Регион
НАТО: Пристапните преговори со Црна Гора ќе започнат кон средината на февруари
Генералниот секретар на НАТО, Јенс Столтенберг изјави дека пристапните преговори со Црна Гора ќе започнат кон средината на февруари, пренесуваат црногорските медиуми.
„За време на 2015-та година донесовме уште една важна одлука која ќе ја унапреди стабилноста на западен Балкан. Формално ја поканивме Црна Гора да ги започне разговорите за да започне 29-та членка на НАТО. Пристапните преговори ќе започнат кон средината на февруари. Со ова им се праќа јасен сигнал на оние кои сакаат членство во НАТО дека вратите на Алијансата остануваат отворени“, рекол Столтенберг, пренесува РТЦГ.
Тој потсети дека во декември НАТО ја повика Црна Гора да ги започне преговорите за членство во Алијансата, потврдувајќи го напредокот кој земјата го направи, притоа демонстрирајќи желба и посветеност кон политиката на отворени врати на Алијансата.
„Со цел да се достигнат сите три основни цели на Алијансата – заедничката одбрана, решавањето на кризните ситуации и колективната безбедност – од големо значење е не само НАТО да ја има вистинската политика, способност и однос, туку и структурите кои ова го поддржуваат да функционираат и служат на потребата. За таа цел во 2015-та година НАТО продолжи да се прилагодува ко институција и да ги имплементира реформите во својот цивилен и воен сегмент на структурата, како би обезбедил модерна, ефикасна и одговорна институција“, додаде Столтенберг.
Генералниот секретар на Алијансата потенцирал дека од формирањето на НАТО во 1949-та година, организацијата се зголемила од 12 на 28 членки, и тоа во шест рунди на проширување. Столтенберг исто така истакнал дека 2015-та година покажала дека „нестабилноста во странството директно влијае на безбедноста дома, но исто така покажува и дека Алијансата реагира на ова“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Злосторство во Тузла: мајка со чекан си ја убила ќерката, оставила две проштални писма
Незаборавно злосторство се случи во Босна и Херцеговина, пренесуваат локалните медиуми.
64-годишен маж, утринава, околу 1.15 часот во полициската станица ПС Центар пријавил дека во семејниот дом во Тузла го пронашол безживотното тело на 31-годишната ќерка.
Полицијата излегла на самото место и ги потврдила наводите од пријавата за што веднаш било известено Кантоналното обвинителство на Тузланскиот кантон, извести МУП ТК, пренесе „Аваз“.
„Во текот на истрагата е констатирано дека жената имала повреда во задниот дел на главата. Денеска ќе биде наредена обдукција за да се утврди точната причина за смртта“, изјави Адмир Арнаутовиќ, портпарол на Обвинителството ТК.
Според последните информации, како што пренесуваат тамошните медиуми, станува збор за кривично дело, кое, според првите индиции, најверојатно, го извршила мајката на 31-годишна девојка. На самото место истражителите пронашле две проштални писма, како и предметот со кој, сметаат истражителите, е извршено делото. Очигледно се работи за чекан.
Девојката која е убиена наводно била тешко болна.
Регион
(Видео) „Целата беше помодрена од студот“: мајка и ќерка ја опишуваат борбата за живот во поплавите во БиХ
Лејла Залихиќ, жителка на Бутуровиќ Поле, е една од оние што ги преживеаја драматичните поплави во Босна и Херцеговина. Приказната за борбата за нејзиниот и животот на ќерка ѝ Асја ја замрзнува крвта во вените, пренесува„Ал џезира“.
Луѓето се спасуваа како што се снаоѓаа. Некој беше качен на покривот на куќата, некој на куполата на џамијата. За тоа најдобро сведочат приказните на самите локални жители, кои не може да се споредат ниту со најстрашните сценарија на холивудските филмови кога се во прашање природните катастрофи, анализира медиумот.
Borba majke i trinaestogodišnje kćerke u Buturović Polju je herojska. Majka i 13-godišnja kćerka govore o svojoj borbi za život.. pic.twitter.com/aBpfkgZQ1H
— Al Jazeera Balkans (@AJBalkans) October 6, 2024
Според написите, Лејла Залихиќ е мајка херој, која скокнала од третиот кат од својата куќа, испливала три километри во пороите и ја спасила својата 13-годишна ќерка за време на катастрофалните поплави што го зафатија Бутуровиќ Поле.
Лејла, ќерка ѝ, сопругот и свекрвата ноќта на катастрофалните поплави завршиле во поплавата, а нивната куќа била уништена.
По страшниот настан, Лејла и ќерка ѝ раскажале што им се случило.
„Мене ме однесе водата. Се вртев во круг и така зедов воздух“, се присетува Лејла.
„Слушнав како некој вика, викаше за помош и го викаше моето име. Мислев – нема кој друг да биде, освен мајка ми или баба ми“, раскажува ќерката на Лејла, Асја, а Лејла додава:
„Јас велам: „Асја, ти си тоа? Таа вели: „Јас сум“. Потоа добив сила, се нурнав меѓу дрвјата. Ме удри во главата, но некако стигнав до неа, цела беше помодрена од студот“.
Ќерката на Лејла, Асја, се присетува како успеала да остане на површината.
„Ставив малку дрва под мене за да не морам да пливам, туку да се одржувам на површината на водата. Во меѓувреме се раздени, па можев да гледам. Потоа поминавме низ шумата. Дождот удри уште посилно, беше студено, беше страшно“, опишува таа.
Регион
Во поплавите во Босна загина поранешен фудбалер, го пронашле гушнат со сопругата
Меѓу жртвите во поплавите во Босна и Херцеговина е и еден поранешен фудбалер – Јасмин Чилиќ, кој до пред извесно време настапувал за нисколигашот „Клис“ од Бутуровиќ Поле.
Неговото безживотно тело било пронајдено во прегратка со сопругата, која исто така го загубила животот.
„ФК ‘Клис’ изразува сочувство до семејствата, пријателите и познајниците на сите жртви. Во Бутуровиќ Поле меѓу жртвите и исчезнатите има наши долгогодишни навивачи, а поплавата во Јабланица му стави крај на животот на поранешниот фудбалер на ФК ‘Клис’, Јасмин Чилиќ“, се вели во објавата на овој босански клуб.
Најмалку 20 лица загинаа во поплавите што деновиве ја погодија БиХ. Најпогодени беа Јабланица, Коњиќ, Кисељак, Крешево и Фојница, а беа прогласени денови на жалост и сите спортски настани во земјата минатиот викенд беа одложени.