Свет
Бин Ладен не бил консултиран за нападите од 11 септември
Египќанецот Мохамед Ата бил “мозокот“ и организатор на терористичките напади од 11 септември 2001 година, кои ги планирал без да се консултира со Осама Бин Ладен.
Египќанецот Мохамед Ата бил “мозокот“ и организатор на терористичките напади од 11 септември 2001 година, кои ги планирал без да се консултира со Осама Бин Ладен. Ова го тврди Дитрих Снел, член на американската комисија, која кон крајот на 2002 беше формирана со одлука на претседателот Џорџ Буш, со задача да ја испита одговорноста за нападите и да предложи антитерористички мерки. “Одговорноста за тактичките и временските одлуки за атентатите во САД е на Ата, изјави синоќа Снел пред судот во Хамбург. Тој сведочеше на повторениот процес што се води против Мароканецот Мунир ел Мосдек, обвинет за соучесништво во нападите од 11 септември во Њујорк и Вашингтон. Според Снел, власта на Ата врз останатите атентатори – самоубијци никогаш не била ставена под сомнеж. “Ата самостојно и без консултации со Осама бин Ладен одлучувал за тоа кои цели треба да се нападнат и кога тоа да се случи“, изјави Снел. “Мозокот“ на нападите од 11 септември за “економска“ цел го избрал Светскиот трговски центар, Капитол Хил за “политичка“, а Пентагон за “воена“ цел. Ата, кој загина при атентатите, планирал и напад врз атомска централа во САД, но се откажал од идејата. Според Снел, комисијата која својот завршен извештај го поднесе во јуни 2004 година, не дошла до никакви докази дека терористичките напади од 11 септември биле планирани во Хамбург, каде престојувале Ата, уште двајца други атентатори самоубијци, и Мароканецот Мосдек. Извештајот на американската комисија се базира главно на изјави на Јорданецот Рамзи бин Ал Шаиба и на Халед Шеик Мохамед, за кои се претпоставува дека ги координирале атентатите. И двајцата се чуваат на тајно место некаде во САД. /крај/бгнес/афп/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.