Македонија
ЕСИ: Предлогот би се реализирал кога Македонија ќе стане членка на ЕУ
Главната поента на предлогот што го даде Европската иницијатива за стабилност (ЕСИ) за разрешување на македонско-грчкиот спор околу името е што тој би се ефектуирал кога Македонија би станала членка на Европската унија.
Главната поента на предлогот што го даде Европската иницијатива за стабилност (ЕСИ) за разрешување на македонско-грчкиот спор околу името е што тој би се ефектуирал кога Македонија би станала членка на Европската унија. Аналитичарот на ЕСИ, Александра Стиглмаер за Макфакс изјави дека ваквото решение би и олеснило на Македонија да постигне прифатливо решение за името.„Во овој момент Грција вели дека ако Македонија се согласи со промена на името таа ќе се откаже од блокадите во НАТО и нема да ги блокира преговорите за членство во Европската унија. Но, Македонија нема гаранции дека преговорите ќе бидат успешни, затоа нудиме решение за името кое ќе стапи на сила кога Македонија ќе стане членка на ЕУ“, изјави за Макфакс Стиглмаер. Таа го нарече актуелниов момент круцијален додавајќи дека ако прашањето за името се реши и ако Македонија ги почне преговорите за членство со ЕУ тоа ќе прати силен сигнал до регионот дека билатералните прашања можат да се решаваат. На прашањето какви се шансите Скопје да го разгледува сериозно овој предлог со оглед на тоа што македонската влада се противи на промена на Уставот, Стиглмаер рече дека не знае колкави се шансите, но изрази надеж дека двете страни ќе најдат решение. „Двете страни сфаќаат дека конфликтот може никогаш да не се реши. За Македонија е тешко бидејќи ако не се реши прашањето за името, земјата нема да стане членка на ЕУ, а за Грција е тешко бидејќи го поддржува проширувањето на ЕУ и е заинтересирана за стабилноста на Македонија“, рече Стиглмаер. Прашана дали ова не значи дека меѓународниот притисок е насочен само кон Македонија, а не и кон Грција, таа одговори дека со овој предлог се бара од Грција да направи голем чекор напред, бидејќи предлогот за надминување на спорот што го нуди ЕСИ, значи дека промената на името ќе се случи кога Македонија ќе стане полноправна членка на Унијата. Инаку, ЕСИ предлага надминување на спорот за името преку промена на Уставот во Скопје, со која се менува името на државата денес и и се овозможува на Атина да го поддржи почетокот на пристапни преговори кон крајот на годината.„Уставната промена би била едноставна: еден параграф, кој ќе вели нешто налик на:„Сите референци кон Република Македонија во овој Устав ќе бидат заменети со референци кон XX (компромисното име, како на пример Република Македонија – Вардар) на денот кога оваа земја ќе и се приклучи на Европската унија“. Ако од некоја причина Скопје никогаш не и се приклучи на Унијата, земјата никогаш нема да си го промени името. Ако идните влади на Грција (или некои други соседи) пронајдат нови причини да ја блокираат земјата подоцна (постојат не помалку од 70 точки каде што може да се стави вето и кои се обврзни пред кандидатката да му се приклучи на ЕУ клубот, каде што и едногласноста е обврзна, во тој случај името повторно останува непроменето. Од друга страна, уставната промена ќе гарантира дека еднаш штом Македонија стане членка, промената ќе стапи во сила веднаш и автоматски. Тоа исто така може да се напише и во договорот за прием на земјата“, стои во предлогот на ЕСИ за компромисно решение на спорот со името меѓу Македонија и Грција. /крај/мд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Шукова: Време е за резултати уреден Бутел, нови паркови, подобар превоз и вода за сите
Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека Скопје мора да се гради со дела, а не со празни зборови.
„Вечерва не сум тука само како кандидатка за градоначалничка на Скопје. Тука сум, пред сè, како човек што верува во овој град и во луѓето што го прават Бутел дом,“ изјави Шукова.
Таа се осврна на реалните проблеми со кои се соочува општината запуштеното корито на Серава, недоволната инфраструктура, недостигот на јавен превоз и дотраената водоводна мрежа и истакна дека решенијата веќе се подготвени.
„Серава ќе стане место на кое ќе се гордееме уредено корито, пешачки и велосипедски патеки, зелена зона за сите. Новите паркови и 10.000 засадени дрвја ќе го вратат сјајот што Скопје го имаше пред децении,“ нагласи таа.
Посебен акцент стави и на водоснабдувањето и инфраструктурата:
„Денес, 60 проценти од питката вода се губи во системот. Време е за модернизација и стабилно снабдување со вода за секој дом. Новите мостови, клучки и булевари ќе го поврзат Бутел со целиот град и ќе овозможат безбедно и побрзо движење,“ рече Шукова.
Таа потсети дека во изминатите години градот беше заложник на неработење и популизам:
„Четири години ВМРО-ДПМНЕ ги запоставуваше општините. Време е за резултати, а не за слики и празни зборови. Половина од нашите проекти може веднаш да се реализираат,“ додаде таа.
Во својот говор, Шукова повика на единство и одговорност:
„Бутел не смее да биде изолиран. Бутел е почетна точка на модерното Скопје место каде што се инвестира, се гради и се слуша секој граѓанин.“
Македонија
Претежно облачно со врнежи од дожд, повремено пообилни
Времето денеска ќе биде претежно облачно со повремени врнежи од дожд кои ќе бидат пообилни во западните делови, каде се очекува локално да наврнат и над 25 l/m²дожд. Ќе дува слаб до умерен ветер од југоисточен правец.
Минималната температура ќе биде во интервал од 7 до 12, а максималната ќе достигне од 11 до 15 степени.
Во Скопје, претежно облачно со повремени врнежи од дожд, повремено пообилни. Ќе дува слаб до умерен ветер од југоисточен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Во сабота времето ќе биде променливо облачно со повремени локални врнежи од дожд со послаб интензитет. Потоа следува претежно стабилно време со потпросечни температури за овој период од годината.
Македонија
Дел од Центар денеска без вода
Од ЈП Водовод и Канализација известуваат дека денеска поради изведување на водоводен приклучок Ф 80мм. на Јосиф Јосифовски-Свештарот 34 со прекинато водоснабдување ќе бидат корисниците од улицата Јосиф Јосифовски-Свештарот, дел од населбата Пролет, П.С.Пролет и Амбулантата на МВР.
Водоснабдувањето ќе биде прекинато од 09:00 часот до завршување на работните активности.
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
