Македонија
Помалите партии: Изборите поминаа мирно, со мали нерегуларности

Оценката на помалите партии е дека гласањето денес помина регуларно, со мали неправилности.
Оценката на помалите партии е дека гласањето денес помина регуларно, со мали неправилности.
Стојанчо Ангелов од „Достоинство“ за „Макфакс„ вели дека гласањето помина мирно, со мали исклучоци. „Нашите набљудувачи регистрираа неколку нерегуларности во источна Македонија. Во селото Зрновци, Кочани на едно лице со психички пречки не му беше дозволено да гласа, а на тоа изборно место фалеа пет гласачки ливчиња“, вели Ангелов.
Филип Петровски од „Демократска десница„ за „Макфакс“ оцени дека гласањето помина релативно регуларно. Тој посочува за инцидент во Куманово, каде набљудувачите на оваа партија регистрирале отварање на гласачка кутија. Неговите очекувања според информации од теренот велат дека „Демократска десница“ на овие избори ќе има од 2-4 пратеници.
Висар Рамадани од „Нова демократија“ за „Макфакс“ исто така оценува дека овие избори поминаа мирно.
„Овој пат немаше физичко насилство, но имаше тенденции од власта за нерегуларности. Во општина Чаир во училиштето „Иднина“ и „Тефејуз“ членови на ДУИ и нивни активисти вршеа агитација врз гласачите. Во Матејче, Липковско, членови на ДУИ фалсификувале беџеви и се претставувале како набљудувачи. Во Куманово инспектор во цивилка, агитирал за ДУИ. Кандидатот за пратеник на ДУИ, Артан Груби вршел притисок врз гласачите во училиштето Петар Здравковски во скопската населба Бутел„, вели Рамадани.
Оваа партија има забелешки и на гласањето на дијаспората.
„На поширокото семејство на нашиот кандидат за пратеник во изборната единица 7 (Европа) му беше оневозможено гласање во Берн, Швајцарија. Објаснувањето беше дека ги немало на список. Истото се случило и со стотина други лица. Оваа партија очекува да добие 7-8 пратеници. /крај/пд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Марш на ангелите во Кочани: Ако нема правда за ангелите, за нивните родители и семејства, нема да има за никој

Правда мора да има, ако не ќе поставиме шатори пред судот и полицијата и нема да дозволиме никој да влегува. Ако нема правда за ангелите, за нивните родители и семејства, нема да има за никој. Ова го порача поддржувач на родителите чии деца загинаа на 16 март во дискотеката „Пулс“ во Кочани.
Тој од својата инвалидска количка го предводеше осумнаесетиот марш на ангелите. Зборувајќи пред Основниот суд во Кочани, ја обвини полицијата дека дваесет минути на влезот во градот, кај ресторанот „Национал“, држела луѓе од други општини затоа што доаѓале да ги подржат кочанчани.
– Без никакво образложение легитимирале, претресувале. И порачувам на цела Влада – помеѓу тие луѓе нема ниту еден терорист, ниту еден нарко дилер, ниту еден криминалец. Тоа се луѓе со душа и срце. Зошто се прави таков притисок, се обидувате ли нешто да скриете. Истрагата „терајте“ ја како што треба. Родителите на починатите веќе немат солзи во очите, изјави поддржувачот на родителите.
Осумнаесетиот марш на ангелите вечерва се одвиваше по истата маршрута како и претходно: Парк на Револуцијата, кафуле „Класик“, Општина, УЈП, полиција, суд, со тоа што вечерва немаше свирежи пред споменатите институции.
Родителите беа доста тивки. Сестра на починато момче во пожарот во „Пулс“ само потсети дека денеска, 16 август, навршија пет месеци откако на 16 март 62 лица ги загубија своите животи.
Македонија
Пожарот што зафати дел над селото Лојане, Општина Липково, во голем дел е локализиран и изгаснат

Пожарот што зафати дел над селото Лојане, Општина Липково, во голем дел е локализиран и изгаснат. Селото е целосно заштитено, а интензитетот на горењето во појасот на боровата шума значително е намален, информира вечерва директорот на Центарот за управување со кризи (ЦУК) Мухамед Али.
Со отворањето на патот за пристап, како што наведува, се овозможи пешадиско дејствување на екипите на „Национални шуми“, што значително придонесе кон ограничување на ширењето на огнот.
– Во акцијата беа ангажирани хеликоптер Бел-412 на МВР, две екипи на Територијалната противпожарна единица Куманово со соодветни противпожарни возила, како и екипи на „Национални шуми“ – Подружница Куманово со специјализирани возила за шумски пожари. Активно учество зема и месното население, чија помош беше од големо значење. Како директор на Центарот за управување со кризи, лично ги координирав активностите на терен, осигурувајќи соработка меѓу институциите и брза реакција за заштита на животите и имотот на граѓаните. Благодарност до сите учесници за професионалниот ангажман и посветеност, нагласи Али.
ЦУК соопшти дека вечерва до 18:00 часот на територијата на цела држава има вкупно 19 пожари на отворен простор, од кои четири се активни, а 15 се изгаснати. Освен пожарот во селата Лојане и Табановце, активни пожари има и во повеќенаменското подрачје „Јасен“, во општина Јегуновце, меѓу селата Рогачево, Јажинце, Долно Орешје, каде се зафатени пасишта и мешана шума и во кумановското село Черкези.
Македонија
На Табановце се чека 40 минути

Зголемена е фреквенцијата на возила во земјава. На граничниот премин „Табановце времето на чекање за излез е околу 40 минути, додека на останатите гранични премини од македонска страна нема подолги задржувања при влез или излез од државата.
Како што информира АМСМ, сообраќајот на државните патишта се одвива непречено, по суви коловози, а интензитетот на патиштата надвор од градските средини е зголемен.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.