Македонија
Македонија мора да создава активно европско граѓанство
Вклучување на македонските граѓани во евроинтеграциските процеси, создавање активно граѓанство, охрабрување на општините да соработуваат со европските градови, да разменуваат искуства и да аплицираат со проекти до европските фондови
Ова се заклучоците од денешната конференција „Поттикнување на активно европско граѓанство на Балканот: Градење на Европа преку збратимување на градови и мрежа на граѓанско општество“.Конференцијата е дел од проектот „Европа за граѓаните“, предвидена за 2007-2013 година. Организатори на конференцијата се Асоцијацијата на агенциите за локална демократија (АЛДА) од Стразбур, во соработка со Град Скопје и Европскиот граѓански форум.Патрик Паке од Мисијата на Европската унија во Македонија рече дека државата е пред чекор да земе учество во ЕУ, а укинувањето на визите, како што рече, ја олеснува иднината на македонските граѓани.Тој додаде дека децентрализацијата е една од клучните работи во евроинтеграциските процеси и оти е потребноохрабрување на македонските општини да соработуваат и да се збратимат со европските градови.Давид Лопез, член на Европскиот граѓански форум, истакна дека е важно да се промовира активно граѓанство на Балканот бидејќи, како што рече, за нив врската со Балканот е од суштинско значење. Лопез изрази надеж дека Европа ќе се гради со волјата на граѓаните и со нивната ангажираност.Камиј Ганглоф, проект-менаџер од АЛДА, информираше дека во јуни во Албанија реализирале обука, каде учествувале и претставници од општините Битола, Чашка и Тетово. На обуката се дискутирало за апликациите и потребните документи за воспоставување соработка и збратимување меѓу градовите.„Сега сме на располагањае на градовите од Македонија, Албанија и Хрватска кои сакаат да покренат проекти во Европа“, рече Ганглоф.Таа додаде дека соработуваат со општините Аеродром, Велес, Прилеп, Битола, кои бараат партнери во Франција, преку програмата за децентрализирана соработка помеѓу регионот Долна Нормандија и Македонија.Проектот е отворен за целиот регион на Балканот, како што рече Ганглоф, но се изненадени од заинтересираноста на македонските општини и затоа конференцијата се реализира во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Градот Скопје организира вонредно чистење на Шуто Оризари: „Курто Дудуш си направил приватна депонија“
Градот Скопје од вечерва организира вонредна акција за чистење и дезинфекција на општина Шуто Оризари.
Oд тука појаснуваат дека акцијата е со цел спречување на ширење на зарази и загрозување на животната средина на жителите на општината, а Градот за состојбата го обвинува градоначалникот Курто Дудуш.
„Екоцидот кој во моментов се случува во општина Шуто Оризари е резултат на криминогеното и неодговорно однесување на градоначалникот Курто Дудуш. Имено, Дудуш си поставил свои приватни контејнери на општинските улици, а на граѓаните им наплаќа за чистење на отпад на парагон блокче за што се располага со соодветни докази. Потоа, иако знаел дека е незаконски, отпадот го складирал на свој имот односно приватна парцела во негова лична сопственост со која си склучил договор и ја дал под закуп на општината. Отпадот кој го собирал спротивно на закон и си наплаќал за истото, потоа наместо да го одложи во единствената акредитирана депонија “Дрисла” тој со истиот си направил приватна депонија. За ова веќе се утврдени соодветни противзаконски дела, составени се записници и поднесена е пријава“, велат од Град Скопје.
До надлежните органи апелираат итно да ги преземат сите соодветни мерки за санкционирање на Курто Дудуш, а градот Скопје стои на располагање за дополнителни појаснувања и достава на сите докази со кои располага за утврдениор екоцид во режија на Дудуш.
Македонија
Собранието ја отфрли интерпелацијата за Меџити
Со три гласа „за“, 64 против и без воздржани, Собранието ја отфрли интерпелацијата за првиот вицепремиер и министер за животна средина и просторно планирање Изет Меџити.
Интерпелацијата беше поднесена од Европскиот фронт поради, како што беше посочено, неговата неспособност да управува со ситуации кои придонеле за влошување на меѓуетничките односи.
Меџити, пак, рече интерпелацијата не поврзана со албанскиот јазик или балансерот, туку со желбата на ДУИ да се врати на власт, и и’ порача дека треба да се реформира.
Интерпелации се поднесени и за вицепремиерот Иван Стоилковиќ, министерот за внатрешни работи Панче Тошковски и неговиот заменик, Астрит Исени.
Македонија
Даути не е разрешена, интерпелацијата нема правно обврзувачки последици, велат од Кабинетот на Гаши
Кабинетот на претседателот на Собранието преку соопштение нагласува дека гласањето за интерпелацијата нема правно обврзувачки последици за разрешување и нема правно дејство. Ова се случува откако попладнево со 61 глас „за“ беше прифатена интерпелацијата за работата на претседателката на Комисијата за социјална политика, демографија и млади Илире Даути oд ДУИ.
„Собранието на Република Северна Македонија денеска одржа пленарна седница на која се разгледуваше интерпелацијата за работата на пратеничката Илире Даути, претседател на Комисијата за социјална политика, демографија и млади. Седницата се одржа во потполна согласност со Уставот на Република Северна Македонија, Деловникот на Собранието и постоечките закони. Изјавите на одредени медиуми кои велат дека резултатот од гласањето за интерпелација наложува разрешување на г-ѓа Даути се неточни. Нагласуваме дека гласањето за интерпелацијата е израз на пратениците и нема правно обврзувачки последици за разрешување и нема правно дејство. Именувањата и разрешувањата се уредуваат со други посебни процедури утврдени во Деловникот на Собранието, законите и Уставот“, се вели во соопштението.
Со 61 глас од ВМРО-ДПМНЕ, Левица и ЗНАМ, Собранието ја изгласа интерпелацијата за Илире Даути од ДУИ. Taa не го почитувала Собранискиот деловник со тоа што не го ставила Законот за правата на бранителите на комисиска расправа и ги лишила пратениците од дебата за него.
И пратеникот на коалицијата ВЛЕН, Халил Снопче на пленарната седница во Собранието изјави дека Илире Даути не е разрешена, па и понатаму останува претседател на Комисијата за социјални работи и демографија и млади.
„Госпоѓата Илире Даути не е разрешена од функцијата претседател на Комисијата. Значи, мораме да го расчистиме ова прашање бидејќи имаше дезинформации во медиумите на албански јазик, бидејќи Илире Даути ќе продолжи да ја врши истата позиција. Затоа, она што беше протечено во медиумите е невистинито. Исто така, коалицијата ВЛЕН гласаше против разрешувањето на Даути“, рече пратеникот Халил Снопче.