Свет
Се искачи над 700 бројот повредени од метеорскиот дожд во Русија
Повеќе од 700 луѓе се повредени по експлозијата на метеор во долниот дел на атмосферата над Урал. Во три руски града во Чељабинската област преку која прелета „метеорскиот дожд“ завладеа вистинска паника.
Сведоци кажуваат дека на небото се случиле повеќе експлозии од кои се треселе куќите, а прозорците пукале. Според најновите информации, повредени се 725 луѓе, од кои 159 деца. Кај повеќето повредени станува збор за полесни повреди, предизвикани од пукнатото стакло на прозорците.
Над 100 луѓе се хоспитализирани, додека тројца се посериозно повредени, а двајца се наоѓаат на одделението за интензивна нега. Исто така, отворена е итна телефонска линија за сите оние на кои им е потребна психолошка помош.
Руската војска соопшти дека го пронашла кратерот и негираше дека истрелала против-воздушен проектил за да го распарчи метеорот на повеќе мали делови.
„Министерството за одбрана на Русија не спроведе ниту една акција поврзана со овој инцидент. Ниту едно наше летало не е регистрирана во тој дел во времето на експлозијата“, се наведува во соопштението на Министерството, пренесува Russia Today.
Министерството за вонредни ситуации тврди дека остатоци од метеорот на Урал не се пронајдени, а официјалниот воен претставник на округот Јарослав Рошчупкин рече дека на местото на кое се претпоставува дека паднал еден од фрагментите на метеорот, брегот на езерото Чебаркуљ, пронајден е кратер со пречник од околу шест метри.
Еден локален претставник на Министерството за вонредни ситуации рече дека метеорот се распаднал над Урал и делумно изгорел во атмосферата, а дека парчиња паднале на земјата во ретко населените предели на Чељабинската област, 1.500 километри источно од Москва.Руските медиуми јавуваат дека мерењата не покажале зголемена радијација.
Јасно светло можело да се забележи на просторите на регионот Чељабинск, Тјумен и Свердловск, но и од северен Казахстан.
За Б92 телефонски се јавил еден очевидец од Тјумен, град оддалечен 800 километри од местото на експлозијата.
„Иако експлозијата се случи 800 километри од нас, ни се чинеше дека одекна на оддалеченост од пет километри. Видов тиха зажарена топка со опашка како прелетува над мојата глава. Метеорот експлодираше во воздух, на висина од пет километри, над Чељабинск“, рече очевидецот, при тоа додавајќи дека војската веднаш реагирала и ја подигнала борбената готовност на највисоко ниво.
Руската вселенска агенција Роскосмос не го следеше падот на метеорот.
„Нашите постројки не го следеа ова небеско тело“, рече портпаролот на Роскосмос.
Портпаролот на Министерството за внатрешни работи Вадим Колесњиков ја потврди претходната информација дека се урнал покривот на една фабрика за цинк, со површина од 600 квадратни метри, јави АП. Сведоците велат дека експлозијата била толку силна, што потсетувала на удар на гром и земјотрес во исто време.
Градските власти наложија итно вградување на пластични прозорци на сите оштетени објекти, а градинките и училиштата ќе бидат затворени во следните два дена.
Како што јавува Russia Today, повеќе од 3.000 згради се оштетени во регионот Чељабинск, меѓу кои и 34 болници и 360 училишта и градинки.
Рускиот претседател Владимир Путин издаде итна наредба на Министерството за вонредни ситуации да се направи проценка на материјалната штета, нагласувајќи дека „астрономскиот аспект на овој инцидент е многу важен бидејќи анализата на падот на овој метеор може да ни помогне правовремено да реагираме и на време да ги предупредиме луѓето“.
Руското Министерство за вонредни ситуации информираше дека на местото на настанот испратило 20.000 спасувачи, како и три летала. Демантирана е првичната информација дека телекомуникациските врски се во прекин.
Се појавија и шпекулации дека „дождот“ го предизвикале делчиња од астероидот 2012 ДА14, кој денеска ќе „прелета“ покрај Земјата на рекордно мала оддалеченост, но таа теорија беше отфрлена.
Одделни руски медиуми го пренесоа објаснувањето дека овој метеор не бил забележан порано бидејќи доаѓал од правецот на Сонцето.
Експлозијата направила помала озонска дупка над Чељабинск, а нејзината сила е проценета на повеќе десетици килотони.
„Штом имате таква експлозија, имате и дупка, така што нè очекува зголемено ултравиолетово зрачење. Верувам дека сè се случило на височина од околу 50 километри. Сепак, нема опасност од контаминација со радијација. Веројатно сега некаде постои кратер, но метеорите обично не се радиоактивни, а нивниот најсилен ефект е светлината и ударот од експлозијата“, изјави астрофизичарот Сергеј Замоздра.
Тој додаде дека ќе треба време додека не бидат пронајдени сите фрагменти, како и тоа дека настан од ваков интензитет се случува на Земјата секои 30 години.
Рускиот премиер Дмитриј Медведев изрази надеж дека нема посериозни инциденти и додаде дека овој метеорски дожд би можел да биде симбол на претстојниот економски форум во Русија.
„Овој настан покажа дека не е ранлива само економијата, туку и целата планета“, рече Медведев. /крај/б92/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Патници скокаа од крилата на авион поради лажна тревога за пожар
На пистата на аеродромот Палма де Мајорка рано утрово се случи инцидент на летот на „Рајанер“ за Манчестер. Поради лажна пријава за пожар, авионот беше евакуиран, а 18 лица беа полесно повредени, потврдија локалните власти.
Инцидентот се случил во саботата во 00:30 часот. Службите за итни случаи добиле пријава за пожарот во авионот што бил на постојката, а според порталот „Кроника Балеар“, противпожарни екипи и работниците за итни случаи веднаш биле испратени на терен.
Шест патници биле пренесени во болница за дополнителни прегледи – тројца во клиниката Ротгер, а тројца во болницата Палмапланас. Другите беа згрижени на местото на настанот со полесни повреди, како што е истегнување на зглобот.
Ryanair 737-800 evacuated at Palma de Mallorca Airport after a fire indication developed on board during taxi.
The SAMU061 coordination center received a call at a.m, reporting a fire on flight RK3446 to Manchester.
A total of 18 people were injured during the evacuation, six… pic.twitter.com/XpCCejGq2t
— Breaking Aviation News & Videos (@aviationbrk) July 5, 2025
Локалната цивилна гарда и пожарникарите на аеродромот помогнаа во евакуацијата на патниците, од кои некои сами скокнаа од авионот преку крилата за да се оддалечат од авионот што е можно поскоро.
Рајанер потврди дека полетувањето е откажано поради лажно предупредување за пожар.
„Летот од Палма до Манчестер на 4 јули не полета поради лажна индикација за пожар. Патниците беа евакуирани и вратени на терминалот“, изјави портпаролот на Рајанер.
„При излегување од авионот, неколку патници беа полесно повредени, па екипажот веднаш побара Итна медицинска помош. За да ги намалиме доцнењата, брзо организиравме заменски авион кој полета од Палма во 07:05 часот утрово.“
„Искрено им се извинуваме на сите патници за непријатностите што ги доживеаа“, додаде авиокомпанијата.
Свет
(Видео) Украинците погодија магацин за оружје на руски воен аеродром, снимен напад со дрон
Украинските специјални сили извршија напад врз рускиот воен аеродром Борисоглебск, кој се наоѓа во регионот Воронеж, објави украинската армија на социјалните мрежи.
Во нападот, според нивните изјави, биле погодени магацин со бомби и авион за обука.
Russian Telegram channels report an attack on a Russian airfield in Borisoglebsk and Progress plant in Cheboksary where EW components are made. pic.twitter.com/UOfSHaqe6I
— Anton Gerashchenko (@Gerashchenko_en) July 5, 2025
Тие исто така додадоа дека постои можност да бидат оштетени и други авиони, но без дополнителни детали.
Овој аеродром се користи како база завиони од типот Су-34, Су-35С и Су-30СМ, се вели во соопштението.
Свет
(Видео) Огромни поплави во Тексас, 24 мртви, 25 деца се водат за исчезнати
Најмалку 24 лица се мртви, а десетици се водат за исчезнати, вклучувајќи 25 деца, откако вчера поплави погодија делови од централен Тексас. Исчезнувањето на околу 25 девојчиња кои беа во летниот камп го потврди вицегувернерот Ден Патрик. Досега се спасени повеќе од 237 лица.
„Во рок од 45 минути, реката Гвадалупе се искачи за 8 метри и имаше катастрофална поплава – одземајќи имот, а за жал и животи“, рече Патрик на прес-конференција во петокот.
Тој прочита изјава од Камп Мистик, во кој живеат околу 700 деца, во која се вели дека има „катастрофално ниво“ на поплави и им кажува на родителите дека ако не се контактирани, тоа значи дека нивното дете е наведено како безбедно.
BREAKING: 20 children are missing in the Texas Hill Country flash flood.
Praying for the best.
This is not a time to be defunding weather research and NOAA. pic.twitter.com/VpUpnAylKk
— Brian Krassenstein (@krassenstein) July 4, 2025
„Тоа не значи дека децата загинале. Можно е да се надвор од домет“, додаде заменик-гувернерот, кој е вршител на должноста гувернер додека Грег Абот е на одмор.
Претседателот на САД, Доналд Трамп, зборуваше за поплавите утрово. „Ужасно е“, рече тој, додавајќи дека поплавите се „шокантни“.
Поради сериозноста на ситуацијата, прогласена е вонредна состојба во некои области. Спасувачките операции и евакуациите се во тек од раните утрински часови, а властите предупредуваат дека може да има понатамошни поплави, дури и ако дождот не е обилен.
„Дури и со слаб дожд, можни се повеќе поплави“, рече вршителот на должноста гувернер Ден Патрик.
🚨 BREAKING: MULTIPLE DEAD IN CATASTROPHIC TEXAS FLOODING: EVACUATIONS UNDERWAY
The Guadalupe River has now reached its 2nd highest flood stage ever, unleashing a deadly wave overnight and swallowing entire towns in Central Texas.
Kerr County officials are calling it… pic.twitter.com/vcP4vOMZDJ
— HustleBitch (@HustleBitch_) July 4, 2025
Гувернерот на Тексас, Грег Абот, рече дека државата ги обезбедува „сите потребни ресурси за Кервил, Инграм, Хант и целиот Тексас Хил Кантри кој се соочува со оваа катастрофална поплава“.
Погодената област од поплавата се наоѓа северозападно од градот Сан Антонио. Снимките од терен покажуваат ненадејни поплави кои ги преплавија мостовите и патиштата, а брзо движечката вода носи сè пред себе.
„Ве молам, не ризикувајте. Бидете внимателни, слушајте ги локалните предупредувања за вонредни ситуации и никогаш не возете низ поплавени патишта“, рече комесарот на Министерството за земјоделство на Тексас, Сид Милер.
Канцеларијата на шерифот на округот Кер го опиша настанот како „катастрофална поплава“ и потврди дека имало жртви. На граѓаните што живеат во близина на потоци, речни текови и реката Гвадалупе им беше советувано веднаш да се евакуираат на повисоки места.
Фото: принтскрин
Куќен притвор за возачот што го усмрти Југослав на кеј, претходно бил осудуван за насилство и непочитување на ковид мерки
Судот му определи куќен притвор на 25-годишниот скопјанец кој со мотор без дозвола го усмрти Југослав Николовски (68) на пешачка...
Не молчевме за корупцијата, а чистевме и во сопствениот двор – Тошковски за сработеното во досегашниот мандат
Министерот за внатрешни работи, Панче Тошковски, на денешната конференција за новинари посветена на сработеното во досегашниот мандат потенцира дека со...
17-годишник загина во сообраќајка во Кичево – возел мотор и се судрил со „ауди“
Несреќа со смртни последици се случи вчера во Кичево, пришто животот го загуби 17-годишно момче од овој град, кое управувало...
Трамп го потпиша својот „голем, прекрасен“ закон: „Никогаш не сум видел толку среќни луѓе“
Претседателот на САД, Доналд Трамп, вчера во Белата куќа потпиша голем пакет даночни олеснувања и намалувања на јавните трошоци, на...
Пеколни горештини во Македонија, температурата денес ќе достигне 41 степен
Македонија е под топлотен бран. Според метеоролозите, времето денес ќе биде сончево и многу топло со мала до умерена локална...
Маргини: Луѓето не заминуваат оти се откажале од формирање семејства, туку зашто државата се откажала од нив
Коалицијата Маргини ја осудува изјавата на премиерот Христијан Мицкоски дека „време е за држава каде што ќе се раѓаат повеќе...
Тенис на Вимблдон или трки на коњи во Аскот
Танталови маки за англиската аристократија Од специјалниот известувач од Вимблдон Во Велика Британија временските прилики се најчесто неприлики доколку планирате...
Османи: Владата направи огромна грешка што го постави јазикот како алатка за популистичка егзибиција, време е да се престане со националистичко родео
Владата направи огромна грешка што го постави јазикот како алатка за дневна политика и популистичка егзибиција. Со тоа тие ја...
Претходно осудувано лице: скопјанецот кој го усмрти пешакот со мотоцикл, немал возачка дозвола
Основното јавно обвинителство Скопје донесе Наредба за спроведување истражна постапка против 25-годишен скопјанец, осомничен за -Тешки дела против безбедноста на...
МНР со детали за несреќата во Србија: загинатиот Македонец има 39 години, тешко повреден е уште еден македонски државјанин
МНР соопшти дека до Амбасадата на Република Северна Македонија во Белград е доставена информација за сообраќајна незгода. Според соопштението несреќата...
МВР со апел до граѓаните: да не отвораат линкови од СМС пораки, можат да бидат цел на криминални групи
Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број...
Јаневска: Во изминатите седум години имаме 17.000 ученици и 7.000 студенти помалку, се празнат училниците
Во седум изминати години имаме 17.000 ученици и 7.000 студенти помалку. Училниците и амфитеатрите се празнат. Ако тоа не се...
Предлогот на Мицкоски за даночење на самците кореспондира со идеите од авторитарни режими, реагира Мрежата за заштита од дискриминација
За време на настанот „Демографски трендови, предизвици и можни решенија – Развој на стратешки документи за демографска отпорност“, претседателот на...
Драма во Шуто Оризари – насилници со палки, боксови и со клоци претепале вработен во „Водовод“
Тројца насилници со железни и дрвени палки, клоци и боксови претепале вработен во „Водовод“ пред пунктот на претпријатието во Шуто...
Поднесено обвинение против директорот на болницата за геријатрија за примање поткуп од 20.000 евра
Обвинителството поднесе обвинение против директорот на ЈЗУ Специјализирана болница за геријатриска и палијативна медицина во Скопје, Мухсин Арифи, и уште за...
Владата размислува да ги даночи немажените и неженетите, рече Мицкоски
Владата размислува за дополнителни даноци за немажени и за неженети, соопшти премиерот Христијан Мицкоски говорејќи дека е време за држава во...
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека во согласност со прогнозите од УХМР и врз основа на акцискиот план за...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
Најголем интересот за студии по медицина и социјална заштита, порасна бројот на запишани студенти за една година
Во академската 2024/2025 година се запишале 53.535 студенти, што претставува зголемување од 2,3 процента во однос на претходната година. Според...
