Свет
НАТО ја продолжи операцијата во Либија за три месеци
НАТО денеска ја продолжи воената операција во Либија до крајот на септември, првично одобрена за 90 дена, соопшти генералниот секретар на алијансата, Андерс Фог Расмусен
„НАТО со своите партнери одлучи да ја продолжи мисијата во Либија за уште 90 дена“, изјави Андерс Фог Расмусен преку соопштението. „Оваа одлука испраќа јасна порака до режимот на Моамер Гадафи: решени сме да ја продолжиме нашата операција во заштита на либискиот народ“ рече Расмусен. Тој додаде дека ќе продолжи со напорите за исполнување на мандатот на Обединетите нации. „Нашата одлука, исто така, испраќа јасна порака до либискиот народ дека НАТО, неговите партнери и меѓународната заедница во целина се со нив“, вели Расмусен.Генералниот секретар рече дека сите го уверуваат либискиот народ дека може сам да ја гради својата иднина и дека денот кога тоа ќе биде можно се приближува. НАТО ја презеде командата на воените операции во Либија на 31 март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.