Македонија
Светскиот ден на храната ќе се одбележи со кулинарски хепенинг

Општина Кисела Вода годинава ќе биде домаќин на одбележувањето на Светскиот ден на храната (16-ти октомври – недела), кој традиционално се одбележува од Институтот за јавно здравје преку низа активности.
Општина Кисела Вода годинава ќе биде домаќин на одбележувањето на Светскиот ден на храната (16-ти октомври – недела), кој традиционално се одбележува од Институтот за јавно здравје преку низа активности. Централната манифестација која предвидува кулинарски хепенинг со промовирање на традиционалната кујна ќе се одржи во паркот “Фредерик Шопен”, во општина Кисела Вода во периодот од 09:30 до 13:30 часот.Преку пораката на Светската здравствена организација која за оваа година гласи: ”Цените на храната од криза кон стабилност” и со промоција на македонските традиционални јадења ќе се стави фокус на превентивата преку здрава и безбедна храна.Со традиционално мени на неколку штандови ќе се претстават неколку ресторани, а храната во мала количина ќе се дели и на посетителите на настанот. Истовремено, организаторите на оваа манифестација ќе делат промотивни материјали со кои ќе се потенцира значењето на здравата и безбедна храна и ќе се презентираат статистички податоци за труењата со храна и несаканите последици. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.