Берзи
На Волстрит нови рекорди на Dow Jones и S&P 500
На Волстрит во понеделникот индексите Dow Jones и S&P 500 ги достигнаа новите највисоки нивоа во историјата, додека индексот Nasdaq првпат од 2000 година се проби над психолошката граница од 5.000 поени, благодарејќи на преземањата во технолошкиот сектор.
Така, во понеделникот индексот Dow Jones зајакна за 0,86 отсто, на 18.288 поени, додека индексот S&P 500 се зголеми за 0,61 проценти, на 2.117 поени, а индексот Nasdaq за 0,90 отсто, на 5.008 индексни поени.
Пробивот на индексот Nasdaq над 5.000 индексни поени првпат од ткн „дот-ком“ криза на почетокот од 2000 година, е благодарение на преземањата во технолошкиот сектор. Најмногу, за 17 отсто, скокна цената на акцијата на „NXP Semiconductors“ откако оваа компанија најави дека ја купува „Freescale Semiconductor“, со што ќе биде создадена компанија вредна повеќе од 40 милијарди долари. Цената на акцијата на „Freescale Semiconductor“, така, скокна за речиси 12 отсто. Од „Hewlett-Packard“, пак, известија дека за 2,7 милијарди долари ќе ја купат компанијата „Aruba Networks“. Благодарејќи на надежите на вложувачите во нови аквизиции и раст на активностите, во понеделникот силно пораснаа и цените на акциите на технолошките гиганти како „Google“ и „Cisco Systems“.
Продолжен е и растот на индексите Dow Jones и S&P 500, што според аналитичарите се должи на надежите на инвеститорите дека американската централна банка Federal Reserve (Fed) нема да брза со зголемувањето на каматите, имајќи предвид дека растот на економијата забавува. Во понеделникот, имено, дека потрошувачката на Американците, која инаку сочинува две третини од економските активности, во јануари паднала за 0,2 отсто, по 0,3-процентниот пад во декември. Вклучувајќи ги податоците за падот на цените на горивата, потрошувачката, пак, реално пораснала за 0,3 отсто по 0,1 отсто пад во декември, што исто така не е импресивно за вложувачите.
„Растот на економијата забавува во првиот квартал, по силното второ минатогодишно полугодие. Повеќето заштеди на пониските цени на горивото граѓаните ги насочуваат во банките, а не на потрошувачката“, вели за Reuters Томас Костерг, економист „Standard Chartered Bank“.
Сигналите коишто доаѓаат од индустријата, пак, се нејасни. Според извештајот на институтот Markit, PMI индексот на активностите во февруари го достигнал највисокото ниво во последните четири месеци, додека според Институтот на менаџерите на порачките, ISM индексот на активностите се симнал на најниското ниво во последните 13 месеци.
По досега објавените макроекономски податоци во првите два месеца од оваа година, аналитичарите на „Morgan Stanley“, ја намалија процената за растот на американската економија во првиот годинешен квартал од 2,8 на 2,.3 отсто, а аналитичарите на „Macroeconomic Advisers“ од 2,3 на 2,1 отсто. Во вториот минатогодишен полугодишен период, американски бруто домашен производ (БДП) се зголемил за 3,6 отсто, а поради забавувањето на растот вложувачите се надеваат дека Fed одлуката за зголемување на каматите го одложиле за крајот на годината.
„Парите и натаму влегуваат на пазарот поради ниските каматни стапки, а иако акциите се поскапи, не се и прескапи“, вели Стивен Масока, директор во фондот „Wedbush Equity Management“ Истакнува и дека идните денови во фокусот ќе бидат макроекономските показатели, имајќи предвид дека објавувањето на кварталните деловни резултати на на компаниите се при крајот. Притоа најмногу внимание ќе привлече извештајот за вработеноста, кои ќе биде објавен во петокот.
Аналитичарите во анкетата на Reuters проценуваат дека во февруари бројот на вработените во САД е зголемен за 238.000, помалку во однос на 257.000 во јануари. „Во продолжение од седмицата може да се очекува пауза, имајќи предвид дека во петокот се очекуваат податоците за вработените, по коишто би можело да биде појасно што Fed ќе стори со каматните стапки“, вели Даглас Депјетро, директор во компанијата „Evercore“./крај/мф/сн.
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Берзи
„Волстрит“ падна – ни САД ни Кина не попушта
На Волстрит цените на акциите нагло паднаа, губејќи дел од добивките од претходниот ден, бидејќи царинската војна меѓу Вашингтон и Пекинг не покажува крај.
Индексот Dow Jones падна за 2,50 отсто, на 39.593 поени, додека S&P 500 потона за 3,46 отсто, на 5.268 поени, а индексот Nasdaq за 4,31 отсто, на 16.387 поени.
Така, индексите загубија дел од добивките од претходниот ден, кога S&P 500 скокна за историски 9,5 отсто, а Nasdaq повеќе од 12 отсто.
По големите промени во последниве денови, S&P 500 сè уште е во пад од околу 7 отсто од средината на минатата недела, кога американскиот претседател Доналд Трамп најави дополнителни, реципрочни царини за американскиот увоз.
Откако Трамп во средата ја одложи примената на тие царини за 90 дена, многу земји вчера изјавија дека се подготвени да преговараат. Меѓу другите и Европската унија, која ги одложи своите контрамерки против царините на Трамп.
Но, царинската војна меѓу Вашингтон и Пекинг продолжува бидејќи Трамп ја зголеми вкупната царинска стапка за увоз на кинески стоки на 145 отсто, 125 отсто реципрочни царини и претходните 20 отсто поврзани со кризата со фентанил.
Кина, пак, од вчера применува царина од 84 отсто за увоз на американски стоки, покрај претходните 20 отсто на одредена група производи и вели дека нема да отстапи.
„Тешко е за инвеститорите да одлучат да купат акции со ваква нестабилност и неизвесност. Тие се загрижени за тарифите бидејќи е тешко да се процени како тоа ќе влијае на економиите“, рече Пол Нолте, аналитичар во Марфи и Силвест.
Затоа инвеститорите вчера не ги охрабрија подобрите од очекуваните податоци за ублажувањето на инфлацијата во САД во март. Се проценува дека инфлацијата најверојатно ќе се зголеми во наредните месеци поради воведувањето царини, додека челниците на американската централна банка велат дека нема да брзаат со намалување на каматните стапки, туку чекаат податоци кои ќе покажат како царините влијаеле на економскиот раст и на инфлацијата.
На европските берзи вчера пораснаа акциите. Лондонски FTSE индекс зајакна 3,04 отсто, на 7.913 поени, додека франкфуртски DAX скокна за 4,53 отсто, на 20.562 поени, а париски CAC зајакна 3,83 отсто, на 7.126 поени.
Берзи
Доларот нагло падна, еврото зајакна
На девизните пазари вредноста на доларот во однос на кошницата валути драстично падна минатата недела, бидејќи инвеститорите сметаат дека поради забавувањето на инфлацијата во САД заврши циклусот на зголемување на каматните стапки од страна на американската централна банка. Индексот на доларот, кој ја следи вредноста на САД во однос на шесте најважни светски валути, потона минатата недела за 1,9 отсто, на 103,81 поен, што е најниско ниво од почетокот на септември.
Истовремено, доларот падна за 2,1 отсто во однос на европската валута, па цената на еврото достигна 1,0910 долари. Остриот пад на курсот на доларот уследи по објавувањето во вторникот дека стапката на инфлација во САД се лизна на 3,2 отсто во октомври, од 3,7 отсто во септември.
И низа други извештаи потврдија дека инфлацијата се намалува, што ја поддржа тезата дека ФЕД нема да има потреба дополнително да ја заостри монетарната политика. Од март минатата година, ФЕД ги зголеми клучните каматни стапки за 5,25 процентни поени за да ја ограничи инфлацијата.
Сепак, на последните две седници челниците на ФЕД ги оставија каматните стапки непроменети, па инвеститорите сметаат дека циклусот на зголемување на цената на парите е завршен, иако од ФЕД велат дека е можно дополнително заострување на монетарната политика.
Во наредниот период, движењата на пазарот ќе зависат главно од шпекулациите за тоа кога ФЕД би можел да започне со намалување на каматните стапки. На пазарот на пари се проценува дека првото намалување на каматните стапки на ФЕД би можело да се случи во мај следната година, а до крајот на следната година каматните стапки би можеле да се намалат вкупно за еден процентен поен.
Берзи
Светските берзи драстично паѓаат, можно е дополнително зголемување на каматите
На светските берзи цените на акциите нагло паднаа минатата недела поради растот на приносите на обврзниците и пораката на претседателот на ФЕД Џером Пауел дека централната банка може дополнително да ги зголеми каматните стапки. На Волстрит, Доу Џонс индексот минатата недела падна за 1,6 отсто, на 33.127 поени, додека S&P 500 се лизна за 2,4 отсто, на 4.224 поени, а индексот Nasdaq се намали за 3,2 отсто, на 12.983 поени.
На берзата негативно влијаеше растот на приносите на американските државни обврзници. Во петокот приносите на 10-годишните обврзници се пробија над нивото од 5 отсто за прв пат по 16 години. Ова може да влијае на каматите на хипотеките и автомобилските заеми, каматите на кредитните картички… Покрај тоа, повисоките приноси на обврзниците ја намалуваат привлечноста на акциите бидејќи на инвеститорите им нудат добри приноси без никаков ризик.
Во такви околности, инвеститорите се повлекуваат од поризични инвестиции, како што се акциите, и бараат засолниште за својот капитал во инвестиции кои се сметаат за побезбедни во несигурни времиња, како што е златото. Како резултат на тоа, цената на унца злато се движи близу највисокото ниво во последните два месеци, околу 1.980 долари.
Поради сето ова, инвеститорите не беа охрабрени ниту од кварталните деловни резултати, иако поголемиот дел од компаниите од индексот S&P 500, кои досега објавуваа извештаи, остварија поголема заработка од очекуваната.
И на европските берзи цените на акциите драстично паднаа минатата недела. Лондонскиот FTSE индекс се лизна за 2,6 отсто, на 7.402 поени, додека франкфуртски DAX потона за 2,5 отсто, на 14.798 поени, а париски CAC 2,7 отсто, на 6.816 поени.
Демократската партија на Турција го напушти „Европскиот фронт“, на локалните избори ќе настапи сама
Демократска партија на Турците на Македонија, соопшти дека на локалните избори што ќе се одржат на 19 октомври, ќе настапи...
(Видео) Драматично кај Јасен: Спречена катастрофа кога огнот се проширил кон блиските објекти
Голем е пожарот кој со денови беснее во ловиштето Јасен, а надлежните во повеќе наврати успеваат да го стават под...
Ивановска се кандидира за градоначалничка на Центар: „Не барам моќ, туку сакам да им ја вратам на граѓаните“
Поранешната претседателка на Антикорупциска комисија, Билјана Ивановска, официјално најави кандидатура за градоначалничка на Општина Центар како кандидат на граѓанската политичка...
Путин: САД искрено се обидуваат да ја завршат војната во Украина
Рускиот претседател Владимир Путин изјави дека американската влада вложува искрени напори за прекин на конфликтот во Украина сугерирајќи дека Москва...
МНР чека потврда дали македонски државјанин е меѓу жртвите на тројното убиство во Боливија
Министерството за надворешни работи и надворешна трговија се огласи по објавите во српските медиуми за тројно убиство во Боливија, во...
Пуштена клучката Подмоље, власта уверува дека на автопатот Охрид – Кичево се работи забрзано
Денеска е пуштена во употреба клучката Подмоље, која го спојува Охрид со Струга, како и Македонија со Албанија, информира потпретседателот...
Откриена царинска измама со увоз на месо во висина од 7 милиони денари
Царинските инспектори при Секторот за контрола и истраги при контрола на 21 увоз на месо од увозник открија царинска измама...
Кремљ: Договорен распоредот за разговорите Путин – Трамп, ќе има и прес-конференција
Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј...
„Филипче да одговори дали јахтата на која плови со Заев е купена со пари од државни тендери“, прашува ВМРО-ДПМНЕ
„На лицемерието на СДС му нема крај. Додека на прес-конференции и преку соопштенија глумат загрижени за стандардот на граѓаните, нивниот...
Активни два пожара на територијата на Македонија, под контрола ставени три
Центарот за управување со кризи извести дека во последното деноноќие, до 7 часот утрово на територијата на Македонија имало вкупно...
ДОМ: Катастрофално однесување на владејачката коалиција во услови на екстремен топлотен бран, Владата ги заборави работниците
Демократска обнова на Македонија (ДОМ) остро реагира на „катастрофалното однесување на владејачката коалиција во услови на екстремен топлотен бран“. ДОМ...
Вучиќ: Тешка вечер за граѓаните на Србија, со некое чудо успеавме да го зачуваме мирот
Српскиот претседател Александар Вучиќ ги обвини демонстрантите за насилство синоќа, во услови на бран нови антивладини протести, и рече дека...
(Видео) Украинците нападнаа рафинерија за нафта во Волгоград, избувна пожар
Во напад со дронови во текот на ноќта беше погодена рафинерија во рускиот град Волгоград, предизвикувајќи излевање на нафта и...
Откриено е што ѝ понуди Трамп на Украина во замена за прекин на огнот; Оптимизам во Европа
Американскиот претседател Доналд Трамп им кажал на европските лидери и на украинскиот претседател дека САД се подготвени да обезбедат безбедносни...
Каде ќе се одржи самитот Трамп – Путин? Локацијата има големо историско значење
Средбата меѓу американскиот претседател Доналд Трамп и рускиот претседател Владимир Путин в петок ќе се одржи во Елмендорф-Ричардсон, воена база...
(Видео) Судир меѓу поддржувачите на СНС и граѓани во Нови Сад, маж извади пиштол
Во близина на просториите на Српската напредна партија во Нови Сад, избувна судир меѓу поддржувачите на СНС и Александар Вучиќ...
Британски „Тајмс“: Новиот план на Трамп – Украина ќе ги зачува своите граници, но територијата ќе биде окупирана од Русите?
Русија и САД разговарале за израелската окупација на Западниот Брег како можен модел за завршување на војната во Украина, дознава...
Трамп по разговорот со европските лидери и со Зеленски: Русија ќе се соочи со последици ако не се движи кон мировен договор
Американскиот претседател Доналд Трамп изјави дека денешниот разговор со европските лидери и украинскиот претседател Володимир Зеленски бил „многу добар“. „Тој...
Зеленски не го промени својот став за територијалните отстапки
На прашањето дали го променил својот став за предавањето на источниот регион Донбас по денешните разговори, украинскиот претседател Володимир Зеленски...
Што сакаа да постигнат европските лидери преку разговорот со Трамп?
Можноста, американскиот претседател Доналд Трамп самиот да седне со Владимир Путин, предизвика нервоза кај европските лидери. Иако Трамп јавно покажа...
