Регион
Армијата демантира дека планирала удар против Ердоган
Турската армија категорички во четвртокот негираше дека имала каква и да е намера да изврши државен удар и смена на претседател Реџеп Тајип Ердоган, како што изминатиот период пишуваа странските медиуми.
„Дисциплината, безусловната послушност и единствената линија на командување се во темелите на турските вооружени сили. Не можеме да зборуваме за илегално дејствување кое е надвор од структурата на командување или го компромитира“, се вели во соопштението на генералштабот на турската армија во изјава објавена на неговата интернет страница, што од медиумите се оценува како извонредно невообичаена.
Турската армија има долга историја на интервенирање во внатрешната политика, а со последната од 1997 година ја смени тогашната исламистичка влада.
Во четвртокот армискиот врв не наведува на кои медиумските информации се повикува, меѓутоа најавува преземање мерки против секоја „неоснована“ информација.
Написот на американскиот воен коментатор и поранешен функционер во американското министерство за одбрана, Мајкл Рубин, објавен во весникот Newsweek под наслов „Ќе се случи ли државен удар против Ердоган во Турција?“, предизвика големо внимание надвор од земјата.
Еден од водечките турски дневни весници Hurriyet пишува дека изјавата на турската армија се однесува да наводите дека државниот удар го подготвувале офицерите коишто му се лојални на се жестокиот противник а некогаш близок партнер на Ердоган, исламскиот проповедник Фетулах Ѓулен кој живее во егзил во САД.
Турција бара да ѝ биде предаден Ѓулен, бидејќи го обвинува дека управува со „паралелна“ структура во државните институции, вклучително и во безбедносните сили и судството, којашто се обидува да ги собори претседателот Ердоган и владата на неговата исламско-конзервативна Партија на правдата и развојот (AKP) којашто е на власт од 2003 година./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Амра од Јабланица го спасила синот од поплавите во БиХ: „Го ставив на компресорот и пливав“
„Добив повик од Амра велејќи: Гаро, помош Гаро, помош, водата е до плафон“, раскажува пожарникарот Един Дрежњак, кој интервенираше во Јабланица и учествуваше во спасувањето на имамот Семиро Јахиќ и неговото семејство.
Го зедовме гумениот брод на раменици и го носевме четири километри по пругата“, изјави тој за ТРТ Балкан. „Водата дојде до покривот. Не видов никого, ме фати паника. Не знаев дали се живи“, додал тој.
Тој рече дека ситуацијата е исклучително тешка бидејќи водата повеќе не била само вода, туку мешавина од кал, дрвја и отпад.
„Таму беше невозможно да се плива, едвај се пробивавме со чамец“.
„И се јавив на мајка ми и и велам – мамо, треба да искочиме за 10 минути, нема помош за нас“, раскажува Амра Јахиќ, која скокнала од куќата и пливала со својот четиригодишен син.
„Во тој момент, претпоставувам дека го испратил милиот Бог, се појави тој компресор кој се уште се гледа на покривот на џамијата“, додаде нејзиниот сопруг Семир.
Амра го ставила синот на компресорот, но момчето паднало во вода. „Со едната рака го држев детето, а со другата компресорот“, раскажа таа.
„Размислував, ако го изгубам моето дете, за мене живот нема. Не можам да гледам како го губам своето дете“, рече таа.
„Сите се обидовме да го извлечеме детето. Не само јас, сите ние“, додаде Амра.
Тие биле спасени околу 6:15 часот.
„Тогаш членовите на планинската спасувачка служба не евакуираа на безбедна површина“, се сеќава Семир.
Регион
Дино Бегиќ ја загуби бремената сопруга Ајла во катастрофалните поплави во БиХ: „Ќерката виде се“
Областа на Јабланица, Фојница, Кисељак, Крешево беше зафатена од страшни поплави во кои животот го загубија повеќе луѓе, а по некои се уште се трага. Трагедија ги погоди Дино Бегиќ и неговото семејство кога неговата бремена сопруга загина во поплава.
Иако потресен, тој за босански „Аваз“ раскажа што се случило таа кобна ноќ.
„Татко ми и јас излеговме околу полноќ да го исчистиме просторот за да не ни се поплави куќата, бидејќи нормално се создаваат потоци при силен дожд. Се боревме со поројот час или два, а потоа влеговме во куќата“, ја започнува својата приказна Бегиќ.
Вели дека влегле бидејќи дождот малку се смирил, но повторно излегле да продолжат да чистат.
„Во одреден момент слушнав удари од големи камења или што и да беше. Му реков на татко ми да се засолни под големата гаража, жената и ќерката нека останат во куќата мислејќи дека таму ништо нема да им се случи“, вели Бегиќ.
Снемало струја, вели, ѕидовите паѓале, се наоколу паѓало и му рекол на татко му дека е готово.
„Не знам, добро, не ги ни видов кога истрчаа, сепак таа го зеде детето и се обиде да побегне. Дрвото падна врз неа и ја згмечи. Ќерка ми беше спасена, а само Господ знае како“, рече Бегиќ.
Неговата сопруга, 28-годишната Ајла била бремена, а во декември требало да добијат уште една ќерка. Нивната 5-годишна ќерка Далал за чудо преживеала.
„Претпоставувам дека е добро. Се се случи на метар од неа, виде се. Ништо не прашува, знае што се случило, но не прашува“, изјави Бегиќ.
Моментално престојуваат кај неговата тетка, која ги чува бидејќи од нивната куќа не останало ништо, како што вели, сè е срамнето.
Регион
Брод со четири лица се преврте на реката Уна во БиХ, две лица испливаа
Денеска околу 7:15 часот полицијата во Сисак добила пријава од граничната полиција на БиХ дека чамец со четири лица се превртел на територијата на Босна и Херцеговина кај градот Вриоци.
Две лица допливале до брегот на Уна на територијата на Босна и Херцеговина, а потрагата по две лица се уште трае.
На местото на настанот излегле припадници на ХГСС со пловен објект, кои со помош на полицијата интензивно трагаат по исчезнати лица.