Македонија
??????? ?? ??????? ??????? ????????????????? ?? ?????????
Судскиот совет во средата треба да одржи седница на која ќе бира повеќе од дваесет судии за судовите низ државата. Ќе се бира еден судија за Врховен суд и петмина за Апелација
Советот треба да констатира и дека на неколкумина судии им завршува кариерата и тоа на дел заради пензионирање, но и заради нестручно работење. Според бројот на поднесени кандидатури најголем интерес има за Апелациониот суд во Скопје. За овој суд кандидатури поднеле најмногу судии од основен суд 1 од кои неколкумина од одделот за организиран криминал. Ним не им е првпат да конкурираат, но до сега ниту биле предложени од некој од членовите ниту се гласало за нив. Судиите ја поминаа и најновата анонимна анкета кога беа оценувани од вработените за нивната способност ажурност и човечки интегритет на работното место и надвор од судот. Исто така Советот е и пред предизвик да избере 15 судии за новиот Виш управен суд за кој исто така има голем интерес, но не само од судии туку адвокати и други правници од УЈП или други државни институции. Но нивниот избор го проблематизира Уставниот суд кој интервенираше во дел од правилата за избор на судии за овој суд. Според уставен за Виш суд може да конкурираат само судии од Управниот суд но не и надворешни правници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.