Македонија
Остра преписка меѓу ВМРО-ДПМНЕ и СДСМ
Остра писмена преписка разменија денеска генералниот секретар на ВМРО-ДПМНЕ Мартин Протоѓер и секретарот на СДСМ Андреј Петров.
Остра писмена преписка разменија денеска генералниот секретар на ВМРО-ДПМНЕ Мартин Протоѓер и секретарот на СДСМ Андреј Петров.
Најпрво во отвореното писмо што Протоѓер го испрати до лидерот на опозициската СДСМ Бранко Црвенковски, ги наведе негативните работи во времето на владеењето на Црвенковски.
„Мислевме дека тоа време е завршена приказна, лош филм кој заврши, кошмар од кој се разбудивме. Го гледам сега повторно Бранко Црвенковски како оди по шталите кои ги опустоши, кај војниците кои ги нарекуваше животинско царство, кај стечајците кои ги создаде“, се вели во писмото.
Протоѓер му порача на Црвенковски дека ќе биде поразен на изборите, без оглед кога и да се одржат и дека неговото време изминало.
По ова следеше жесток одговор од страна на Андреј Петров, секретар во СДСМ.
„Избирате како и секогаш една “жртва“ која во името на сите, кукавички со писмо полно со гадости ќе се обиде да го одбрани-неодбранливото. Тоа е секогаш оној тажен лик, кој никогаш во овие четири години не собра храброст да изјави нешто во камерите, но заради тоа што е здраво “зацапан“ во портокаловата изродба на фамилијата и заради младоста, очигледно е најлесен на потпис“ се вели во писмото.
Со контраобвинувања, Петров пишува дека граѓаните нема да го заборават ниту економскиот пустош што за време на своето владеење го направи ВМРО-ДПМНЕ, потенцирајќи ги приватизациите на ОКТА и Телеком. /крај/со/фф/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стојаноска: Со платформата 1198 ќе имаме широк дијалог со синдикатите, жестока борба со корупцијата и економска трансформација
Денес унијата на жени на ВМРО-ДПМНЕ од Брвеница во дворот на црвата Св. Никола во Челопек организираше одличен настан во кој учество имаа земено и млади девојки во поречка носија оттука го честитаме први мај меѓународниот ден на трудот и се обврзуваме како идна влада со програмата платформа 1198 дека ќе имаме широк дијалог со синдикатите, дека ќе направиме економска трансформација од која ќе бидат задоволни сите граѓани на Република Македонија, рече Дафина Стојаноска, носител во изборната единица шест.
„Ветуваме жестока борба со корупцијата и секако конечно завладејување на правото. Македонија мора повторно да биде твоја и повторно да биде горда“, вели Стојаноска.
Македонија
Минимална плата од 450 евра во првите 100 дена од новата влада, побараа синдикалците
Синдикалците бараат минимална плата во износ од најмалку 450 евра, исплата на трошоците за храна во висина од 20 проценти од просечната плата и исплата на трошоците за превоз.
Тие порачаа дека после 8 мај, кој и да дојде во владата, треба да ги исполни нивните барања во првите 100 дена.
„Бараме најниската плата да биде иста како таа во регионот односно минимум 450 евра. Исто така, бараме враќање на загубеното право во 2009 година, додаток за храна и превоз“, рекоа од Синдикатот на работниците.
Оттаму порачаа дека бараат достоинствени плати за да не мора, како што рекоа, својата егзистенција да ја бараат во Хрватска, Црна Гора или други земји.
Синдикатите побараа и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука да им биде одземен Работничкиот дом, појаснувајќи дека со тоа се направени обиди за притисок врз синдикатите.
Македонија
Мојсоска: На бугарофилите им кажавме дека местото не им е тука
На митингот во Охрид се обрати и Јована Мојсоска, носител на листа на ИЕ 5 која истакна дека влезот на двајцата пратеници во Собранието покажал како треба да се води вистинска левичарска опција, за разлика од т.н. социјалдемократи кои изминатиот мандат ги распродале сите АСНОМ-ски идеали.
,,Мене ми е малце дегутантно кога слушам дека некој ќе го праќал ДУИ во опозиција. Тие имаа можност да ги пратат ДУИ во опозиција тука во советите, но сите бевме сведоци како се продаваше Мауцер и како локалниот шериф Нефи Усеини гради дивоградби, а градоначалникот молчи. Дури и ја сруши плочата на АСНОМ за која градоначалникот, исто, мудро молчи. Со Левица на власт ќе ја срушиме дивоградбата на Нефи и ќе ја вратиме плочата на АСНОМ”, истакна Мојсоска.
Мојсоска истакна и тоа дека Левица како единствена работничка партија е противтежа на анационалната олигархија која беше креирана во 90 – тите.
,,Нашата борба во Собранието е единствената причина зошто денес немаме Бугари во устав. Да не беше Левица, ние ќе гледавме фашистички клубови во секој град во државата. Ние ниту сме во спрега со моќниците кои се поврзани со секоја власт, ниту сме уценети и затоа нашите политички непријатели знаат дека со нас не се преговара за непринципиелни работи“, истакна Мојсоска.
Додека ја обвинуваат Левица дека е во коалиција со СДС и ДУИ, само против Талат Џафери Левица има поднесено девет тужби кои, како што истакна Мојсоска, се чуваат во фиока.
,,Само ќе спомнам против кои звучни имиња Левица поднела кривична пријава: Шкодране Дардишта, Бенито Јошевски, Артан Груби, Сали Мурати, Оливер Спасовски, Беким Максути и многу други. И Левица ќе биде факторот против бугаризацијата на Уставот додека одродените социјал-демократи ќе завршат на буништето на историјата”, рече Мојсоска.
,,Иако имаше обид од страна на бугарски структури да го воскреснат неофашизмот кај нас со отворање на клубови со фашистички наративи, ние не паднавме во духот. Напротив кога ги отвораа клубовите ,Ванчо Михајлов’ и ,Цар Борис’ се собравме и на бугарофилите им кажавме дека местото не им е тука. Особено, не по диктат на буржоазијата која купува национален идентитет и историја за ситни пари кои носат крупни гревови. Секогаш сме биле на вистинската страна, секогаш со нашето присуство, каде и да се појавиме, часовите им се избројани”, рече Горан Велевски, кандидат за пратеник во ИЕ5.