Европа
Германските конзервативци не сакаат азиланти од Балканот
Конзервативните пратеници во германскиот парламент побараа во неделата нови мерки кои доселениците од Балканот би ги одвратило од барањето азил во Германија, најсилната европска економија којашто се справува со рекордниот прилив на бегалци и имигранти.
Повеќето од илјадниците луѓе кои доаѓаат во Германија бегаат од војните и сиромаштијата на Блискиот исток и северна Африка но од 180.000 бегалци кои во првата половина од 2015 година пристигнале во земјата, околу 70.000 се од Балканот.
Најголемиот број доаѓаат поради работа и подобриот животен стандард, меѓутоа шансите да добијат азил се минимални. Околу 0,1 отсто од барателите на азил од Балканот успеале во оваа намера во првите шест месеци од годинава, објави германското министерство за миграции и бегалци. Се очекува дека бројот на лицата коишто бараат азил до крајот на 2015 година двојно ќе се зголеми на 400.000 луѓе, споредено со 200-те илјади барање во 2014 година, а администрацијата вложува голем напори да ги процесуира сите барања.
Волкер Каудер, висок функционер на владејачката Христијанско-демократска унија (CDU) на канцеларката Ангела Меркел, изјави дека лицата од Балканот кои немаат шанси да добијат азил би требало веднаш да бидат вратени. „Кој и да дојде од Косово, би требало да биде вратен назад во рок од еден месец“, изјави Каудер за весникот Die Welt.
Манфред Вебер, челник на Европската народна партија (EPP) и исто така член на баварската Христијанско-социјалната унија (CSU) која е сестринска партија на CDU, смета дека би требало да се размислува за воведување визи за граѓаните на Косово и на Србија. „Тоа е една од опциите во оваа ситуација“, изјави Вебер во интервјуто за германското јавно радио.
Сé повеќе луѓе од Косово бараат азил во Германија, откако поради поблагиот режим за патувања полесно стигнуваат во Европската унија преку Србија. Во првите шест месеци од годинава биле примени 29.000 барања за азил од косовари, што ги прави втората најбројна група по Сиријците, во однос на 2.000 барање во истиот период минатата година, објави, исто така, германското министерство за миграции.
Томас Штробл, висок функционер на CDU, смета дека Германија би требало да ја намали финансиската помош за барателите на азил за тие да бедат уште повеќе мотивирани. Весникот Frankfurter Allgemeine Sonntagszeitung пишува дека владата во Берлина одлучила порано да го одржи самитот за азилантите, префрлајќи го датумот на одржување од октомври или ноември за 9-ти септември. На дневен ред на самитот е проширување на листата земји кои се сметаат за безбедни на Косово, Црна Гора и Албанија, што значи дека нивните граѓани повеќе нема да може да бараат азил во Германија./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.
Европа
Во Швајцарија ќе се одржат мировни преговори за Украина, Русите не доаѓаат
Швајцарската влада денеска соопшти дека во оваа фаза Русија не е меѓу 160-те делегации поканети на мировните преговори за Украина што ќе се одржат во Швајцарија во средината на јуни.
„Швајцарија е убедена дека Русија мора да биде вклучена во тој процес“, соопшти швајцарската влада. „Мировниот процес не е можен без Русија“.
Швајцарската влада соопшти дека отсекогаш била отворена за поканата на Русија, но Москва постојано нагласувала дека не е заинтересирана за учество на првиот самит.
Руските власти истакнуваат дека Швајцарија усвоила европски санкции против Москва поради инвазијата на Украина и затоа нема кредибилитет како неутрален посредник.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.