исто така, ги наведе неуспесите на државните институции, нагласувајќи дека имало „пропуштена можност“ за интервенција.
„Раната интервенција можеше да резултира со тоа што „OceanGate“ ќе бараше усогласеност со регулативите или ќе ги напушташе плановите за експедициите на Титаник“, се наведува во извештајот.
Фото: принтскрин
Извршил обљуба врз деветгодишно девојче: уапсен скопјанец
Вчера полициски службеници од СВР Скопје го лишиле од слобода Л.О.(32) од скопско село. Полицијата постапила по претходна пријава дека...
Семејството го барало неколку дена, во куќа во Кавадарци пронајден починат маж покриен со земја
Полицијата пронајде починат 42-годишен маж во Кавадарци, постојат сомненија за убиство. Дежурен јавен обвинител од Основното јавно обвинителство Кавадарци изврши...
Скопјанец преку веб-страница продавал билети за непостоен концерт
Полицијата поднесе кривична пријава за скопјанец кој преку веб-страница продавал билети за непостоен концерт. Денеска, Секторот за компјутерски криминал поднесе...
Клиниката за детски болести доби нов дигитален мобилен рендген-апарат, донација од Јапонија
На Клиниката за детски болести денеска беше промовиран дигитален мобилен рендген-апарат, обезбеден со поддршка од Амбасадата на Јапонија. „Станува збор за...
Разоткриена мрежа на шверцери – купувале цигари на фришоп во Грција и ги пренесувале со цистерна со нафта
Царинска управа преку Секторот за контрола и истраги, откри и спречи криминална шема поврзана со шверц на цигари. Против пет...
Гром го предизвикал пожарот во велешката фабрика, велат од „Мирана“
Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат...
(Видео) Еден качен на хауба, друг вози без дозвола – поднесени пријави за скопјаните што дивееја на улиците
Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и...
Полициска интервенција во Струга: Над 500 лица и 120 луксузни возила на собир по полноќ, запленети автомобили
Доцна синоќа, нешто по полноќ, струшката полиција интервенирала на паркинг во градот по пријава за гласна бучава и вознемирување на...
Сѐ повеќе луѓе остануваат без работа поради вештачката интелигенција – најголем удар врз младите
„Мајкрософт“ годинава отпушти повеќе од 15.000 луѓе, од кои 9.000 само во јули, што е речиси 7 отсто од вкупната...
(Видео) Охридско лето со концерт на Ана Дурловски го прослави 65. роденден
Со концерт на реномираната македонска сопранистка, првенката на Националната опера и балет, Ана Дурловски која настапи со пијано придружба на...
Променливо облачно и нестабилно со локален пороен дожд и грмежи, наместа во форма на невреме
Променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на невреме со...
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово
Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на...
Објавен огласот за финансиска поддршка за сметките за струја за ранливи потрошувачи
Министерството за енергетика, рударство и минерални суровини го објави јавниот оглас за финансиска поддршка за потрошена електрична енергија за ранливи...
Обид за убиство во Струга – со нож го избол во стомакот, рацете и во вратот
Основното јавно обвинителство Струга отвори истрага против две лица, од кои едното е осомничено за обид за убиство и насилство,...
Силен скок на цената на нафтата на светските пазари
По две недели пад, цените на нафтата нагло пораснаа на светските пазари, за повеќе од шест проценти, поддржани од постигнувањето...
Активни четири пожари во Македонија
До 07:00 часот утрово регистрирани се 23 пожари во Македонија, од кои четири се активни, два се под контрола, а...
Трамп се закани: Путин има рок до петок
Американскиот претседател Доналд Трамп изјави дека неговиот специјален претставник Стив Виткоф би можел да отпатува во Русија, можеби в среда...
Русија и Кина одржуваат воени вежби во морето крај Јапонија
Русија и морнариците на Кина одржуваат заеднички артилериски и противподморнички вежби во Јапонското Море како дел од планираните воени маневри,...
Доаѓа невреме – силен ветер, пороен дожд и град ќе ја погодат Македонија
Управата за хидрометеоролошки работи информира дека под влијание на влажна и нестабилна воздушна маса, во понеделник и вторник на повеќе...
