Свет
Фондот за здравство ги испитува фалсификуваните боледувања
Фондот за здравствено осигурување покренал постапка за раскинување на
договорот со приватната ординација „Акус медикус“ поради сомневање дека биле
фалсификувани боледувањата на кардиологот Борче Петровски, велат одговорните во
Фондот.
СЕ ПОДГОТВУВА ЛИ НОВА КРИВИЧНА ПРИЈАВА
ЗА ПЕТРОВСКИ?
Фондот за здравствено осигурување покренал постапка за раскинување на
договорот со приватната ординација „Акус медикус“ поради сомневање дека биле
фалсификувани боледувањата на кардиологот Борче Петровски, велат одговорните во
Фондот. Записникот од извештајот што го направил Фондот вчера беше доставен и
до МВР, каде што ќе се испитува дали ќе има кривична пријава за фалсификување
документи од страна на Борче Петревски и „Акус медикус“. Контролата што ја
направил Фондот за здравство во приватната ординација покажал дека со коректор
биле сменети имињата на пациенти кои биле прегледани.
Според извештајот од контролата на Фондот за здравствено осигурување, на 26
март во амбулантскиот дневник на д-р Иван Соколов, кој во тоа време бил матичен
лекар на Петровски, во графите што претходно биле корегирани со бел коректор,
биле внесени името, презимето, матичниот број, дијагнозата и терапијата на
Борче Петровски, но тие не биле внесени во неговиот здравствен картон. И
следното боледување на Петровски издадено на 10 април се темели на лекарски
преглед заведен врз корекција со коректор во графите за име и презиме на
пациентот, но овојпат и од друг матичен лекар. Второто боледување на Петровски,
според записникот на Фондот, било издадено од лекар што не му бил матичен. Во
здравствениот картон на Петровски немало евидентирано резултати од ЕКГ-холтерот
и испитувањата на Пулмологија, кои биле заведени во амбулантскиот дневник.
Фондот веќе доставил примерок од извештајот до ординацијата „Акус медикус“ и
вчера очекуваа од нив повратна информација дали се сложуваат со направениот
увид. Истиот тој извештај вчера требаше да биде доставен до МВР, од каде што се
очекува да се покрене истрага за случајот. Адвокатот на Борче Петровски, Драган
Малиновски, вчера изјави дека не е запознаен со новиот случај што се води во
Фондот и во кој е замешан неговиот клиент. Во меѓувреме Управата на Клиничкиот
центар му даде отказно решение на Петровски поради непријавено отсуство од
работното место. Според директорот на Кардиологија, Сашко Кедев, Петровски не
се појавил на работа од 26 април. Петровски во моментов се наоѓа во
триесетдневен притвор поради обвинувањето за злоупотреба на службената должност
и тешки дела против здравјето на луѓето. Петровски се сомничи дека манипулирал
со тендерите за набавка на цитостатици. Тој доби и кривична пријава од сопругот
на пратеничката Силвана Бонева, бидејќи наводно не му ги вградил стентовите
заведени во медицинското досие. Според весникот „Лајм“, Петровски бил обвинет и
од семејствата на двајца пациенти што починале во клиниката „Интермед“ во
Ѓаковица, каде што тој работел. Испитувањата покажале дека имало пропусти во
лекувањето на тие пациенти.
А.Г.
За Димов
нема потерница
МВР, и покрај најавите, се уште нема распишано потерница за поранешниот
министер за здравство Владо Димов. Тој веќе неколку месеци се наоѓа во бегство
и не им е достапен на органите на прогонот. Како што дознаваме, Димов се наоѓа
во Истанбул, каде што работи во една елитна болница.
Против бившиот министер Димов беше поднесена кривична пријава за злоупотреба на
службената положба и овластување.
Според кривичната пријава, Димов во декември 2005 и во текот на 2006 година
издал согласност во струмичката болница да бидат вработени 17 лица на
неопределено време. Притоа тој се повикал на договор што наводно бил склучен
меѓу него и тогашниот министер за финансии Никола Поповски. Димов и
директорката на болницата се осомничени дека со незаконските вработувања го
оштетиле буџетот на РМ за над 2,5 милиони денари, пари што ги добивале новите
вработени за плати, пензиско и инвалидско осигурување и други придонеси.
Истовремено и Управата за јавни приходи поведе истрага за имотот на Димов и за
затајување данок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Судар меѓу автобус и воз во Словачка: има загинати и повредени, локомотивата се запалила по несреќата
Најмалку четири лица загинаа денеска, а пет се повредени во судир на автобус и воз на железнички премин кај градот Нова Замка, во реонот на Нитра, соопшти Оперативниот центар за итна медицинска помош.
🚨Another serious accident on the railway. This time in Slovakia, where an EC train from Budapest to Prague collided with a bus at a level crossing near Nové Zámky this afternoon.
Video source:
Facebook/katarina.molnarova.37 pic.twitter.com/hTdFhAVs6N— Czech Rail Guide (@CzechRailGuide) June 27, 2024
На местото на несреќата биле испратени пет возила на брза помош и два хеликоптери, јави „ТАСР“.
Според портпаролот на сопственикот на железничката инфраструктура ЖСР Владимир Бахилов, несреќата се случила нешто по 17:00 часот на железнички премин опремен со бариери и светлосна сигнализација.
Свет
Големо невреме во Словачка: поплавени улици, дрва паднаа врз куќи
Невремето и обилните врнежи предизвикаа хаос и голема материјална штета во Словачка во средата, објавија денеска словачките власти.
Окружната болница мораше да биде затворена поради поплави, многу патишта беа поплавени, а железничкиот сообраќај беше во прекин.
Дрва паднаа врз куќи, искршија градини и игралишта, јави тв станицата „ТА3“. На некои места за само неколку часа падна дожд како за еден месец.
Метеоролошката служба предупреди за денеска дека доаѓа ново невреме со обилни врнежи.
„Штетите на јавниот и приватниот имот се многу големи“, изјави градоначалникот на Нитра за агенцијата ТАСР. „Но, барем можам да кажам дека досега нема жртви и цврсто верувам дека така и ќе остане.
Пожарникарите најавија дека канализацијата во Нитра не може да се справи со големото количество дожд.
Поради ова поплавени биле улици, подруми и пониски делови од згради во градот и околните населени места.
Понатаму на југ, поплавите парализирале болница на околу 100 километри од Братислава. Пристапот до посетители и нови пациенти бил забранет и сите операции биле откажани.
Свет
Орбан: Европските гласачи беа измамени
Унгарскиот премиер Виктор Орбан денеска, по повод договорот на три политички групи во Европскиот парламент за распределба на водечките функции во ЕУ, што го нарече „срамно“, изјави дека европските гласачи биле измамени.
На социјалната мрежа Икс, Орбан ја обвини Европската народна партија (ЕПП) за формирање „коалиција на лаги со левицата и либералите“.
„Не го поддржуваме овој срамен договор!“, рече Орбан, во време кога во Брисел се одржува самитот на лидерите на ЕУ, на кој се очекува шефовите на држави и влади на ЕУ да донесат одлука за тоа кој ќе биде нов претседател на Европската комисија, кој ќе биде нов претседател на Европскиот совет и кој ќе биде новиот висок претставник на ЕУ за надворешни работи и безбедносна политика.
Претходно оваа недела, шест преговарачи од три политички групи во Европскиот парламент – ЕПП, социјалдемократите и либералите постигнаа договор да ја номинираат актуелната претседателка на Комисијата Урсула фон дер Лејен за втор мандат, поранешниот португалски премиер Антонио Кошта од редовите на социјалдемократите да биде претседател на Европскиот совет, додека естонската премиерка Каја Калас од редовите на либералите требаше да биде шеф на европската дипломатија.
Италијанската премиерка Џорџа Мелони, чија политичка група Европските конзервативци и реформисти станаа трета по големина во ЕП по европските избори и ги собори либералите од таа позиција, го осуди овој вид на договор меѓу политичките групи.
Мелони рече дека е „надреално“ што мислењето на европските гласачи не е земено предвид.