Црна хроника
Вработен во „Македонија пат“ загина додека чистеле снег на патот Маврово-Галичник
Вработен во „Македонија пат“ загина во несреќа што се случила во средата попладне околу 18.45 часот додека со возило на „Македонија пат“ чистеле снег на регионалниот пат Маврово – Галичник кај местото Царевец.
Според информациите од СВР Тетово, несреќата се случила кога работната машина „зил“ за расчистување на снегот, го удрила четириесет и петгодишниот Горан Т. од скопското село Орман, со задниот страничен дел. Машината ја управувал шеесет и едногодишниот Д.П. од Велес, вработен во „Македонија пат“, додека Горан бил ангажиран како помошник.
Јавен обвинител, екипа на крим техника, инспектор по труд и заштита при работа извршиле увид на местото на несреќата, а телото на починатиот е предадено за обдукција.Патот од Маврово кон Галичник традиционално се расчистува од снег секоја година пред првомајските празници, но оваа година заврши трагично. За една недела ова е трета жртва по ред во западна Македонија. Петнаесетгодишно девојче загина во сообраќајна несреќа во тетовското село Градец во „БМВ“ кое го управувал малолетник, а дванаесетгодишно дете почина во несреќа откако врз него падна метална врата во селото Непроштено./крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.
Црна хроника
Тешко повредена девојка од Скопје откако четирицикл излета од земјен пат во Галичник
Вчера во 15.00 часот во СВР Тетово било пријавено дека од шумски земјен пат во атар на село Галичник, на место викано „Горно стопанче“, излетал четирицикл со скопски регистарски ознаки, управуван од Б.Л.(22) од Скопје.
Во несреќата со тешки телесни повреди се здобила сопатничката А.Ц.(23) од Скопје, додека возачот се здобил со телесни повреди, констатирани во Општа болница „8 Септември“ во Скопје. Увид на местото извршила екипа од ОВР Гостивар.
Црна хроника
Со „цитроен“ во Струмица маж излетал од патот, тешко повреден сопатникот
Во 00.15 часот во СВР Струмица било пријавено дека на бул.„Гоце Делчев“ во Струмица, патничко возило „цитроен“ со струмички регистарски ознаки, управувано од И.Н.(56) од Струмица, излетало надвор од патот.
Во несреќата со тешки телесни повреди се здобил сопатникот Ж.А., констатирани во Медицински центар Струмица. Увид на местото извршила екипа на Полициската станица Струмица.