Економија
Индустриски Ладилник Тетово го зголеми прометот на берзата
Прометот на македонската берза за хартии од вредност забележува зголемена вредност како резултат на купопродажбата на акциите на Индустриски Ладилник Тетово.
Прометот на македонската берза за хартии од вредност забележува зголемена вредност како резултат на купопродажбата на акциите на Индустриски Ладилник Тетово. 140.402 акции од оваа компанија беа истргувани преку една трансакција чија вредност беше 56.160.800,00 денари, а цената по акција изнесуваше 60,00 денари. Вкупниот промет на целата берза изнесуваше 77.887.081,61 денари, од кои поголемиот дел (88,3%), или 66.751.216,00 денари беа реализирани преку купопродажбата на обични акции, а остатокот беше реализиран преку тргувањето со државните обврзници. Доминираше прометот на редовниот пазар кој изнесуваше 58.057.933,00 денари, додека на официјалниот пазар беше реализиран промет од 19.829.148,61 денари.Од официјалниот пазар најактивно се тргуваше државната обврзница за денационализација од деветата емисија, при што беше остварен промет од 9.134.119,94 денари. Просечната вредност од 78,00% беше без промена на дневна база. Цената на обврзницата се движеше во распон од 77,60% до 78,10%. Истргувани беа 190.175 обврзници кои се реализираа преку 41 трансакции.Втора најтргувана од официјалниот пазар беше акцијата на Комерцијална Банка Скопје со промет од 6.605.500,00 денари. Просечната цена од 3.096,81 денари значеше минимално намалување од 0,04%. Истргувани беа 2.133 акции кои се реализираа преку 8 трансакции. На најликвидните од официјалниот пазар се приклучи и Гранит Скопје со промет од 1.536.600,00 денари. Просечната цена изнесуваше 780,00 денари, што предизвика умерено намалување од 0,70%. Истргувани беа вкупно 1.970 акции кои се реализираа преку 8 трансакции.Покрај акцијата на Индустриски Ладилник Тетово која беше со најголем промет од целиот пазар, на редовниот пазар активно се тргуваше и со акцијата на Македонски Телеком Скопје која оствари промет од 732.325,00 денари. Просечната цена од 511,40 денари означи слаб пораст од 0,17%. Ценовниот распон се движеше од 510,00 до 515,00 денари по акција. Меѓу поликвидните од редовниот пазар беше и акцијата на Тутунска Банка Скопје со промет од 642.587,00 денари. Просечната цена изнесуваше 4.493,62 денари што предизвика поостар пад од 2,45% на дневна основа. Истргувани беа 143 акции кои се реализираа преку 5 трансакции.Скопски Пазар Скопје објави неревидиран биланс на успех за периодот 01.01. – 31.03.2010 година. Според билансот, оперативните приходи за овој период изнесуваат 457.102.000,00 денари, што претставува намалување од 1,76% во однос на оперативните приходи од истиот период од минатата година. Оперативните расходи за првиот квартал од тековната година изнесуваат 444.432.000,00 денари, што е намалување од 1,35% во споредба со расходите од минатогодишниот прв квартал. Финансиските расходи за првото тромесечје од тековната година изнесуваат 10.036.000,00 денари, што претставува намалување од 29,3% во однос на финансиските расходи од првиот квартал од претходната година. За првиот квартал од 2010 година остварена е нето добивка од 3.242.000,00 денари, што претставува зголемување во однос на нето добивката од минатогодишниот прв квартал за 328%.Фершпед Скопје објави неревидиран неконсолидиран биланс на успех за период 01.01 – 31.03.2010 година. Според билансот приходите од продажба за првиот квартал од тековната година изнесуваат 776.527.000,00 денари, што претставува намалување од 19,2% во однос на продажбите од првиот квартал од претходната година. Оперативната добивка за првиот квартал од тековната година изнесува 37.061.000,00 денари. што е намалување од 27,8% во однос на оперативната добивка за истиот период од претходната година. Нето добивката за првиот квартал од тековната година изнесува 31.266.000,00 денари, што е намалување за 27,6% од нето добивката за првиот квартал од претходната година, како последица од негативните ефекти што ги предизвика економската криза.Во објавеното образложение за билансот на успех е наведено дека намалувањето на финансискиот резултат за тековната година е заради намалениот обем на работа од една страна и зголемувањето на трошоците од друга страна. Алкалоид Скопје известува дека неревидиран единечен и неревидиран консолидиран биланс на успех за периодот 01.01 – 31.03.2010 година ќе се објави на СЕИ-НЕТ на 30.04.2010 година во 14:00 часот.ТТК Банка Скопје на акционерското собрание одржано на 28.04.2010 година покрај донесените одлуки за усвојување на годишниот извештај за работењето во 2009 година, за именување на одбор за ревизија, за усвојување на ревизорскиот извештај за 2009 година, донесе и одлука за покривање на загубата за 2009 година. Искажаната загуба на ТТК Банка Скопје по годишната сметка за 2009 година во износ од 67.824.320,50 денари се покрива со:1. Од средствата на акумулирана добивка на банката во износ од 64.987.494,00 денари и2. Од средствата на законскиот резервен фонд на банката во износ од 2.836.826,50 денари.Прикажаната загуба по годишната сметка произлегува од дополнителна обврска за резервација на поголемо побарување по основ на продаден објект од преземените средства за наплата на побарување. ТТК Банка е регистрирана со акционерски капитал од 907.888.000,00 денари и оваа одлука не влијае на никаков начин на регистрираниот капитал на ТТК Банка.ТТК Банка Скопје објави соопштение за продажба на сопствени акции по пат на приватна понуда чиј износ е помалку од 25.000 евра во денарска против вредност. На продажба се понудени 345 обични акции по номиналната вредност од 1.000,00 денари по една акција. Вкупната номинална вредност од 345.000,00 денари и вкупната продажна вредност на понудата е 296.000,00 денари. Намената на средствата – одржување на тековната ликвидност на банката.. Цената по која се нудат сопствените акции е 800,00 за една акција.Технометал Вардар Скопје на акционерското собрание одржано на 28.04.2010 година донесе одлуки за измена на статутот на друштвото, за усвојување на годишната сметка и за усвојување на финансиските извештаи на друштвото.Технометал Вардар Скопје донесе и одлука за распределба на чистата добивка остварена по годишната сметка на друштвото за 2009 година. Чистата добивка во износ од 431.888,80 денари, остварена за 2009 година се распределува:1. 15% од чистата добивка во износ од 64.783,50 денари за задолжителна законска резерва – општ резервен фонд,2. Остатокот од чистата добивка во износ од 367.105,30 денари да се пренесе во наредната година како нераспределена добивка. Согласно податоците добиени од ЦДХВ, ве известуваме дека на 28.04.2010 година е извршен следниот нетрговски трансфер на акции на котирани друштва (по основ на компензација, подарок или наследство):Статер банка Куманово – 5 приоритетни акции.Пет најтргувани хартии од вредност1. Индустриски ладилник Тетово 2. Р.Македонија – Денационализација 09 3. Комерцијална Банка Скопје 4. Гранит Скопје5. Алкалоид СкопјеХартии од вредност со најголем раст1 Машинопромет Скопје 140,00%2. Коста Абрас Скопје 20,00%3. ЕМО Охрид 3,23%4. Макстил Скопје 0,42%5. Македонски Телеком Скопје 0,17%Хартии од вредност со најголем пад1. ОКТА Скопје 8,01%2. Бетон Скопје 4,78%3. Прилепска Пиварница Прилеп 4,61%4. Арцелормиттал (ХРМ) Скопје 2,78%5. Стопанска Банка Скопје 2,68%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Стојаноски: За првпат после долго време, носиме ребаланс во ситуација кога немаме минус, туку имаме зголемени приходи
Бојан Стојаноски, пратеник од ВМРО-ДПМНЕ, на денешната Комисија за финансирање и буџет, се обрати и истакна дека ребалансот е резултат на анализа, одговорност и јасна визија. Според него, со зголемени приходи и рационално трошење, се вложува во плати, пензии, образование, здравство, транспорт, локален развој и млади. Стојаноски додаде дека ова не е симболика, туку конкретна инвестиција во квалитетен и достоинствен живот за сите граѓани во земјава.
,,Ова е порака, порака за нова економска парадигма, порака за домаќинско водење на државните финансии, порака дека не чекаме кризите да не затекнат, туку со рационален пристап и силна политичка волја ги пренасочуваме средствата таму каде што најмногу треба кај граѓаните. Затоа што буџетот, тоа не се само бројки. Тоа е политика во својата најконкретна форма За првпат после долго време, носиме Ребаланс во ситуација кога немаме минус, туку имаме зголемени приходи“, рече Стојаноски.
Истакна дека со ребалансот се обезбедуваат дополнителни средства за плати 800 милиони денари, пензии 2,5 милијарди денари и капитални проекти 300 милиони денари, со што се засилува економскиот развој.
,,Оваа рамка е показател дека Буџетот не е притиснат и потрошен, туку управуван мудро и рационално. Приходите растат, трошењето е контролирано, а приоритетите се кристално јасни“, кажа Стојаноски.
Тој посочи дека ова ќе овозможи повеќе луѓе со попреченост да живеат во заедницата, а не во институции, а ќе има повеќе лични асистенти, повеќе дневни центри, повеќе услуги достапни во секоја општина. Тој напомена и дека најважно од се е тоа што значи дека младите не се заборавени, туку активно вклучени во секоја социјална политика.
Тој додаде дека овој ребаланс значи вложување во луѓето и иднината, во подобри услови за факултети, студентски домови и училишта, во достапен транспорт и здравство за сите, без разлика каде живеат, во поддршка за културата, енергетска независност и младите. Според него, ова не е трошок туку инвестиција во достоинствен живот.
Економија
Битиќи: Ребалансот e признание дека Владата ја загубила финансиската контрола, со дефицит од 4 проценти, над законскиот лимит
Овој ребаланс е индиректно признание дека Владата ја изгубила фискалната контрола и јасно огледало на продлабочената фискална неодговорност во јавните финансии. Наместо реално прилагодување и развојна ориентација, добиваме документ кој прикрива неизвршени ветувања и скицира нереална економска слика, рече пратеникот на СДСМ, Фатмир Битиќи, на денешната седница за ребаланс.
Тој истакна дека иако дефицитот останува на 4% од БДП, тоа е над законскиот максимум од 3%, а отстапување е дозволено само во вонредни ситуации кои во нашата земја не постојат.
„Владата веќе не контролира фискална рамнотежа и го користи ребалансот како политички инструмент. Дефицитот речиси се удвои за месец и половина, од 13,4 на 27,5 милијарди денари. Таков раст не се случува во економија со здрава фискална дисциплина и е знак за неефикасно управување и неконтролирана јавна потрошувачка. Ако приходите растат по 40%, а расходите достигнаа 44%, дали оваа Влада има план? Или троши сè како да нема утре?“ – рече Битиќи.
Според него, наместо реална прераспределба, ребалансот е само козметика, розово на хартија, а црвено во реалноста. Ова не е буџет со план, туку импровизација за политички цели.
„Новото задолжување од 500 милиони евра и скриените долгови од над 700 милиони евра создаваат дополнителен фискален товар што ја загрозува економската стабилност и ќе мора да се решава во иднина.
Разочарувачки е и нискиот степен на реализација на капиталните инвестиции – само 23%, далеку од ветениот рекорден инвестициски циклус“.
Како што рече, Буџетот се користи како предизборно оружје: зголемувањето на пензиите и платите во јавниот сектор, растот на трошоците за договорни услуги и тројното зголемување на буџетските резерви укажуваат на непотизам, партиски вработувања и нетранспарентна потрошувачка.
Во услови кога јавните финансии се загрозени, ова не е одговорно управување со државните пари, туку краткорочна партиска кампања со ризик за економската иднина на граѓаните.
Економија
Божиновска-Триподи: Македонија е стабилен и предвидлив партнер за големи енергетски проекти со јасна регулаторна рамка
Во рамки на Бизнис форумот „Италија – Северна Македонија“, кој денес се одржа во Скопје, министерката за енергетика, рударство и минерални суровини, Сања Божиновска, оствари билатерална средба со Марија Триподи, заменичка министерка за надворешни работи и меѓународна соработка на Република Италија.
На средбата беше изразено заедничко задоволство од сè поинтензивната економска и политичка соработка меѓу двете земји, особено во доменот на енергетиката, каде што постои значаен интерес од италијански компании за инвестирање во зелени и одржливи технологии.
Министерката Божиновска ја информираше соговорничката за тековните проекти што ги спроведува Министерството, како и за новите можности за странски инвестиции во обновливи извори на енергија, енергетска инфраструктура и складирање на енергија. Таа истакна дека Северна Македонија станува стабилен и предвидлив партнер за големи енергетски проекти, со јасна регулаторна рамка и амбициозни цели во енергетската транзиција.
Од страна на г-ѓа Триподи беше изразена поддршка за енергетските реформи што ги спроведува земјата и интерес за продлабочување на билатералната соработка преку конкретни проекти и партнерства, како на институционално, така и на деловно ниво.
Двете соговорнички се согласија дека енергетиката претставува стратешко поле за понатамошно поврзување на Северна Македонија и Италија, со можност за заеднички проекти во контекст на регионалната поврзаност, транзицијата кон чисти извори и развој на модерна енергетска мрежа.
Костадинов го замрзнува членството во СДСМ, најави ново политичко делување
Градоначалникот на Струмица, Костадин Костадинов, соопшти дека го замрзнува членството во СДСМ, незадоволен од сегашното раководство и од насоката во...
СДСМ објави 11 нови кандидати за градоначалници
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...
„Пулс“ ќе се суди во Основниот кривичен суд Скопје, предметот е доставен
Основниот суд во Кочани денеска го достави предметот за пожарот во „Пулс“ во Основниот кривичен суд Скопје, согласно одлуката на...
Арсовска до Тошковски: До сега полицијата не постапуваше по заканите, сега се заканува, што е следно
Градоначалничката на Скопје, Данела Арсовска, вели дека полицискиот службеник Синан Алили ѝ упатил закани на социјалните мрежи. Во објава на...
„Вреди“ бара истрага за намерна манипулација со бројот на Aлбанците на пописот
Од „Вреди“, известуваат дека ќе поднесат кривична пријава до Основното јавно обвинителство – Скопје против поранешното раководство на Државниот завод...
Мотоцилистот удрил во пешакот и избегал, МВР со детали за трагичната несреќа на кејот
Мотоцикл „кавасаки“ го прегазил пешакот кој загина вчера на кејот на Вардар, во близина на Паркот на франкофонијата. Според информациите...
50-60 магационирани БТР, „хермелини“ и „пинцгауери“ ќе гаснат пожари летово, им се вградуваат резервоари за вода, рече Мицкоски
Застарените и магационирани возила на министерствата за внатрешни работи и за одбрана се приспособуваат за гаснење пожари на непристапен терен....
СДСМ поднесе 160 амандмани за ребалансот на буџетот
Овој ребаланс е фискално нереален, социјално штетен и без развојна компонента, изјави пратеничката на СДСМ, Сања Лукаревска, на денешната собраниска...
Граѓаните може да пријават недостапна здравствена услуга или злоупотреба на клиниките на веб-страницата на Министерството
Министерството за здравство се отвори за жалби на граѓаните од здравствениот систем. Граѓаните веќе може секоја забелешка, жалба од функционирањето...
(Видео) Лукаревска: Со ребалансот власта крати пари од граѓаните за да се луксузира
Предложениот ребаланс на Буџетот наместо да понуди подобрување на состојбите во економијата е всушност доказ за целосниот неуспех на економската...
(Видео) Објавено какво оружје Америка престанува да испраќа во Украина
САД ја прекинаа испораката на клучно оружје за Украина, вклучително и системи за воздушна одбрана кои беа клучни за Киев...
Мерц: Русија не води војна само против Украина, туку и против нас
Германскиот канцелар, Фридрих Мерц, синоќа изјави дека Русија не води војна само против Украина, туку и против Германија. Во интервју...
Иран: Американските бомби сериозно го оштетија Фордоу
Американското бомбардирање на клучниот ирански нуклеарен објект Фордоу сериозно го оштети местото, изјави иранскиот министер за надворешни работи, Абас Араки,...
Арсовска до амбасадорката Агелер: „Не Ви е малку незгодно што на листата со ВИП-гости Ви беа лица што треба да Ви се на црната листа на санкции“
Градоначалничката на град Скопје, Данела Арсовска преку социјалните мрежи упати прашање до американската амбасадорка Анџела Агелер. „Добро утро Амбасадорке Агелер,...
(Видео) Силна бура во Сиднеј: урнати дрвја, повеќе од 35.000 дома без струја, откажани десетици летови
Силна бура го погоди Сиднеј втор ден по ред, соборувајќи дрвја, оставајќи илјадници домови без струја и принудувајќи ги домашните...
Трамп: Израел се согласи на условите за 60-дневно примирје во Газа
Американскиот претседател Доналд Трамп вчера изјави дека Израел се согласил со условите за конечен договор за 60-дневен прекин на огнот...
(Видео) Бомбардер „су-34“ се урна во Русија
Руски борбен авион Су-34 се урна вчера за време на воена вежба во регионот Нижни Новгород, објави руската државна новинска...
Сиљановска-Давкова се сретна со шпанскиот премиер Педро Санчез
Претседателката Гордана Сиљановска-Давкова, во рамки на учеството на 4. Меѓународна конференција за финансирање на развојот во Севиља оствари средба со...
(Фото) Запленети околу 100 килограми марихуана во Струмица, уапсени три лица
Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите...
Филипче: Не е време за калкулации, ниту за ситнопартиски интереси, СДСМ останува силен промотор на европската идеја
Претседателот на СДСМ, Венко Филипче, по средбата со еврокомесарката за проширување Марта Кос, изјави дека поддршката од Европската Унија за...
