Европа
Ексхумирани останките на рускиот цар Николај II
– Петропавловската тврдина крај Санкт Петербург, семејнта гробница на Романови
Одделот за истраги на рускиот Истражен комитет која работи на расветлувањето на убиството на смртта на руското царско семејство Романови во 1918 година, ги ексхумираше во средата во Санкт Петербург останките на царот Николај Втори и неговата сопруга Александра Федоровна.
Одделот за истраги на рускиот Истражен комитет која работи на расветлувањето на убиството на смртта на руското царско семејство Романови во 1918 година, ги ексхумираше во средата во Санкт Петербург останките на царот Николај Втори и неговата сопруга Александра Федоровна.
„Одлучивме да почнеме сé од почеток и повторно да ги спроведеме потребните вештачења. Затоа денеска, во рамките на истрагата, земавме делови од посмртните останки на царот Николај Втори и царицата“, изјави за новинарите еден од шефовите на истрагата Владимир Соловјев.
Ексхумацијата е направена за спроведување дополнителни истражувања во врска со останките откриени во Екатенбург во 2007 година за кои постојат сомневање дека потекнуваат од најстариот син на двојката принцот Алексеј и големата кнегиња Марија.
Во средата беше објавено дека Истражниот комитет повторно ја отвори кривичната истрага за убиството на руското царско семејство Романови, како и луѓето од нивната придружба. Покрената во 1993 година, истрагата за убиството на царското семејство беше заклучена во 2009 година, бидејќи немало значаен напредок, но судот ја поништи таа одлука во 2010 година.
Руската православна црква, која веќе долг период изразува сомневање во автентичноста на споменатите посмртни останки, побара во јули годинава повторно отворање на истрагата.
Според портпаролот на Истражниот комитет, Владимир Маркин, „работната група дала предлог за спроведување дополнителна идентификациска истрага објектите, коишто претходно не ѝ биле достапни на истрагата, односно останките на сестрата на императорката Александра Федоровна Романова, големата кнегиња Елисавета Фјодоровна, кои се во Ерусалим, како и примероците од крвта на дедото на царот Николај Втори, императорот Александар Втори, кој убиен за време на терористички чин во1881 година, која се наоѓа на неговата униформа“.
Покрај тоа, истрагата треба да проучува и архивски материјали откриени по 2011 година поврзани со ткн „белогардејската“ истрага, која се водела меѓу 1918 и 1924 година, како и со судбината на материјалните докази во врска со ова убиство.
Истрагата за околностите на смртта на членовите на царското семејство Романови и членовите на нивната придружба беше иницирана во 1993 година откако беше откриена масовна гробница во близината на Екатеринбург, во областа Ганина јама. Во текот на идентификацијата на останките истрагата утврдила дека тие припаѓаат на стреланите во моќта на 17-ти јули 1918 година, царот Николај Втори, неговата сопруга Александра Фјодоровна Романова, нивните деца големите кнегињи Олга, Татјана и Анастасија Романови, како и на лица од нивната придружба, како лекарот Евгениј Боткин , помошничката Ана Демоидова, готвачот Иван Харитонов и лакејот Алексеј Труп.
Во 1998 година истрагата била прекината поради смртта на наводните сторители на убиството.
На 29-ти јули 2007 година во текот на археолошки ископувања во рамките на трагањето по останките на принцот Алексеј и големата кнегиња Марија Николаевна Романова, малку појужно од местото на кое се откриени останките на Романови и нивната придружба, биле откриени фрагменти од коски и аби од две лица, жена и момче, со знаци дека биле изложени на висока температура.
Оттаму, за утврдувањето на дополнителните околности за смртта и погребувањето на царското семејство повторно беше прелиминарна истрага. Притоа стручњаците утврдиле дека останките од гробницата им припаѓаат на децата на царот и затоа повторно е донесена одлука за затворање на истрагата.
„Големата кнегиња Марија Владимировна ја поздравува одлуката на Истражниот комитет за обновување на истрагата за смртта на членовите на царското семејство и ја смета за разумна и праведна“, изјави за агенцијата ТАСС, адвокатот на семејството Романови, Герман Лукјанов.
Истакнал дека големата кнегиња смета оти обновувањето на истрагата потврдува дека порано „во случајот не биле утврдени сите околности за смртта на членовите на царското семејство и не било дадени целосни и јасни одговори на прашањата од Руската православна црква“.
„Големата кнегиња се надева дека испитувањето на останките од Екатеринбург ќе имаат научен карактер, а прелиминарната истрага по обновеното кривично дело ќе биде сеопфатна, објективна и целосна. Треба да биде утврдена вистината и да се даде одговор на главното прашање – кому му припаѓаат останките“, додал адвокатот Лукјанов./крај/мф/сн
Извор: ТАСС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.