Македонија
Комисијата утврди дека Ивановски сепак бил кодош
Претседателот на Уставниот суд, Трендафил Ивановски соработувал со службите на безбедност, утврди на денешната седница Комисијата за верификација на фактите, по три дена од неговото јавно соочување со членовите на Комисијата.
Претседателот на Уставниот суд, Трендафил Ивановски соработувал со службите на безбедност, утврди на денешната седница Комисијата за верификација на фактите, по три дена од неговото јавно соочување со членовите на Комисијата.
„Донесовме решение дека ние и понатаму остануваме на нашиот заклучок дека подносителот на изјавата не ги исполнува условите за вршење на јавна функција и во текот на денешниот ден ќе му го доставиме решението на носителот на јавната функција“, изјави Томе Аџиев, претседател на Комисијата за верификација на фактите.
Одлуката била донесена едногласно, а од Комисијата не гледаат ништо спорно во нивното гласање.
„Ние никогаш не се надгласуваме. Комисијата одлучува на седници со мнозинство гласови, тоа е законска формулација и ние ја почитуваме. Секогаш одлучуваме со мнозинство гласови. Должни сме да ги почитуваме гласовите на сите членови на комисијата“ изјави Аџиев.
Изјавата која јавно ја даде Ивановски, од Комисијата не биле должни да ја земат во предвид, тие одлучувале врз основа на документите и податоците кои им биле доставени од органите.
За нив изјавата на Ивановски не е фарса, бидејќи немало законски основ тие да го менуваат заклучокот по неговата дадена изјава.
Неговото излагање, Ивановски може да го искористи пред Управниот суд, за што има право на жалба во рок од осум дена.
Во однос на пратениците, од Комисијата велат дека не се утврдени сите нивни изјави, се уште се утврдуваат изјавите на новите пратеници, за останатите било утврдено дека не соработувале со тајните служби.
Членовите не чувствуваат никаков политички притисок и сметат дека Комисијата не го изгубила кредибилитетот и покрај се позачестените отворени писма меѓу политичарите.
„Тоа воопшто нас не не интересира, си пишуваат писма политичарите, тоа нас воопшто не не задира“ додава Аџиев.
Во понеделникот Ивановски пред членовите на Комисијата, јавно ги изнесе своите факти и посочи дека е жртва на политичка хајка. Од Уставниот суд за утре најавија прес – конференција на претседателот на судот./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кацарска: Судот ја покажува хуманата страна, над 30 вработени денес даруваат крв по повод 60 години Уставен суд
Со дарување крв вработените во Уставниот суд слават 60 години постоење на судската установа. Претседателката на Уставниот суд Добрила Кацарска вели дека крводарителската акција е само една од акциите кои ќе ги спроведат за одбележувањето на јубилејот.
„Уставниот суд на Република Северна Македонија оваа година слави значаен јубилеј. Тоа е 60 години од постоење на судот. Веќе беше најавено дека во текот на целата година во Судот ќе се преземаат најразлични активности токму заради одбележување на овој значаен јубилеј. Самите вработени дадоа идеја една од акциите кои ќе се спроведуваат во Судот да биде и крводарителската акција, што значи Судот ја покажува и онаа хумана страна. Повеќе од половина од вработените се пријавија за давање крв, што значи од вкупно 60 вработени повеќе од 30 денес се согласни да дадат крв“, рече претседателката Кацарска.
Крводарителската акција е под мотото „Биди хуман спаси живот“, а ја реализира Црвениот крст на Македонија.
Македонија
Арсовска во увид на изградбата на подземната инфраструктура на новиот булевар Хрватска
Град Скопје продолжува со реализација на првата фаза на големиот проект за изградба на подземната инфраструктура на новиот булевар Хрватска, која опфаќа и нова водоводна мрежа која произлегува од градската програма за работа.
Градоначалничката на Град Скопје, Данела Арсовска, заедно со екипи од ЈП Водовод и канализација Скопје и Секторот за планирање и уредување при Град Скопје, денес извршија увид во реализацијата на овој капитален инфраструктурен проект.
Во оваа фаза од изградбата на водоводната мрежа која се движи на трасата по новопроектираниот булевар Хрватска и заради формирање на прстенеста циркулациона мрежа и создавање на подобри хидраулички услови во градската водоводна мрежа предвидено е поврзување на двата магистрални доводи на вода Рашче со профил од Ф1600 и постоечкиот цевковод со профил од Ф700 на булевар Александар Mакедонски.
Со почеток на реализација на предвидениот магистрален цевковод со профил од Ф700 милиметри, по новопредвиден булевар Хрватска во првата фаза, започнати се градежните активности на поврзување на булевар Александар Македонски кај Естекада. Вкупната предвидена должина на магистралниот цевковод по булеварот Хрватска изнесува 2,8 километри. Реализацијата на овој дел од водоводната мрежа е предуслов за подобрување на водоснабдувањето на целата територија на општина Гази Баба.
Македонија
„Биди хуман- спаси живот”: крводарителска акција во Уставниот суд денеска по повод 60 години oд постоењето
Уставниот суд денеска организира крводарителска акција под мотото „Биди хуман- спаси живот” која ќе се одржи во периодот од 9 до 14 часот во просториите на Судот.
Акцијата за дарување на крв се реализира во соработка со Црвен крст на Република Северна Македонија, на иницијатива на Уставниот суд, по повод 60 години од своето постоење.
Организирањето на оваа хумана активност е иницијатива на вработените од Судот и досега се пријавени над 30 дарители од Уставниот суд, меѓу кои и судии и советници од стручната служба.
Преку оваа крводарителска акција Уставниот суд изразува солидарност и хуманост и истовремено се придружува на апелите на Црвен крст за подигнување на свеста за донирањето на крв и мотивирање на поголем број на луѓе за доброволно дарување.