Македонија
Почна ветеринарна контрола на граничните премини
На граничните премини Богородица и Меџитлија од денеска почна проверка и преглед на пратките од животинско потекло од ветеринарни инспектори на самиот премин.
Проверката се врши во новоизградените објекти за ветеринарна и фитосанитарна контрола, а на почетокот од ваквиот начин на проверка на пратките кои влегуваат и излегуваат од македонска територија присуствуваше министерот за земјоделство и водостопанство Ацо Спасеновски.Изградба на објекти за контрола при увоз и транзит на животни, производи од животинско потекло и растенија на граничните премини согласно Европските стандарди е обврска на Владата како дел од Стратегијата за погранично управуввање.
Од мај 2009 година постапка за проверка и преглед на пратките од животинско потекло од страна на ветеринарите се одвива на граничните премини и на местото на истовар, без преглед на внатрешните царински испостави, со што се олеснуваат и забрзуваат административните процедури при увоз на пратки од животинско потекло.„Ова е еден од условите за влез во Европската унија со кој се овозможува контролиран и брз увозна стоки од анимално и растително потекло. Процес кој што се надоградува и усовршува“, изјави Спасеновски на граничниот премин Богородица.Тој информираше дека досега е изработена техничко-технолошка документација и е подготвена комплетна тендерска документација за изградба на 10 објекти за Граничните премини: Табановце, Блаце, Ќафасан и на Аеродром – Александар Велики. На граничните премини Табановце и Богородица веќе функционира 24 часовно работно време, 7 дена во неделата. На граничните премини Деве Баир, Блаце и Ќафасан ветеринарите се присутни во една смена. При најава за увоз или транзит на пратки од живи животни, проверката и прегледот ја извршуваат на повик по потреба во секое време. Фитосанитарната инспекција која што ја врши котролата на пратки од растително потекло, контролата ја врши до 21.00 часот, а во зимскиот период до 17.00 часот поради тоа што фитосанитарна контрола може да се врши исклучиво при услови на дневна светлина, што е и практика во Европската унија.
За потребите на ветеринарната инспекција изработен е апликативниот софтвер “TRACES like“ со кој се овозможува целата процедура, започнувајки од најавата 24 часа однапред, аплицирањето за увоз или транзит од страна на бизнис заедницата и завршувајки со проверката и прегледот на пратки живи животни и производи од животинско потекло од страна на официјалните ветеринари во целост да се изведува на границите. Компјутерската програма е во согласност со офтверот за работа на гранични премини на ЕУ.„Со реализацијата на овој сет мерки, Министерството за земјоделство, шумарство и водостопанство, дава конкретен придонес во реализацијата на суштинскиот политички приоритет на Владата на Република Македонија – евро интеграциите“, смета Спасеновски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Бошњачката заедница е нераскинлив дел од нашето мултиетничко општество
Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).
Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.
Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.
„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.
„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.
Македонија
Промена на времето: УХМР за утре најавува дожд, силен ветер и драстичен пад на температурите
Управата за хидрометеоролошки работи најавува значителна промена на времето утре – дожд, засилен ветер и пад на температурата.
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Македонија
Претседателката Сиљановска Давкова се сретна со генералниот секретар на Советот на Европа, Алан Берсе
Претседателката Гордана Сиљановска Давкова во рамки учеството на 79. Генерално Собрание на Обединетите Нации во Њујорк, оствари средба со генералниот секретар на Советот на Европа, Алан Берсе.
На средбата беа разменети мислења за целите и приоритетите насочени кон демократизацијата на македонското општество, човековите права и владеењето на правото. Реафирмирајќи ја посветеноста за натамошна конструктивна соработка со Советот на Европа, претседателката Сиљановска Давкова изрази задоволство од континураната поддршка за нашето целосно усогласување со европските стандарди и вредности.
Претседателката Сиљановска Давкова ја нагласи важноста од кредибилно постапување на Европската Унија во однос на интеграцијата на земјите од Западен Балкан кога напредокот на поединечните кандидати е евидентно заслужен. Таа се осврна и на неопходното обезбедување усогласеност со обврските што земјите-членки ги презеле, вклучително и правилното спроведување на пресудите на Судот во Стразбур.
Соговорниците разговараа и за актуелните безбедносни состојби во Европа, со акцент на војната во Украина, како и за потребата од посветеност и заеднички пристап кон сегашните и идните предизвици какви што се влијанието на новите технологии и климатските промени врз човечките ресурси.
На средбата претседателката Сиљановска Давкова упати честитки до новоизбраниот генерален секретар на Советот на Европа, Алан Берсе, изразувајќи искрени желби за успешно исполнување на важната мисија и продолжување на плодната соработка со македонските институции.