Регион
Унгарската војска започна со подигнувањето на ограда долж границата со Србија
Унгарската војска во понеделникот утрото започнала да ја подигнува оградата долж границата со Србија, со цел да се спрели приливот на нелегалните мигранти, јавува агенцијата АР.
Првите работи се изведуваат кај градот Морахалом, каде војската со булдожери го подготвува теренот за оградата висока четири метри. Како што пренесуваат унгарските медиуми, оградата најпрво ќе биде изгррадена на „осум до десет гранични места, кои трпат најголем притисок од имигрантите“.
Според истражувањето на организацијата „Публикус интезет“ пак, повеќето Унгарци не сметаат дека со подигтнувањето на контроверзната ограда ќе се реши имигрантската криза. Истражувањето покажало дека унгарското општество е поделено на оние кои ја одбиваат имиграцијата и на оние кои мислат дека во овој момент најважна е солидарноста.
Како резултат на владината кампања, 44 проценти од испитаниците сметаат дека имиграцијата е проблем за Унгарија, што е значаен раст во однос на 23 проценти во мај минатата година. Помал е пак бројот на оние кои имиграцијата ја гледаат како клучен проблем – сега има 42 отсто, во однос на 57 отсто минатата година.
Како што се наведува, кампањата влијаела на гласачите на владеачката партија Фидеш и радикалното десничарско движење Јобик.
„Меѓутоа, иако се повеќе луѓе ја препознаваат имиграцијата како проблем, 67 отсто изјавиле дека не се согласуваат изградбата на ѕид на границата со Србија, 46 проценти пак рекле дека тоа решение не е адекватно, додека 21 процент сметаат решението воглавно е неадекватно. Само четири отсто сметаат дека решението во целост е добро, а преостанатите 19 отсто смтаат дека тоа повеќе е добро, отколку лошо“, наведува сајтот „Унгарија денес“.
Како што беше најавено во јуни, Унгарија поради приливот на имигранти, долж границата со Србија ќе изгради ограда висока четири метри и долга 175 километри./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.