Свет
Мутираше вирусот Х1Н1
![](https://makfax.com.mk/wp-content/uploads/2016/11/e124e760-3feb-48fc-b72b-56be246cad8b.jpeg)
Вирусот Х1Н1 или попознат како свински грип веќе мутирал, потврдија бразилски научници, кои во Сао Паоло изолирале пациент заразен со мутираниот
Вирусот Х1Н1 или попознат како свински грип веќе мутирал, потврдија бразилски научници, кои во Сао Паоло изолирале пациент заразен со мутираниот вирус.
Новиот мутиран вирус е наречен А/Сао Паоло/1454/Х1Н1, а името му го дале бактериолози од Институтот Адолфо Лутз, откако го споредиле со оригиналниот примерок на вирусот на свинскиот грип од Калифорнија и ги забележале промените.
Научникот Терезина Мариа де Павиа открила дека мутацијата се случила во протениот хемоглобин.
Сè уште не е познато дали новата мутација е посмртоносна од оригиналниот вирус А/Х1Н1, поради кој што Светската здравствена организација минатата недела прогласи глобална пандемија.
Се поставува прашањето дали вирусот на свинскиот грип може да мутира како оној на Шпанскиот грип во 1918 година, кога од него починале неколку милиони луѓе.
Најновите податоци говорат дека досега со свинскиот грип се заразени најмалку 30 илјади луѓе во 74 земји ширум светот, при што се регистрирани 150 смртни случаи./крај/дн.хр/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.