Свет
„Потполно уништување“ по земјотресот Нов Зеланд.ГАЛЕРИЈА
Моќниот земјотрес со магнитуда од 7,9 степени по Рихтер кој го погоди Нов Зеланд по полноќ кон понеделникот по локално време, во кој загинаа две лица, оштетени се патишта, мостови и згради и предизвикани се проблеми ширум земјата.
По главниот земјотрес, истата областа била погодена од уште најмалку три последователни потреса со интензитет од 6,2, 5,7 и 5,8 по Рихтер кои го погодиле Јужниот остров на кој се наоѓа Амберли, град со околу две илјади жители.
Малку послаб потрес, со магнитуда 6,2 степени, повторно го погоди Нов Зеланд околу 1,45 часот по локално време во вторникот. Кристчерч, најголемиот град на Јужниот остров, сé уште закрепнува од земјотресот со магнитуда од 6,3 кој во 2011 година ја погоди оваа област и уби 185 луѓе.
Новозеландската служба GeoNet објави дека првиот земјотрес бил со магнитуда од 7,5, додека американските геолози добиле резултат од 7,8 а европските од 7,9 степени. Потресите ги разбудија жителите во целата земја, во места оддалечени и по повеќе стотици километри од епицентарот.
Новозеландскиот истражувачки центар GNS Science објави дека изгледа оти треперењето на почвата било резултат на два истовремени потреса, кои траеле подолго од две минути. GeoNet додава дека настанале четири раседи, а еден од нив во близина на брегот е длабок дури 10 метри.
Преку Нов Зеланд минува ткн Пацифички огнен прстен, плоча од вулкани и тектонски раседи во должина од 40 километри. Тој го опкружува Тихиот Океан, минувајќи низ целиот брег на Северна и Јужна Америка, до јужните делови на Алјаска, а потоа преминува он Јапонија, Филипини и Индонезија и завршува во областа на островите Нова Гвинеја, Нов Зеланд и југозападна Океанија. Токму во „огнениот прстен“ се наоѓаат најголемиот број познати вулкани на планетата. Тука, исто така, се случуваат 90 отсто од сите земјотреси на Земјата.
Службите за итна помош со хеликоптер пристигнале на месото на епицентарот на потресот.
„Тоа е потполно уништување. Не знам… ќе бидат потребни месеци работа“, му рекол новозеландскиот премиер Џон Ки на министерот за цивилна одбран и вонредни состојби Гери Броунли, откако прелетал преку крајбрежниот град Каикура, објави министерот на својот профил на Twitter. Ки тамошните свлечишта ги нарекол „грозни“ и процени дека за поправање на настанатата штета ќе бидат потребни „милијарди долари“.
Земјотресот го прекина снабдувањето со електрична енергија, а не се во функција и телекомуникациите. На патиштата се појавија големи пукнатини, а лизгањето на земјата и други штети го оневозможуваат пристапот во најпогодените области.
Нивото на предупредување на опасност од цунами што предизвика масовна евакуација на населението кон повисоките региони на островската земја, е намалена откако големите бранови го погодија главниот град Велингтон на Северниот, како и Кристчерч на Јужниот остров.
Велингтон практично е пуст, бидејќи на вработените и работниците име е наредено да се држат подалеку од градот, додека градскиот совет не одреди колкав е ризикот за оштетените згради. Постоеше загриженоста дека силната бура која го погоди тој град, со ветришта со брзина од 140 километри на час, ќе разнесува по улиците стакло и парчиња цигли и бетон.
Новозеландското министерство за цивилна заштита и вонредни ситуации (MCDEM) прогласи вонредна состојба набрзо по првиот подземен удар за регионот Каикура, Истоименото гратче, познато како популарно место за набљудување на китовите, најсилно е погодено од потресот.
Во зграда во ова место којашто се „урнала како од карти“ пронајдена е една од жртвите, истакнал лекар Кристофер Хенри од тамошната болница. Од истата зграда се извлечени двајца преживеани.
„Наш најголемиот приоритет е осигурување на доставувањето на вода за пиење, храна и други продукти за населението на Каикура, и за околу илјада туристи колку што се проценува дека во моментот ги има во градот“, изјави Броунли. На местото е испратен мултифункционален брод на новозеландската морнарица „HMNZS Canterbury“, додал. Градската служба за спасување и потрага (USAR) соопшти дека во градот пристигнал тим од 20 луѓе со две кучиња трагачи, додека втор тим е во состојба на приправност во Крајстечерч.
Полицијата во областа околу Крајстчерч известува за 19 провали во домови и комерцијални простории, коишто се случиле откако жителите се евакуирани на повисоките места.
„Многу е тажно што во времето во кое луѓето се соочуваат со ваквите травматични настани, а заедниците се обединуваат за да си помагаат, постојат такви кои се заинтересирани само за стекнување полза“, изјави окружниот командант на полицијата на Кантербери, Џон Приајс.
Потресите ја уништиле браната на реката Кларенс, северно од Крајстчерч, со што низводно е пуштено големо количество вода, соопштија власите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Свет
Кремљ: Мешањето на силите на НАТО во украинскиот конфликт – огромна опасност
Режимот во Киев е прилично непредвидлив, интервенцијата на воените сили на НАТО во украинскиот конфликт на теренот претставува огромна опасност, изјави за новинарите портпаролот на Кремљ, Дмитриј Песков.
Според него, Москва ја смета за крајно провокативна петицијата објавена на веб-страницата на украинскиот лидер Володимир Зеленски, во која се апелира да се поканат странски војници во Украина.
„Сметаме дека ова во најмала рака е крајно провокативно и го следиме многу внимателно“, рече Песков.
Францускиот претседател Емануел Макрон неодамна во интервју за „Економист“ изјави дека не ја исклучува можноста за испраќање војници во Украина на барање на Киев доколку Русија ја пробие линијата на фронтот. Според него, многу земји од ЕУ се согласиле со мислењето на Париз за ова прашање.
Медиумите претходно објавија и дека Франција испратила војници од својата Легија на странци во Украина, пренесува „Танјуг“.