Македонија
Австралија: македонски организации ја осудија Тирана заради пописот
Австралиско – македонскиот комитет за човекови права (АМХРЦ) и Македонското меѓународно движење за човекови права (МХРМИ) го осудуваат малтретирањето на македонското малцинство во Албанија за време не пописот, кое што беше спонзорирано од државата, се вели во соопштението на овие две организации.
Австралиско – македонскиот комитет за човекови права (АМХРЦ) и Македонското меѓународно движење за човекови права (МХРМИ) го осудуваат малтретирањето на македонското малцинство во Албанија за време не пописот, кое што беше спонзорирано од државата, се вели во соопштението на овие две организации.
Во регионот на Голо Брдо во Албанија, се вели во соопштението, инструкторите на пописните комисии отворено изјавувале дека македонскиот јазик ќе биде исклучен како можен одговор на прашањето за јазикот кој се говори дома. Ова подоцна се потврдило и на терен, кога и други извори потврдија дека попишувачите ги прескокнувале прашањата 38 и 39, кои се однесуваат на мајчиниот јазик и на етничката припадност.
„Се чувствуваме како загрозен вид, едноставно не избришаа“, се цитираат во соопштението зборовите на Едмонд Османи, потпретседател на Македонската алијанса за европска интеграција (МАЕИ), партија на Македонците во Албанија.
Иако официјално негира, албанската држава спроведува ригидна зонска политика за МАЛЦИНСТВАТА.
„Ако имате зона на малцинство, како што е преспанскиот регион, вие автоматски го губите статусот на Македонец и станувате Албанец“, вели Васил Стерјо од МАЕИ.
Од друга страна, потсетуваат овие две организации во своето соопштение, албанското малцинство во Македонија незаконски го зголемија бројот на припадниците на ова малцинство во земјата, за да биде над 20 проценти од вкупното население и за да можат Албанците да си го задржат привилегираниот статус меѓу македонските малцинства. Теренските извештаи кои ги добиле овие две организации посочуваат дека во република Македонија се одвиваат два пописа: еден во западните делови на земјата, каде што живеат Албанците и другиот во остатокот од државата. Во западна Македонија се применувале методи за идентификација кои се во целосна спротивност на меѓународните регулативи од оваа област.
АМХРЦ и МХРМИ ја осудуваат албанската влада поради нејзиното одбивање да ја промени својата политика кон малцинствата и одбивањето да ја разгледа заедничката декларација потпишана од сите малцинства во Албанија.
„Ние ги повикуваме ЕУ, ОБСЕ и другите релевантни институции да ја потврдат неправилноста на пописот во Албанија и огромните нерегуларности во Македонија и да преземат чекори кои ќе овозможат правилна имплементација на пописот“, се вели во соопштението на овие две македонски организации од Австралија.
АМХРЦ е невладина организација основана во 1984 година, чија цел е да ги информира и да се залага пред меѓународните институции, владите и другите организации за се во врска со борбата против расизмот и промовирањето на човековите права. Нивна основна цел е да помогнат македонските заедници, но и другите исклучени социјални групи ширум светот да бидат признаени, почитувани и да добиваат пригоден третман.
МХРМИ е организација која од 1986 година години е активна во областа на заштита на човековите и националните права на Македонците, но и на другите експлоатирани народи и етнички групи. /крај/со/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лимко Бејзароски – нов претседател на Комисијата за спречување и заштита од дискриминација
Комисијата за спречување и заштита од дискриминација објави дека по принципот на ротирање на претседателското место, на 18-тата седница, одржана вчера, членовите го избраа Лимко Бејзароски за нов претседател на КСЗД.
За заменик претседател на Комисијата назначена е членката Флора Кадриу.
Досегашен претседател на КСЗД беше Игор Јадровски.
Македонија
Македонското МНР го осуди иранскиот ракетен напад, граѓаните да не патуваат во Израел, Иран и Либан
Министерството за надворешни работи и надворешна трговија го осудува синоќешниот ирански ракетен напад врз Израел, како и терористичкиот напад во Тел Авив, при што беа убиени шест цивили.
Амбасадата во Тел Авив веќе стапи во контакт со надлежните институции на Израел, со цел потврда дека меѓу жртвите и повредените нема државјани на нашата земја.
Имајќи ја предвид влошената безбедносна состојба на Блискиот Исток, Министерството за надворешни работи и надворешна трговија, апелира до македонските граѓани да ги одложат патувањата кон Израел, Иран и Либан, додека државјаните кои се наоѓаат на територијата на овие држави да ги следат упатствата на локалните власти и движењето да го сведат на минимум.
„Потсетуваме на СОС дежурните телефони на Министерството +389 75 273 732 и +389 75 268 736, како и дежурниот телефон на Амбасадата во Тел Авив +972-54-926-7378, која е целосно екипирана и ставена на располагање за нашите граѓани“, велат од МНР.
Министерството за надворешни работи и надворешна трговија ќе продолжи да ги следи состојбите во Либан, Израел, Иран и регионот и навремено да ги информира нашите државјани за евентуални насоки за постапување.
Македонија
Обвинение за несовесно работење против градоначалникот на Струга, Рамиз Мерко
Основното јавно обвинителство Струга поднесе Обвинителен предлог против службено лице – градоначалник на Општина Струга за кривично дело – Несовесно работење во службата од член 353-в став 1 од Кривичниот законик.
Обвинетиот свесно ги повредил законските прописи при именување вршител на должност – директор на општинско основно училиште во селото Радолишта. Иако Законот за основно образование предвидува дека вршител на должноста директор се избира од редот на вработените во училиштето кои ги исполнуваат условите за директор, обвинетиот на 12.01.2022 година за вршител на функцијата во училиштето во Радолишта именувал лице кое не ги исполнувало таквите услови, односно немало работно искуство од најмалку пет години во воспитно-образовна работа.
Именуваната ја вршела функцијата директор на училиштето во периодот од 12.01.2022 до 31.07.2023 година, за кој период и биле исплатени плата и придонеси како в.д. директор со што му била нанесена штета на училиштето, соопшти Обвинителството.