Регион
Унгарија ја затвори границата, Хрватска ги насочи бегалците кон Словенија
Унгарија од полноќ кон саботата ја затвори својата граница со Хрватска за бегалците и имигрантите од Блискиот исток, додека официјален Загреб најави дека овие лица чија цел е во прв ред Германија, ќе ги пренасочи кон Словенија.
Унгарската полиција објави дека по полноќ ги затворила границите само за имигрантите кои немаат соодветни документи, додека редовниот сообраќај преку легалните гранични премини ќе се одвива без пречки.
Министерот за надворешни работи Петер Сијарто изјави дека очекува унгарското затворање на границата кон Хрватска на минимум да го намали бројот на илегалните имигранти, како што тоа се случи при затворањето на границата кон Србија која е затворена пред еден месец и на која од унгарската страна е подигната четири метри висока заштитна ограда. Додаде дека се надева оти тоа ќе го намали и миграцискиот притисок кон Австрија и Германија, како и дека Австрија нема да мора да ја затвори својата граница кон Унгарија.
„Зелената граница е затворена, уште можете легално да ја минете границата и да барате азил“, рекол за AFP портпаролот на унгарската влада Золтан Ковач.
Во саботата, малку пред еден часот по полноќ, унгарските војници ја развлекле бодликавата жица преку неформалниот граничен премин од Хрватска во Унгарија кај местото Борово и го затвориле откако го минале и последните бегалци кои изминатата ноќ пристигнале со воз од Товарник. На тоа место се стационирани и припадници на унгарската војска од кои некои се под целосна воена опрема, пренесува агенцијата Hina.
Бидејќи илјадници бегалци секојдневно влегуваат од Србија во Хрватска, хрватскиот министер за внатрешни работи Ранко Остојиќ изјави дека Загреб преминува на „Планот ц, имајќи предвид дека Унгарија ги затворила границите, како и дека „коридорот се свртува кон Словенија“.
„Имајќи ги предвид информациите за затворањето на унгарската граница, односно затворањето на прифаќањето на луѓето кои беа транзитирани кон Унгарија, коридорот го свртуваме кон Словени“, изјави Остојиќ додавајќи дека со тоа Хрватска преминува на „Планот Ц“. Како што изјави за тамошните медиуми, со словенечката страна нема договор за „Планот Ц“, но додаде дека „сé додека Германија и Австрија ги примаат имигрантите, Словенците ќе го почитуваат приемот на луѓето кои ќе бидат затекнати во Хрватска и кои одат кон Шенген“.
Потсети дека Словенија претходно изразуваше подготвеност дека може во транзит да прими до 8.000 луѓе, што е повеќе отколку што ги примаше Хрватска.
Речиси 180.000 бегалци влегле во Хрватска во последните триесет дена, и речиси сите се префрлени кон Унгарија, од каде што го продолжуваат својот пат кон западна Европа, додека само минимален број дошле на хрватската граница со Словенија.
Словенечката влада треба во сабота да ги објави поединостите од оперативните договори со Хрватска за транзитот на дел од имигрантите и бегалците преку територијата на Словенија. Министерката за внатрешни работи, Весна Ѓеркеш Жнидар во петикот не сакаше да проценува колку имигранти дневно ќе минуваат кон Австрија и Германија, но истакна дека Словенија новата ситуација ќе ја дочека подготвена.
Словенечката ткн зелена граница со Хрватска од петокот е засилена со дополнителни полициски сили, а логистичка поддршка испраќа и војската. Љубљанскиот дневен весник Dnevnik наведува дека во транзитот на бегалците од границата со Хрватска кон Австрија ќе бидат ангажирани и Словенечки железници кои од изминатата ноќ го сопреа сообраќајот на возовите кон Хрватска, за да не дојде до неконтролирано доаѓање на имигрантите преку железничкиот сообраќај.
По веќе од 400.000 имигранти и бегалци годинава влегоа во Грција, надевајќи се дека ќе добијат азил во Германија или некоја од другите богати членки на Европската унија. Речиси никој од нив не бараше азил во транзитните земји, како Македонија, Србија, Унгарија, Хрватска и Словенија, кои сега се загрижени дека Германија може да ги затвори своите граници, и со приближување на зимата, да предизвика огромна бегалска криза во југоисточна Европа.
Германската канцеларка Ангела Меркел се наоѓа под голем притисока на своите конзервативци да донесе мерки со коишто ќе го запре или ограничи доаѓањето на новите бегалци во земјата, додека Германија се бори да се справи со рекордниот прилив од повеќе од 800.000 имигранти досега оваа година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.