Македонија
Фондот за здравство со новини поволни за пациентите и лекарите
Фондот за здравство ги обнови договорите со матичните лекари и гинеколози, најави воведување на електронски лекарски рецепт и обврска на лекарите да обезбедат ампуларна терапија, а контролата во здравствените установи ќе се врши еднаш годишно.
Ова се дел од новините за кои информираше денеска директорката на ФЗОМ, Маја Парнаџиева-Змејкова, по завршените преговори со Лекарската комора.
Новите договори меѓу матичните лекари и гинеколозите и ФЗОМ ќе се обноват на 1.април.
Со договорот, меѓудругото, задолжителната ампуларна терапија избраниот лекар мора да ја поседува и аплицира во целост без да бара осигуреникот да ја набави со сопствени средства.
Воведувањето на електронските лекарски рецепти, кое ќе стартува од 1.јули годинава, претставува обврска матичните лекари да ги печатат лекарските рецепти по што пациентот оди во аптека и го подигнува лекот.„Следниот чекор е електронско поврзување меѓу матичните лекари и аптеките и обврската на самиот пациент само да се појави во аптеката и да го подигне лекот, а тоа е нешто што ќе се случи во наредниот период“, информираше Парнаџиева – Змејкова.
Новина е и измената во вршењето на задолжителните контроли на матичните лекари кои досега се вршеа квартално, а отсега како што кажа директорката на Фондот, ќе се вршат еднаш годишно при што ќе бидат опфатени сите претходни квартали.
Што се однесува до боледувањата на лекарите за оправдани отсуства од работа на лекар поради боледувања над 21 ден, породилно отсуство, специјализација и други случаи, ПЗУ е должно во рок од 35 дена да вработи лекар како замена. По истекот од 35-те дена ФЗОМ го затвора факсимилот и не исплатува капитација, но еднострано не го раскинува договорот со ПЗУ најмногу до 60 дена од настанување на случајот.„Ова е подобрување за лекарите кои што имаат таква судбина да се разболат да се снајдат и да им се овозможи да не се затвори здравствената установа“, појасни др.Стоје Стојменовски од Лекарската комора.
ФЗОМ се согласи и да ги преполови договорните казни на здравствените установи и е извршено нивно прегрупирање, односно една капитација во фиксен дел е намалена на половина капитација во фиксен дел, додека половина капитација во фиксниот дел е намалена на една четвртина капитација во фиксен дел. Исто така, постигната е согласност за зголемување на капитацискиот бод кај избраните лекари од општа пракса и гинеколозите од 45 на 50 денари./крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим во Скопје
Министерството за внатрешни работи информира дека денеска поради одржување на манифестација по повод годишнината од смртта на Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена ул.„Самоилова“ на потегот од ул.„Иљо Војвода“ (виадукт Самоилова) до крстосницата со ул.„Прохор Пчински“.
Исто така попладне поради одбележување на верскиот празник Велигден ќе биде воведен посебен сообраќаен режим на одредени сообраќајници во централното градско подрачје на Град Скопје, како и во општините Ѓорче Петров и Аеродром по повод верскиот празник Велигден.
– Во периодот од 18 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”, се наведува во соопштението.
Во спротивна насока автобусите ќе ги користат истите сообраќајници.
Во општина Ѓорче Петров, по потреба, за сообраќај ќе се затвори ул.„Македонска војска“ пред црквата „Свети Петар и Павле“ на потегот од крстосницата со бул.„Партизански Одреди“ до ул.„Ѓорче Петров“.
Во општина Аеродром, по потреба, за сообраќај ќе биде затворен локалниот пат кон с.Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти.
-Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните, наведуваат од МВР.
Сервисни информации
Променливо облачно, наместа со повремени врнежи од дожд
Времето денеска ќе биде променливо облачно, наместа со повремени врнежи од дожд. Ќе дува умерен, а долж Повардарието и во источните делови повремено засилен ветер од северен правец. Минималната температура ќе биде во интервал од 4 до 11, а максималната ќе достигне од 14 до 21 степен.
Во Скопје ќе биде променливо облачно со повремени врнежи од дожд. Ќе дува умерен ветер од северен правец. Минималната температура ќе се спушти до 8, а максималната ќе достигне 19 степени.
Во недела и понеделник времето ќе биде претежно сончево и потопло. Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.
Македонија
Џафери: Северна Македонија, европска земја со европски вредности и стандарди за сите граѓани
Претседателот на Владата на Република Северна Македонија, денеска присуствуваше и се обрати на гала настанот со кој се одбележува отворањето на новата музичка сцена во Тетово, односно, основањето на најновата институција на Албанците, Националната установа Музички ансамбл на Република Северна Македонија – Тетово.
Основањето на оваа установа претставува реализација на долгогодишното барање на кадрите кои откако ќе завршеа факултет по музика, немаа каде да го продолжат својот професионален пат. Сега, во рамките на оваа установа во која ќе се негува и развива вокалната и инструменталната сериозна музика, како и популарната и џез музика, ќе можат да го негуваат и усовршуваат својот талент и својата пасија сите љубители на овој жанр, соопшти Владата.
Премиерот Џафери имаше свое поздравно обраќање на настанот и притоа, истакна дека „оваа национална културна институција ќе го збогати културниот живот во Тетово, меѓутоа и во земјата“.
Меѓу другото, пЏафери информираше за одлуката на владината седница на предлог на Министерството за култура со која на оваа установа и се доделуваат на трајно користење простории кои се сега во државна сопственост, и додаде дека – „со основањето на Музичкиот ансамбл, придонесуваме кон подобрувањето на демократската рамноправност во нашата заедничка држава, Република Северна Македонија и во оваа област од општествениот живот“.