Свет
На Тамбурковски ќе му се суди во отсуство

Тамбурковски е обвинет за злоупотреба
на службената должност бидејќи ги пречекорил неговите овластувања и го оштетил
МХК „Злетово“ за 21 милион денари и 61.000 долари
СЛУЧАЈ ВЕЛЕШКА ТОПИЛНИЦА
Тамбурковски е обвинет за злоупотреба
на службената должност бидејќи ги пречекорил неговите овластувања и го оштетил
МХК „Злетово“ за 21 милион денари и 61.000 долари
На поранешниот стечаен управник на велешката
Топилница, Владислав Тамбурковски, ќе му се суди во отсуство, а продолжението
на процесот е закажано за 10 мај во Основниот суд во Велес. Тамбурковски е
обвинет за злоупотреба на службената должност бидејќи ги пречекорил неговите
овластувања и го оштетил МХК “Злетово” за 21 милион денари и 61.000 долари.
Судијата Валентин Зафиров, по барање на заменикот-јавен обвинител Славица
Темелковски, прифати судењето на Тамбурковски да продолжи без обвинетиот.
Тамбурковски подолг период не и’ е достапен на македонската полиција, бидејќи,
наводно, бил на привремена работа во странство и патувал на релација Белград-
Софија.
Според писменото известување од Бирото за јавна безбедност, Владислав
Тамбурковски последен пат е регистриран на територијата на Македонија на 6
април минатата година. Тогаш обвинетиот со бугарски пасош и автомобил со
бугарски регистарски таблички ја напуштил земјава преку граничниот премин Деве
Баир.
Тамбурковски избегал од Македонија во 15 часот, иако истиот ден во 14.30
часот на главниот претрес во Основниот суд во Велес неговиот адвокат тврдеше
дека тој е во болница на одделението за пулмологија при Клиничкиот центар во
Скопје.
Обвинетиот во неколку претходни рочишта смени тројца адвокати, а неговиот
адвокат еднаш тврдеше дека Тамбурковски е згрижен во болница, иако подоцна со
документ од скопските клиники било утврдено дека на листата на пациенти никаде
не фигурира името на стечајниот управник.
Против Тамбурковски истовремено продолжува истрагата за друго кривично дело,
според која ексстечајниот управник склучил штетен договор со фирмата „Допинг“ и
ја оштетил топилницата за 30 милиони денари. Документацијата за делото ја
истражуваат вештите лица од Бирото за вештачење, по што ќе биде познато дали ќе
се подигне ново обвинение за Тамбурковски.
Петар Печков
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.