Свет
Младината на Гбагбо ограбува странски продавници
Младите поддржувачи на се уште актуелниот претседател на Брегот на слоновата коска Лорент Гбагбо денеска ја разурнаа деловната област во престолнината Абиџан, ограбувајќи продавници во сопственост на странци, пренесува Reuters
Младите поддржувачи на се уште актуелниот претседател на Брегот на слоновата коска Лорент Гбагбо денеска ја разурнаа деловната област во престолнината Абиџан, ограбувајќи продавници во сопственост на странци, пренесува ReutersНасилствата следеа по повикот на лидерот на младината на Гбагбо, Бле Годе во петокот за организиран отпор кон востанието на поддржувачите на Аласан Куатара, кој според меѓународно признаените резултати победи на ноемвриските претседателски избори, но Гбагбо не му ја предава функцијата. Безбедносната ситуација во најголемиот производител на какао во светот се повеќе се влошува, а престрелки избувнуваат долж целата линија на прекин на огнот од северот до југот на земјата, која претежно мирна од крајот на граѓанската војна во 2002 и 2003 година. „Младите патриоти“ на Гбагбо долго време се озлогласени поради нивните ксенофобични насилства, меѓу кои е и нападот врз француската заедница во земјата во 2004 година, честите напади врз малцинствата Буркинабе и Малиа, како и врз домородните жители на северот на земјата, кои се културолошки поврзани со малцинствата.. Антистранските чувства се едно од главните причини за долгогодишниот застој на земјата и се влоши откако меѓународната заедница го призна Куатара како победник на изборите во ноември, кои требаше на земјата конечно да и донесат стабилност и мир. На Куатара претходно два пати му беше забранувано да се кандидира на избори поради тоа што неговиот татко потекнува од соседната Буркина Фасо. Во насилствата настрада и персоналот на Обединетите нации, кои неколку пати биле напаѓани и ограбувани, по повиците на државната телевизија со кои беа обвинето дека ги поддржуваат бунтовниците на Куатара. Истовремено, бројот на бегалци од земјата во соседна Либерија достигна 68.000 луѓе, додека уште 40.000 се внатрешно раселени.ОН, исто така, се уште ги испитува наводите за тоа дека Гбагбо набавил боеви хеликоптери од Белорусија, со што го прекршил ембаргото за набавка на оружје. Персоналот на ОН мораше да ја прекине истрагата во градот Јамусукро, откако трупите лојални на Гбагбо отвориле оган врз нив. Информацијата за набавка на хеликоптерите потекнала од една од петте постојани членки на Советот за безбедност на ОН.Од ОН, исто така, јавуваат дека пристигнале долгоочекуваните боеви хеликоптери за мировниците што, според нив, значително ќе го смени односот на силите во земјата. /крај/reuters/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.