Српската радикална партија (СРС) повторно соопшти дека нејзиниот лидер Воислав Шешељ во неделата попладне повторно бил префрлен во болница надвор од судот, бидејќи му се слошило.

Српската радикална партија (СРС) повторно соопшти дека нејзиниот лидер Воислав Шешељ, кому пред Хашлкиот трибунал му се суди за воени злосторства во Хрватска, Босна и Херцеговина и против војводинските Хрвати, во неделата попладне повторно бил префрлен во болница надвор од судот, бидејќи му се слошило.

Портпаролката ма Меѓународниот суд за воени злосторства сторени на територијата на поренашна СФРЈ, Нерма Јелачич, потврдила дека Воислав Шешељ е префрлен од притворското одделение на Трибуналот во цивина болница надвор од затворот „од превентивни причини“, притоа одбегнувајќи дополнително да коментира.

Во соопштението на партијата на Шешељ, како што пренесува Бета, таа побарала Хашкиот трибунал итно да овозможи нивниот партиски лидер да го посети и прегледа тим од српски лекари за кои самиот тој дал одобрение. СРС, исто така, побара семејството на Шешељ и неговите правни советници што побрзо да бидат детално известени за причините поради коишто, како се вели во соопштението, дошло до нагло влошување на неговата здравствена ситуација.

Партијата СРС и во средата навечер соопшти дека Шешељ е префрлен во болница надвор од Хашкиот притвор,бидејќи нагло му се влошила здравствената состојба, по што портпаролката на судаот Јелачич во четвртокот изјави дека тој е вратен во притворот откако во средата навечер бил превентивно префрлен во болница поради утврдување и следење на неговата здравствена ситуација. Шешељ, како што минатиот викенд соопштија од неговата партија, при неодамнешниот престој во болницата откако на 6-ти јануари нагло му се слоши, му е вграден пејсмејкер./крај/бт/мф/сн