Европа
Партијата на Качински победува на полските избори
Полската конзервативна партија Правда и право (PiS) на Јарослав Качински води пред владејачката Граѓанска платформа (PO) на премиерката Ева Копач, која веќе го призна поразот на парламентарните избори, покажуваат излезните анкети на институтот IPSOS објавени во неделата доцна вечерта по затворањето на избирачките места, и се проценува дека PiS ќе може самостојно да формира влада.
Според излезната анкета на IPSOS, PiS освојува 39,1 отсто од гласовите, додека PO освојува 23,4 отсто. Доколку овие анкети се покажат точни, партијата Правда и право ќе има мало парламентарно мнозинство што сепак ќе ѝ овозможи самата да формира влада. Станува збор за 242 од вкупно 460 пратенички мандати во Сејмот, 360 во долниот дом на полскиот парламент и 100 во Сенатот.Премиерката Ева Копач, со освоени 133 мандати, го призна поразот истовремено со објавувањето на излезните анкети. „Не заборавајте, не ги изгубивме овие изминати осум години“, додаде.„Ние го следевме патот кој го трасираше претседателот Лех Качински (брат близнак на челникот на PiS, кој загина во 2010 година во авионска несреќа кај руски Смоленск). Тешко работевме“, изјави Беата Шидло која беше кандидатка за премиерка истакнувајќи дека победата е заслуга на одлуките на челниците на партијата.Јарослав Качински, кој е познат како евроскептик, оцени дека ова се први избори во современата историја на Полска на која победила една партија порачувајќи дека нема место за теснопартиските или лични интереси.Од партиите кои го минаа 8-процентниот праг за коалиции и 5-процентниот за партии, во Сејмот влегуваат и Кукиз-15 со 9 отсто од гласовите и 44 пратеници, Новочесна со 7,1 отсто и 22 пратеници, и Полската селанска партија со освоени 5,2 отсто и 22 мандати.Изборната комисија објави дека одѕивот на гласачите бил 51,6 отсто, што е повеќе отколку од парламентарните избори во 2011 години, кога гласале 48,9 отсто од Полјаците. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.