Свет
„Оса“ на Бојчевски го обезбедува и ЕСМ
ЕСМ непосредно пред приватизацијата изнајми агенција за обезбедување да чува објекти на скопската дистрибуција во услови кога подружницата располага со чуварска служба од триесетина лица.
Мирче Котевски
ЕСМ непосредно пред приватизацијата изнајми агенција за обезбедување да чува објекти на скопската дистрибуција во услови кога подружницата располага со чуварска служба од триесетина лица. „Време“ дознава дека „Електро-Скопје“ го склучила договорот со агенцијата „Оса“, чиј сопственик е Бранко Бојчевски, советник за национална безбедност на премиерот Бучковски.
Според членот 9 од договорот од 30 декември лани, ЕСМ како клиент на „Оса“ треба месечно да и плаќа по 2.542 евра плус данок за извршената услуга, а за таа сума агенцијата да обезбедува магацин за делови во населбата Бутел. Првата фактура од близу 180.000 денари веќе била исплатена на сметка на агенцијата. Во ЕСМ потврдија дека има таков договор, но тврдат дека поради тоа што не била надмината сумата од 3.000 евра не бил распишан тендер. Според Законот за јавни набавки, тендер се распишува за сума повисока од 3.000 евра.
Во меѓувреме, откако веќе било ангажирано обезбедувањето да варди магацин на скопската дистрибуција лоциран во населбата Бутел, менаџментот на ЕСМ увидел дека има потреба од заштита на повеќе објекти на територијата на Скопје. Затоа, 17 дена откако веќе ја ангажирал „Оса“, скопската дистрибуција распишала тендер за собирање понуди по скратена постапка за обезбедување движен и недвижен имот и го објавила во „Службен весник“ на 16 јануари. Во тендерот се бара обезбедување два објекти. Едниот е магацинот во Бутел, а другиот „Дизел“ централата кај наплатниот пункт на „Електро-Скопје“ под Кале.
Како што е наведено во јавниот повик, ангажманот на ЕСМ и е потребен во времетраење од една година. На тендерот своите услуги ги понудиле четири агенции за обезбедување, од кои токму „Оса“ ја имала најповолната понуда во износ од 3.930 евра. Така, за едногодишниот ангажман, оваа агенција ќе заработи точно 47.160 евра без вклучен данок за услугите. Процената на понудите од јавниот повик била спроведена пред една недела.
Во „Електростопанство“ го правдаат ангажманот на приватната агенција со тоа што во последните неколку месеци во двата објекти биле регистрирани кражби, а чуварите вработени во компанијата се покажале недоволно ефикасни.
Од Државната комисија за спречување на корупцијата засега не коментираат дали во случајов има конфликт на интереси бидејќи фирма во сопственост на висок државен функционер е ангажирана да врши услуги за компанија што е во стопроцентна сопственост на државата.
Бојчевски го тужи „Време“ поради текст објавен пред две години во кој се вели дека „Оса“ обезбедувала повеќе објекти додека тој бил на раководна функција во Министерството за внатрешни работи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.